Króatar bjuggu til myndband með dómaramistökum Dananna

Króatar eru enn öskureiðir yfir dómgæslunni í leik þeirra gegn Þjóðverjum. Þeir segjast hafa verið flautaðir úr mótinu.

Máli sínu til stuðnings hafa þeir tekið saman myndband með tíu afdrifaríkum mistökum dómaranna sem þeir segja að hafi kostað þá sigurinn. Lokaatriðið er auðvitað hinn umdeildi ruðningsdómur í lokin.

Leikinn dæmdu Martin Gjeding og Mads Hansen sem hafa verið eitt besta dómarapar heims um árabil. Gjeding hefur viðurkennt að ruðningsdómurinn í lokin hafi verið rangur.

Hér að neðan má sjá myndband Króatanna og dæmi hver fyrir sig.