Fann afdrifaríka reiknivillu á prófsýningu inntökuprófa í læknisfræði Kristín Ólafsdóttir skrifar 7. september 2019 14:30 Nemendurnir fimm hefja nám við læknadeild Háskóla Íslands á mánudag, þremur vikum á eftir samnemendum sínum á fyrsta ári. Vísir/vilhelm Reiknivilla, sem uppgötvaðist við prófsýningu á inntökuprófum í læknisfræði við Háskóla Íslands í vikunni, varð til þess að fimm einstaklingar bætast á mánudag við hóp nýnema við læknadeild skólans, þremur vikum eftir að önnin hófst. Nemendurnir fimm stóðu í þeirri trú að þeir hefðu ekki komist inn í læknisfræði þangað til að hringt var í þá og þeim boðin skólavist eftir að reiknivillan var staðfest. Forseti læknadeildar HÍ harmar atvikið. Læknadeild hefur verið með inntökupróf um margra ára skeið og margir eru ævinlega um hituna. Í ár var áætlað að taka 54 nemendur inn í deildina eftir prófið, sem þreytt var í júní síðastliðnum. Tveir reyndust jafnir með nákvæmlega sömu einkunn í 54. sæti og hófu því 55 fyrsta árs nemar nám við læknadeild Háskóla Íslands nú í ágúst. „Í prófsýningum sem fara alltaf fram í lok ágúst og byrjun september þá kemur fyrir að nemar reka augun í eitthvað sem þeir benda okkur á og það gerðist í prófsýningu nú í seinni hluta vikunnar að einn nemi tók eftir reiknivillu í sínu prófi og benti á það,“ segir Engilbert Sigurðsson, forseti læknadeildar Háskóla Íslands.Ráða alveg við 60 nemendur Í kjölfarið var rætt beint við stærðfræðinginn sem reiknar út úr prófinu fyrir læknadeild. Hann staðfesti að um reiknivillu væri að ræða sem snerti þó mikinn minnihluta nemendanna sem þreyttu prófið.Engilbert Sigurðsson, forseti læknadeildar Háskóla Íslands.„Villan leiddi engu að síður til þess að fyrir þá sem urðu fyrir henni gat hún breytt talsvert miklu um röð þeirra. Fyrir vikið færðust fimm úr því að vera í sætum sem voru í sumum tilvikum talsvert langt frá því að vera 55 efstu sætin, upp í sæti sem voru á bilinu 23 til 52. Þar með var hópurinn orðinn 60 manns, sem er nokkurn veginn sú tala sem við höfðum stefnt að að taka inn frá og með næsta ári. Þannig að það er eitthvað sem við ráðum alveg við,“ segir Engilbert.Reiknivillan fleytti engum inn Hann segir jafnframt mikilvægt að fram komi að engir af þeim 55 nemendum, sem voru í hópnum fyrir, hafi ratað þangað vegna reiknivillu. „Það er mikilvægt atriði. Þeir sem eru teknir inn eru einfaldlega þeir sextíu efstu sem þreyttu prófið. En við hörmum það mjög að þessi reiknivilla, sem við höfum aldrei orðið vör við áður, hafi gerst. En svona hlutir geta gerst í flóknum útreikningum með mjög stór skjöl.“ Engilbert segir deildina ákaflega þakkláta nemanum sem benti á villuna. Hann leggur áherslu á að brugðist hafi verið tafarlaust við ábendingunni og niðurstöðurnar endurreiknaðar strax um kvöldið. „Ég ræddi við hvern og einn nemanda strax næsta morgun og bauð þeim skólavist nú strax í haust. Þau eru öll búin að þiggja það og byrja á mánudaginn. Ég er líka búinn að tala við fyrsta árið og biðja þau um að taka vel á móti þeim og skýra fyrir þeim hvernig þetta er vaxið.“ Nemendurnir í erfiðri stöðu Engilbert segir að almennt hafi nemendurnir sem urðu fyrir reiknivillunni verið ánægðir með fréttirnar, þó að málið hafi vissulega komið flatt upp á þau og sett þau í erfiða stöðu. „Og hjá okkur eru þetta blendnar tilfinningar. Við erum ánægð með að þetta hafi komist upp en auðvitað líður okkur illa með að sumir hafi fengið þessi tíðindi eftir þessum leiðum svona rétt eftir að námið er hafið.“ Í framhaldinu verði ferlinu við útreikninga breytt og það eflt. Þannig muni tveir aðilar fara yfir niðurstöður útreikninganna. Engilbert segir að þessar breytingar muni þó, því miður, seinka niðurstöðum inntökuprófsins sem iðulega er beðið með mikilli eftirvæntingu. „En við verðum að gera það til að lágmarka algjörlega líkurnar á svona reiknivillum. Það þarf að vanda til verka. Þetta er geisilega vinsælt próf og vekur eðlilega upp margar tilfinningar hjá próftökum.“ Þrjár vikur eru síðan fyrsta árs læknanemarnir byrjuðu í skólanum. Hinir fimm munu því hefja nám á fjórðu viku fyrstu annarinnar. Engilbert segir að það ætti að ganga vel upp. „Það sem er búið er mikið til undirbúningur, ákveðinn inngangur. Við höfum áður tekið inn nema á þessum tíma þegar minniháttar breytingar hafa orðið út af spurningu sem við felldum út þannig að við höfum alveg reynslu af því áður. Þannig að það verður í lagi.“ Skóla - og menntamál Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Falsað myndband af kennara og nemanda fór í dreifingu Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Kröfur kvennaárs komnar í innheimtu og gjalddaginn fallinn Innlent Fleiri fréttir Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Sjá meira
Reiknivilla, sem uppgötvaðist við prófsýningu á inntökuprófum í læknisfræði við Háskóla Íslands í vikunni, varð til þess að fimm einstaklingar bætast á mánudag við hóp nýnema við læknadeild skólans, þremur vikum eftir að önnin hófst. Nemendurnir fimm stóðu í þeirri trú að þeir hefðu ekki komist inn í læknisfræði þangað til að hringt var í þá og þeim boðin skólavist eftir að reiknivillan var staðfest. Forseti læknadeildar HÍ harmar atvikið. Læknadeild hefur verið með inntökupróf um margra ára skeið og margir eru ævinlega um hituna. Í ár var áætlað að taka 54 nemendur inn í deildina eftir prófið, sem þreytt var í júní síðastliðnum. Tveir reyndust jafnir með nákvæmlega sömu einkunn í 54. sæti og hófu því 55 fyrsta árs nemar nám við læknadeild Háskóla Íslands nú í ágúst. „Í prófsýningum sem fara alltaf fram í lok ágúst og byrjun september þá kemur fyrir að nemar reka augun í eitthvað sem þeir benda okkur á og það gerðist í prófsýningu nú í seinni hluta vikunnar að einn nemi tók eftir reiknivillu í sínu prófi og benti á það,“ segir Engilbert Sigurðsson, forseti læknadeildar Háskóla Íslands.Ráða alveg við 60 nemendur Í kjölfarið var rætt beint við stærðfræðinginn sem reiknar út úr prófinu fyrir læknadeild. Hann staðfesti að um reiknivillu væri að ræða sem snerti þó mikinn minnihluta nemendanna sem þreyttu prófið.Engilbert Sigurðsson, forseti læknadeildar Háskóla Íslands.„Villan leiddi engu að síður til þess að fyrir þá sem urðu fyrir henni gat hún breytt talsvert miklu um röð þeirra. Fyrir vikið færðust fimm úr því að vera í sætum sem voru í sumum tilvikum talsvert langt frá því að vera 55 efstu sætin, upp í sæti sem voru á bilinu 23 til 52. Þar með var hópurinn orðinn 60 manns, sem er nokkurn veginn sú tala sem við höfðum stefnt að að taka inn frá og með næsta ári. Þannig að það er eitthvað sem við ráðum alveg við,“ segir Engilbert.Reiknivillan fleytti engum inn Hann segir jafnframt mikilvægt að fram komi að engir af þeim 55 nemendum, sem voru í hópnum fyrir, hafi ratað þangað vegna reiknivillu. „Það er mikilvægt atriði. Þeir sem eru teknir inn eru einfaldlega þeir sextíu efstu sem þreyttu prófið. En við hörmum það mjög að þessi reiknivilla, sem við höfum aldrei orðið vör við áður, hafi gerst. En svona hlutir geta gerst í flóknum útreikningum með mjög stór skjöl.“ Engilbert segir deildina ákaflega þakkláta nemanum sem benti á villuna. Hann leggur áherslu á að brugðist hafi verið tafarlaust við ábendingunni og niðurstöðurnar endurreiknaðar strax um kvöldið. „Ég ræddi við hvern og einn nemanda strax næsta morgun og bauð þeim skólavist nú strax í haust. Þau eru öll búin að þiggja það og byrja á mánudaginn. Ég er líka búinn að tala við fyrsta árið og biðja þau um að taka vel á móti þeim og skýra fyrir þeim hvernig þetta er vaxið.“ Nemendurnir í erfiðri stöðu Engilbert segir að almennt hafi nemendurnir sem urðu fyrir reiknivillunni verið ánægðir með fréttirnar, þó að málið hafi vissulega komið flatt upp á þau og sett þau í erfiða stöðu. „Og hjá okkur eru þetta blendnar tilfinningar. Við erum ánægð með að þetta hafi komist upp en auðvitað líður okkur illa með að sumir hafi fengið þessi tíðindi eftir þessum leiðum svona rétt eftir að námið er hafið.“ Í framhaldinu verði ferlinu við útreikninga breytt og það eflt. Þannig muni tveir aðilar fara yfir niðurstöður útreikninganna. Engilbert segir að þessar breytingar muni þó, því miður, seinka niðurstöðum inntökuprófsins sem iðulega er beðið með mikilli eftirvæntingu. „En við verðum að gera það til að lágmarka algjörlega líkurnar á svona reiknivillum. Það þarf að vanda til verka. Þetta er geisilega vinsælt próf og vekur eðlilega upp margar tilfinningar hjá próftökum.“ Þrjár vikur eru síðan fyrsta árs læknanemarnir byrjuðu í skólanum. Hinir fimm munu því hefja nám á fjórðu viku fyrstu annarinnar. Engilbert segir að það ætti að ganga vel upp. „Það sem er búið er mikið til undirbúningur, ákveðinn inngangur. Við höfum áður tekið inn nema á þessum tíma þegar minniháttar breytingar hafa orðið út af spurningu sem við felldum út þannig að við höfum alveg reynslu af því áður. Þannig að það verður í lagi.“
Skóla - og menntamál Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Falsað myndband af kennara og nemanda fór í dreifingu Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Kröfur kvennaárs komnar í innheimtu og gjalddaginn fallinn Innlent Fleiri fréttir Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Sjá meira