Innlent

Hætta notkun blárra ljósa á salernum

Nadine Guðrún Yaghi skrifar

Mannréttinda- og lýðræðisráð Reykjavíkurborgar hefur samþykkt að hætta nú þegar notkun blárra ljósa á salernum í húsnæði borgarinnar og leita samkomulags við leigjendur húsnæðis í eigu borgarinnar um að gera það sama. Ástæðan er sú að lýsingin virðist ekki koma í veg fyrir sprautunotkun á salernum en eykur hætta á skaða við athöfnina.

„Þetta á auðvitað að vera forvörn gegn því að fólk noti vímuefni í æð á þessum salernum. Þetta er ekki að skila miklum árangri hvað það varðar en þetta er að auka skaðann við notkunina, bæði fyrir notendur efnanna sem og starfsfólk og aðra sem nota salernin á eftir þeim,“ segir Dóra Björt Guðjónsdóttir, forseti borgarstjórnar.

Hún segir bláu ljósin enn töluvert í notkun á salernum, til dæmis í sundlaugum, þjónustumiðstöðvum og víðar.

„Það verða núna allavegana send út þau skilaboð að þetta verði ekki notað lengur,“ segir hún.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.