Kristján Andrésson gagnrýnir leikjafyrirkomulagið á HM í handbolta

Kristján Andrésson, þjálfari sænska handboltalandsliðsins, er að fara með lið sitt á HM í Þýskalandi og Danmörku og er hann einn af fimm íslenskum þjálfurum á mótinu. Kristján heldur því fram að liðin séu að spila alltof marga leiki á heimsmeistaramótinu í ár.

Liðin sem fara alla leið í keppninni munu spila tíu leiki á aðeins sautján dögum. Í stað þess að fara í sextán liða úrslit eins og á síðustu heimsmeistarakeppnum þá taka nú við þrír leikir í milliriðli áður en kemur að leikjum um sæti.

„Það er ljóst að þetta eru alltof margir leikir. Gæðin minnka og það koma upp alltof mörg meiðsli,“ sagði Kristján Andrésson við TT-fréttastofuna í Svíþjóð. DR segir frá.

„Það hjálpar engum að spila kampavínshandbolta fimm sinnum í sextíu mínútur á sjö dögum. Við getum endað með að spila tíu leiki sem eru einum eða tveimur leikjum of mikið,“ sagði Kristján.

Sænsku landsliðsmennirnir Jesper Nielsen og Mattias Zachrisson taka undir orð Kristjáns.

„Það eru margir sem telja að þetta sé of erfitt. Ekki síst þar sem leikmennirnir hafa þegar spilað marga leiki á tímabilinu þar sem er líka spilað þétt. Ég veit ekki hvort að besta lausnin sé að hætta að spila stórmót á hverju ári en það gengur ekki að hafa svona marga leiki. Eitthvað þarf að gerast áður leikmennirnir fara að hætta að gefa kost á sér,“ sagði says Jesper Nielsen.

„Þetta er leikjaprógram er alltof erfitt fyrir skrokkinn. Ég spilað fyrsta landsleikinn þegar ég var átján ára en ég er ekki átján ára lengur. Ég er 28 ára og hvert einasta stórmót situr í mér,“ sagði Mattias Zachrisson.

Svíar eru í riðli með Ungverjalandi, Katar, Argentínu, Egyptalandi og Angóla en fyrsti leikurinn er á móti Egyptalandi á föstudagskvöldið kemur.