Guðmundur Spartakus mættur í Landsrétt

Sunna Kristín Hilmarsdóttir skrifar 28. febrúar 2019 09:02

Guðmundur Spartakus Ómarsson í Landsrétti í morgun. vísir/vilhelm

Guðmundur Spartakus Ómarsson er mættur í Landsrétt til þess að gefa þar skýrslu í meiðyrðamáli sem hann höfðaði gegn Atla Má Gylfasyni, blaðamanni, vegna umfjöllunar eftir hann sem birtist í Stundinni í desember 2016.

Sjá einnig: Guðmundur Spartakus til Íslands vegna máls gegn Atla Má

Guðmundur stefndi Atla Má vegna umfjöllunarinnar. Fór hann fram á ómerkingu á ærumeiðandi ummælum og greiðslu miskabóta vegna ítrekaðra ærumeiðinga og brota á friðhelgi stefnanda, eins og sagði í stefnunni.

Héraðsdómur Reykjavíkur sýknaði Atla Má í maí síðastliðnum af stefnu Guðmundar og var Guðmundi gert að greiða 600 þúsund krónur í málskostnað.

Sjá einnig: Atli Már sýknaður í meiðyrðamáli Guðmundar Spartakusar

Guðmundur, sem búsettur er í Suður-Ameríku áfrýjaði niðurstöðu héraðsdóms til Landsréttar en málflutningur í málinu fer fram þar í dag. Guðmundur bar ekki vitni fyrir héraðsdómi en mun eins og áður segir gefa skýrslu fyrir Landsrétti nú fyrir hádegi.

Vísir mun fylgjast með úr dómsal og greina frá því sem fram fer.

Dómsmál Fjölmiðlar Hvarf Friðriks Kristjánssonar

Tengdar fréttir

Guðmundur Spartakus til Íslands vegna máls gegn Atla Má

Landsréttur mun fjalla um mál Guðmundar Spartakusar gegn Atla Má Gylfasyni á nýju ári.

14. desember 2018 13:11

Atli Már segist hafa unnið orrustuna en tapað stríðinu

Blaðamaðurinn Atli Már Gylfason var nokkuð kátur eftir að hann var sýknaður af kröfum Guðmundar Spartakusar Ómarssonar í meiðyrðamáli

31. maí 2018 15:15

Atli Már sýknaður í meiðyrðamáli Guðmundar Spartakusar

Dómur var kveðinn upp í Héraðsdómi Reykjaness í dag.

31. maí 2018 14:00

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.