Sturla keypti blokk á Ásbrú Björn Þorfinnsson skrifar 17. október 2019 08:00 Sturla Sighvatsson var einn stofnenda leigufélagsins Heimavalla og var framkæmdastjóri þess. Fréttablaðið/Anton Fjárfestirinn Sturla Sighvatsson keypti 16 íbúða blokk á Ásbrú á síðasta ári. Til þess að fjármagna kaupin fékk Sturla samtals um 190 milljóna króna hagstæð lán frá Íbúðalánasjóði sem aðeins eru ætluð óhagnaðardrifnum leigufélögum. Sturla hefur verið umsvifamikill í margs konar fjárfestingum undanfarin ár. Til marks um það er hann skráður fyrir á þriðja tug einkahlutafélaga. Fréttir af rekstrarerfiðleikum viðskiptaveldis Sturlu hafa verið háværar undanfarna mánuði. Þannig greindi Fréttablaðið frá miklum vandræðum með byggingu blokkar við Gerplustræti 2-4 í síðustu viku en Sturla stýrði verkefninu og átti lítinn hlut í því. Þá fjallaði Stundin um að fjölmargar fasteignir í eigu félaga hans hafi verið auglýstar á nauðungarsölum undanfarin misseri. Sturla var á meðal stofnenda leigufélagsins Heimavalla og var fyrsti framkvæmdastjóri félagsins. Heimavellir keyptu meirihluta eigna sinna af þróunarfélaginu Kadeco á Ásbrú og af Íbúðalánasjóði og að stórum hluta með fjármögnun frá Íbúðalánasjóði. Það má því segja að Sturla hafi fetað troðnar slóðir með persónulegum viðskiptum sínum á Ásbrú. Fasteignin sem um ræðir heitir Grænásbraut 604A og 604B. Kaupverð eignanna var 235,7 milljónir króna og til þess að fjármagna kaupin fékk félag Sturlu, Grænásbraut 604 ehf., 80 prósent lán frá Íbúðalánasjóði, samtals um 190 milljónir króna. Þessi tilteknu lán eru aðeins ætluð óhagnaðardrifnum leigufélögum og þurfa félögin að uppfylla margs konar skilyrði til þess að hljóta lánin. Meðal annars má ekki greiða út arð úr félögunum og launagreiðslur verða að vera hóflegar. Vextir á lánunum eru 4,2 prósent sem er hátt miðað við það sem gerist á markaði. Það sem gerir þó lánin eftirsóknarverð er sú staðreynd að lánshlutfallið er mjög hátt, áðurnefnd 80 prósent af kaupverði. Ólíklegt verður að teljast að lánanefndir hefðbundinna banka myndu vera spenntar fyrir leigufélagsverkefni með svo lágt eiginfjárhlutfall. Þá er lánstíminn til 50 ára og það þýðir að afborganir eru frekar lágar enda dreifast þær yfir langt tímabil. Möguleikinn til að hagnast felst í því að selja félagið í heild sinni á hagstæðum tímapunkti eða greiða upp lánin frá Íbúðalánasjóði, til dæmis með endurfjármögnun frá annarri lánastofnun. Athygli vekur að Heimavellir, undir stjórn Sturlu, sóttu í sams konar lánsfjármögnun frá Íbúðalánasjóði á fyrstu árum leigufélagsins. Þessi fjármögnunarleið hefur valdið leigufélaginu vandræðum eftir að það var skráð á markað og uppfyllti þar með ekki lengur hina óhagnaðardrifnu kröfu Íbúðalánasjóðs. Fjármálaeftirlitið gerði athugasemdir við að útlánin stæðust ekki lengur ákvæði reglugerðar. Afleiðing af því var meðal annars sú að Íbúðalánasjóður hækkaði vexti á lánum um eitt prósent til eins af dótturfélögum Heimavalla á þessu ári. Lánin stóðu þá í um 2,5 milljörðum króna. Sú ákvörðun hefur verið kærð til úrskurðarnefndar velferðarmála. Fyrir rúmum mánuði greindi Fréttablaðið frá því að fjárfestirinn Matthías Imsland hefði keypt heila blokk á Akranesi og farið sömu leið og Sturla til þess að fjármagna kaupin. Áður hafði hann keypt tug íbúða í Vestmannaeyjum með sama hætti. Sturla og Matthías hafa átt í nánu viðskiptasambandi undanfarin ár. Þannig eiga þeir saman félagið HV 10 ehf. sem á umdeildar fasteignir við Óðinsgötu. Þessar fasteignir brunnu til kaldra kola um mitt síðasta ár og hafa ítrekað verið auglýstar á nauðungarsölu undanfarna mánuði. Birtist í Fréttablaðinu Húsnæðismál Reykjanesbær Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Krónísk óstundvísi: Skýringar og góð ráð Atvinnulíf Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Stofnandi Binance dæmdur fyrir peningaþvætti Viðskipti erlent Tekjur Apple drógust saman enn eina ferðina Viðskipti erlent Viljinn tekinn til gjaldþrotaskipta Viðskipti innlent Röntgen Domus og Orkuhúsið fá ekki að sameinast Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Fjárfestirinn Sturla Sighvatsson keypti 16 íbúða blokk á Ásbrú á síðasta ári. Til þess að fjármagna kaupin fékk Sturla samtals um 190 milljóna króna hagstæð lán frá Íbúðalánasjóði sem aðeins eru ætluð óhagnaðardrifnum leigufélögum. Sturla hefur verið umsvifamikill í margs konar fjárfestingum undanfarin ár. Til marks um það er hann skráður fyrir á þriðja tug einkahlutafélaga. Fréttir af rekstrarerfiðleikum viðskiptaveldis Sturlu hafa verið háværar undanfarna mánuði. Þannig greindi Fréttablaðið frá miklum vandræðum með byggingu blokkar við Gerplustræti 2-4 í síðustu viku en Sturla stýrði verkefninu og átti lítinn hlut í því. Þá fjallaði Stundin um að fjölmargar fasteignir í eigu félaga hans hafi verið auglýstar á nauðungarsölum undanfarin misseri. Sturla var á meðal stofnenda leigufélagsins Heimavalla og var fyrsti framkvæmdastjóri félagsins. Heimavellir keyptu meirihluta eigna sinna af þróunarfélaginu Kadeco á Ásbrú og af Íbúðalánasjóði og að stórum hluta með fjármögnun frá Íbúðalánasjóði. Það má því segja að Sturla hafi fetað troðnar slóðir með persónulegum viðskiptum sínum á Ásbrú. Fasteignin sem um ræðir heitir Grænásbraut 604A og 604B. Kaupverð eignanna var 235,7 milljónir króna og til þess að fjármagna kaupin fékk félag Sturlu, Grænásbraut 604 ehf., 80 prósent lán frá Íbúðalánasjóði, samtals um 190 milljónir króna. Þessi tilteknu lán eru aðeins ætluð óhagnaðardrifnum leigufélögum og þurfa félögin að uppfylla margs konar skilyrði til þess að hljóta lánin. Meðal annars má ekki greiða út arð úr félögunum og launagreiðslur verða að vera hóflegar. Vextir á lánunum eru 4,2 prósent sem er hátt miðað við það sem gerist á markaði. Það sem gerir þó lánin eftirsóknarverð er sú staðreynd að lánshlutfallið er mjög hátt, áðurnefnd 80 prósent af kaupverði. Ólíklegt verður að teljast að lánanefndir hefðbundinna banka myndu vera spenntar fyrir leigufélagsverkefni með svo lágt eiginfjárhlutfall. Þá er lánstíminn til 50 ára og það þýðir að afborganir eru frekar lágar enda dreifast þær yfir langt tímabil. Möguleikinn til að hagnast felst í því að selja félagið í heild sinni á hagstæðum tímapunkti eða greiða upp lánin frá Íbúðalánasjóði, til dæmis með endurfjármögnun frá annarri lánastofnun. Athygli vekur að Heimavellir, undir stjórn Sturlu, sóttu í sams konar lánsfjármögnun frá Íbúðalánasjóði á fyrstu árum leigufélagsins. Þessi fjármögnunarleið hefur valdið leigufélaginu vandræðum eftir að það var skráð á markað og uppfyllti þar með ekki lengur hina óhagnaðardrifnu kröfu Íbúðalánasjóðs. Fjármálaeftirlitið gerði athugasemdir við að útlánin stæðust ekki lengur ákvæði reglugerðar. Afleiðing af því var meðal annars sú að Íbúðalánasjóður hækkaði vexti á lánum um eitt prósent til eins af dótturfélögum Heimavalla á þessu ári. Lánin stóðu þá í um 2,5 milljörðum króna. Sú ákvörðun hefur verið kærð til úrskurðarnefndar velferðarmála. Fyrir rúmum mánuði greindi Fréttablaðið frá því að fjárfestirinn Matthías Imsland hefði keypt heila blokk á Akranesi og farið sömu leið og Sturla til þess að fjármagna kaupin. Áður hafði hann keypt tug íbúða í Vestmannaeyjum með sama hætti. Sturla og Matthías hafa átt í nánu viðskiptasambandi undanfarin ár. Þannig eiga þeir saman félagið HV 10 ehf. sem á umdeildar fasteignir við Óðinsgötu. Þessar fasteignir brunnu til kaldra kola um mitt síðasta ár og hafa ítrekað verið auglýstar á nauðungarsölu undanfarna mánuði.
Birtist í Fréttablaðinu Húsnæðismál Reykjanesbær Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Krónísk óstundvísi: Skýringar og góð ráð Atvinnulíf Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Stofnandi Binance dæmdur fyrir peningaþvætti Viðskipti erlent Tekjur Apple drógust saman enn eina ferðina Viðskipti erlent Viljinn tekinn til gjaldþrotaskipta Viðskipti innlent Röntgen Domus og Orkuhúsið fá ekki að sameinast Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira