Skoðun

Afsakið ruglinginn

Þórlindur Kjartansson skrifar
Í pistli mínum í Fréttablaðinu síðastliðinn föstudag fór ég helst til glannalega (og rangt) með stórskemmtilega frásögn úr stórvirkinu Saga daganna eftir dr. Árna Björnsson. Í gær birtist í blaðinu athugasemd frá höfundi þar sem hann átelur mig fyrir þessi mistök og skýrir frá hinu rétta í málinu.

Ég bið Árna Björnsson velvirðingar á að hafa ranghermt úr bókinni hluta frásagnarinnar. Sömuleiðis vona ég að ekki falli blettur á nafn síra Jóns Halldórssonar þótt ég hafi reynt að vera fyndinn á hans kostnað í skrifum mínum. Sagnfræðingar framtíðarinnar hafa vonandi vit á því að taka pistlaskrifum mínum almennt með miklum fyrirvara, en leggja trúnað sinn frekar við vandaða fræðimenn á borð við Árna.

Dr. Árna Björnssyni þakka ég fyrir leiðréttinguna—og einnig fyrir ævistarf sitt sem hefur verið mér óþrjótandi uppspretta skemmtunar og fræðslu í gegnum tíðina. Ég skal vanda mig betur næst.


Tengdar fréttir

Fyrsta íslenska trollið

Eflaust hefðu margir útlendingar rekið upp stór augu í morgun ef þeir voru snemma á vappi.

Þorrahlaup Þórlinds

Ég sé mig knúinn til að gera alvarlega athugasemd við pistil Þórlinds Kjartanssonar á 9. síðu Fréttablaðsins 25. janúar 2019.




Skoðun

Skoðun

Er þetta eðli­legt?

Guðrún Árnadóttir,Guðrún Tara Sveinsdóttir,Hekla Kollmar,Þorgerður Jörundsdóttir skrifar

Sjá meira


×