Loka hringvegi vegna prófana
Þjóðvegi eitt austan Námaskarðs verður lokað milli klukkan hálf átta og níu í dag vegna þrýstiprófana í Kröfluvirkjun og Bjarnarflagi.
Slík þrýstiprófun er ekki algeng og því vilja aðstandendur Kröfluvirkjunar hafa vaðið fyrir neðan sig ef eitthvað gerist á meðan. Samkvæmt lögreglunni á Norðurlandi eystra telja forsvarsmenn Landsvirkjunar að ekki sé hægt að þrýstiprófa leiðsluna að nóttu.
Unnið er að því að tengja Bjarnarflag og Kröfluvirkjun betur við Fljótsdalsstöð og Akureyri með nýjum raflínum.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
