NBA-leikmaður tekinn með eiturlyf á flugvelli í New York

D'Angelo Russell sló í gegn með liði Brooklyn Nets í NBA-deildinni í vetur en hann kom sér í vandræði á LaGuardia flugvellinum í fyrrinótt.

Russell var þá tekinn með marijúana í fórum sínum þegar hann ætlaði að fljúga frá New York eftir NBA-tímabilið.

Marijúana fannst í tösku Russell sem hann hafði innritað.

Nets point guard D'Angelo Russell busted for pot possession at LaGuardia Airport https://t.co/CGP0w0bKy9

— New York Post Sports (@nypostsports) May 2, 2019

Marijúanað var vel falið í leynihólfi í dós með tepokum en USA Today sagði frá vandræðum leikmannsins.

D'Angelo Russell var á sínu öðru tímabili með Brooklyn Nets liðsins en hann kom þangað frá Los Angeles Lakers.

Í vetur var hann með 21,1 stig og 7,0 stoðsendingar að meðaltali í leik og hækkaði sig verulega frá því að vera með 15,5 stig og 5,2 stoðsendingar að meðaltali tímabilið á undan.

Brooklyn Nets liðið komst líka í úrslitakeppnina í fyrsta sinn frá 2015 en féll út 4-1 á móti Philadelphia 76ers.

Hinn 23 ára gamli D'Angelo Russell þarf nú að mæta fyrir rétt þar sem málið verið tekið fyrir.