Viðskipti erlent

500 milljarða sekt UBS

Tryggvi Páll Tryggvason skrifar
UBS er svissneskur banki.
UBS er svissneskur banki. Vísir/EPA
Svissneski bankinn UBS hefur verið sektaður um 3,7 milljarða evra, því sem nemur um 500 milljörðum króna, fyrir að hafa á ólöglegan hátt aðstoðað viðskiptavini sína við að koma fjármunum undan frönskum skattayfirvöldum.

Dómstóll í París komst að þeirri niðurstöðu að bankinn hafi aðstoðað viðskiptavini sína við að fela milljarða evra frá frönskum yfirvöldum á árunum 2012 til 2014. Bankinn neitaði sök og hyggst áfrýja sektinni.

Saksóknarar héldu því fram að starfsmenn bankans hefðu á kerfisbundinn hátt stutt við viðleitni auðugra viðskiptavina til þess að koma fjármunum undan og að peningaþvætti bankans í þágu þessara viðskiptavina hafi verið umfangsmikið.

Bankinn hafði áður hafnað samkomulagi um að ljúka málinu með því að greiða 1,1 milljarð evra í sekt, um 150 milljarða króna. Bankinn hafði hins vegar lagt til hliðar 2,5 milljarða evra, um 330 milljarða króna vegna lögsóka sem bankinn stendur frammi fyrir.

Auk þess þarf bankinn að greiða franska ríkinu 800 milljónir evra, rúmlega 100 milljarða króna, í skaðabætur vegna málsins. Bankinn hagnaðist um 4,3 milljarða á síðasta ári, tæplega 600 milljarða króna.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIK
1,71
6
16.791
VIS
1,53
9
300.468
REITIR
1,21
5
111.540
SJOVA
1,09
8
81.238
FESTI
0,93
6
457.400

Mesta lækkun dagsins


Félag
Br.%
Fjöldi
Velta*
SKEL
-2,82
8
9.870
KVIKA
-1,48
20
452.744
ICEAIR
-1,47
14
9.616
SYN
-0,78
5
70.590
ICESEA
-0,66
4
5.955
Velkomin á Vísi. Þessi vefur notar vafrakökur. Sjá nánar.