Viðskipti innlent

Fjögur ráðin nýir forstöðumenn hjá Veitum

Atli Ísleifsson skrifar
Arndís Ósk Ólafsdóttir, Harpa Þuríður Böðvarsdóttir, Hafliði Jón Sigurðsson og Guðbjörg Sæunn Friðriksdóttir.
Arndís Ósk Ólafsdóttir, Harpa Þuríður Böðvarsdóttir, Hafliði Jón Sigurðsson og Guðbjörg Sæunn Friðriksdóttir. veitur

Arndís Ósk Ólafsdóttir, Guðbjörg Sæunn Friðriksdóttir, Hafliði Jón Sigurðsson og Harpa Þuríður Böðvarsdóttir hafa verið ráðin nýir forstöðumenn hjá Veitum. Um er að ráða forstöðumenn í vatnsveitu, fráveitu, hitaveitu og í stefnu og árangri.

Í tilkynningu segir að forstöðumennirnir komi til með að leiða vegferð Veitna í áframhaldandi uppbyggingu hagkvæmra veitukerfa með öryggi, umhverfissjónarmið og langtímaþarfir viðskiptavina og samfélags að leiðarljósi.

„Arndís Ósk Ólafsdóttir hefur verið ráðin forstöðumaður vatnsveitu. Arndís Ósk lauk BS próf í umhverfis og byggingarverkfræði frá Háskóla Íslands 2004 og meistaragráðu í Water Resource Engineering frá Heriot Watt University í Edinborg 2006. Eftir námslok hóf hún störf hjá Hyder Consulting í Edinborg við hermun og hönnun fráveitukerfa 2006-2007 og vann við vatnsveituverkefni í Namibíu fyrir Þróunarsamvinnustofnun Íslands.  Arndís Ósk var ráðin til Orkuveitu Reykjavíkur í lok árs 2007 sem verkefnastjóri og tók við sem fagstjóri vatnsveitu 2010. Frá árinu 2017 hefur hún starfað sem tæknistjóri vatnsveitu 2017.

Guðbjörg Sæunn Friðriksdóttir hefur verið ráðin forstöðumaður fráveitu. Guðbjörg Sæunn útskrifaðist með BS próf í rekstrarverkfræði frá Háskólanum í Reykjavík árið 2010 og með M.Sc próf í iðnaðarverkfræði frá Háskóla Íslands árið 2012. Frá því hún lauk námi hefur hún starfað á framleiðslusviði Össurar, fyrst sem ferilseigandi á CNC renniverkstæðinu þar til hún tók við Öryggis- og umbótasviði framleiðslu og síðustu þrjú árin hefur hún starfað sem framleiðslustjóri Silikondeildar.

Hafliði Jón Sigurðsson hefur verið ráðinn forstöðumaður hitaveitu. Hafliði Jón útskrifaðist með B.Sc í véla- og iðnverkfræði 2002 og M.Sc í vélaverkfræði frá Háskóla Íslands árið 2004. Hann starfaði hjá Icelandair 2004-2007 sem hönnuður og verkefnastjóri og síðan sem deildarstjóri viðhaldsstýringar á árunum 2007-2015.  Á árunum 2015 – 2016 starfaði Hafliði Jón hjá Rhino Aviation sem framkvæmdastjóri sölu- og markaðsmála. Hann hóf störf hjá Veitum 2016 sem forstöðumaður Rekstrar.

Harpa Þuríður Böðvarsdóttir hefur verið ráðin forstöðumaður stefnu og árangurs. Harpa Þuríður lauk BA prófi í stjórnmálafræði frá Háskóla Íslands árið 2000 og meistaragráðu í stjórnun og stefnumótun frá sama skóla 2004. Þá stundaði hún meistaranám í fjármálum fyrirtækja frá Háskólanum í Reykjavík og útskrifaðist þaðan 2017. Harpa Þuríður starfaði í 14 ár hjá Actavis hér á landi, Norðurlöndunum og með dótturfyrirtækinu Medis á ýmsum erlendum mörkuðum. Hjá Actavis sinnti hún nokkrum störfum en lengst af sem starfsmannastjóri (Director, HR & Org. Development) fyrirtækisins á Íslandi.  Á árinu 2018 starfaði hún sem verkefnastjóri stefnumótunar á skrifstofu ráðuneytisstjóra í velferðarráðuneytinu,“ segir í tilkynningunni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
2,8
8
18.571
MARL
1,56
56
1.809.084
LEQ
1,37
1
1.549
EIM
0,57
6
22.188
ARION
0,5
12
152.139

Mesta lækkun dagsins


Félag
Br.%
Fjöldi
Velta*
GRND
-2,46
7
55.714
EIK
-2,24
7
75.346
REITIR
-1,86
12
277.872
SIMINN
-1,77
8
142.210
FESTI
-1,74
5
116.070
Velkomin á Vísi. Þessi vefur notar vafrakökur. Sjá nánar.