Umfjöllun um sögulegt tap: Bensínlausir gegn Brasilíu Tómas Þór Þórðarson í Köln skrifar 23. janúar 2019 17:00 Strákarnir okkar kvöddu Köln með tapi. vísir/getty Strákarnir okkar kvöddu HM 2019 í handbolta og Þýskaland á versta máta með því að tapa fyrir Brasilíu, 32-29, í versta leik íslenska liðsins á mótinu. Tapið er sögulegt því aldrei áður hefur Ísland tapað fyrir Suður-Ameríkuþjóð á heimsmeistaramóti. Vissulega óþarfi að byrja núna. Fyrstu sjö mínútur leiksins voru eins og déja vu frá sunnudeginum því líkt og á móti Frakklandi voru strákarnir okkar vankaðir í byrjun leiks og lentu 5-0 undir. Ísland skoraði fyrsta markið úr hraðaupphlaupi eftir átta mínútur og liðið fékk ekki varið skot fyrr en eftir tæpt korter. Eftir að rétta ærlega úr kútnum og fara með jafna stöðu inn í hálfleikinn var sama slenið yfir liðinu í seinni hálfeik þar sem vörnin var oft sundurtætt, markvarslan engin og barnalegir tæknifeilar urðu til þess að Brassarnir skoruðu auðveld mörk. Það var vissulega miklu meira undir hjá Brasilíu því ef Frakkland vinnur Króatíu í kvöld spila Brassarnir um sjöunda sæti sem gefur þátttökurétt í Ólympíuumspilinu. En, okkar strákar geta betur og þeir vita það. Þeir voru bara algjörlega bensínlausir þegar á hólminn var komið og töpuðu gegn betra liði.Íslenska vörnin gat illa stöðvað brasilísku sóknina.vísir/gettyBrassarnir betri Guðmundi Guðmundssyni, landsliðsþjálfara, var lítið skemmt þegar að blaðamaður spurði hann hvort landinn mætti ekki vera svekktur með tap gegn Brasilíu á heimsmeistaramóti í handbolta. Hann sagðist ekki taka þátt í að stilla hlutunum svoleiðis upp. Brasilía er einfaldlega með gott lið að hans mati, lið sem er betra en það íslenska enda vann það líka Króatíu á HM, stóð í Frakklandi og lagði Þýskaland á síðustu Ólympíuleikum. Brasilía betra en Ísland í handbolta. Þetta eru orð sem fæstir hefðu trúað að einhver myndi láta út úr sér en líklega er þetta bara staðan. Allavega var sú raunin í dag og sérstaklega þegar að Ísland er að spila án Arons Pálmarssonar og Arnórs Þór Gunnarssonar. Þetta er ákveðið áfall og áminning um hvert Ísland, þessi merka handboltaþjóð, hefur hrunið niður tröppurnar á síðustu árum. Verkefni Guðmundar að koma þessu liði í fremstu röð verður jafnvel enn erfiðara en búist var við þó auðvitað hafi sést margir ansi flottir kaflar á þessu móti.Elvar Örn Jónsson spilaði frábærlega á mótinu.vísir/gettyNútíð - framtíð Ef við lifum í núinu er auðvelt að vera svekktur. Svekktur yfir þessari frammistöðu. Svekktur yfir andleysinu í byrjun leiks og holunni sem liðið gróf sér. Svekktur yfir varnarleiknum sem er annars búinn að vera góður. Bara svekktur. Punktur. Og þessir strákar mega alveg heyra það og vita. Hvernig þeir komu inn í síðustu tvo leiki er með öllu óboðlegt á heimsmeistaramóti og í raun á hvaða móti sem er frá sjötta flokki til meistaraflokks. Ungu leikmennirnir hafa fengið mikið lof og framtíðin er björt. Það er gaman að horfa til framtíðar með þetta lið en leikurinn í dag tapaðist. Leikur sem hefði getað skilað liðinu í topp tíu á mótinu og sett fínt kirsuber ofan á fínustu stórmótsköku sem þetta mót var. Ungir leikmenn eru reynslulausir en þeir eiga ekki að vera andlausir, ekkert frekar en reyndari menn. Þú kennir ekkert að vera gíraður í leiki. Þú átt bara að vera gíraður í leiki þegar að þú spilar fyrir landið þitt. Núið er erfitt en framtíðin er björt.Ólafur Guðmundsson skorar hér úr hraðaupphlaupi.vísir/gettyHvað lærðum við? Eftir svartnætti síðustu janúarmánaða sjáum við ljós við enda ganganna eftir þetta mót. Þetta íslenska lið er klárlega á réttri leið þrátt fyrir tapið í dag og í raun er varnarleikurinn til dæmis kominn lengra en maður hefði þorað að vona. Við lærðum að ungu strákarnir áttu það skilið að ýta sér eldri mönnum út en við lærðum líka að þeir eiga ýmislegt eftir ólært sem er eðlilegt. Frammistaða Elvars Arnar á mótinu með 3,3 mörk að meðatali í leik, tæpar tvær stoðsendingar og 5,3 löglegar stöðvanir en mögnuð frumraun. Gleymum því ekki að helmingur leikjanna var á móti fjórum af bestu liðum heims. Gísli Þorgeir spilaði án þess að geta skotið almennilega en var þeim mun áræðnari og sótti vítaköst í bunkum, Arnar Freyr á bara eftir að verða betri á línunni og hann er kominn langt í vörninni. Það er svo mikið af jákvæðum hlutum í gangi hjá þessu liði að það er erfitt að vera ekki spenntur fyrir næstu verkefnum. Aron Pálmarsson tók sitt hlutverk sem leiðtogi í liðinu af mikilli festu og var besta útgáfan af Aroni Pálmarssyni sem sést hefur í mörg ár. Hann er sjálfur spenntur fyrir því að gera leikmennina í kringum sig betri og hífa Ísland aftur upp metorðastiga handboltans. Það kemur dagur eftir þennan dag og mót eftir þetta mót. Þar verður Ísland nær örugglega og vonandi geta menn þá aðeins farið að taka út úr reynslubankanum en ekki bara leggja inn á hann. HM 2019 í Þýskalandi og Danmörku Tengdar fréttir Sérfræðingurinn: Til að byrja með fær þessi ofboðslega framliggjandi vörn falleinkunn Sebastian Alexandersson var ekki hrifinn af framliggjandi vörn íslenska liðsins á mótinu en segir að liðið gæti orðið frábært eftir þrjú til fimm ár sleppi þeir við meiðsli. 23. janúar 2019 16:30 Elvar Örn: Veit ekki hvað gerðist er leikurinn hófst Selfyssingurinn Elvar Örn Jónsson var besti maður íslenska liðsins gegn Brasilíu í dag og hefur slegið í gegn á sínu fyrsta stórmóti. Það gladdi hann þó ekkert eftir tapið gegn Brössum. 23. janúar 2019 16:29 Topparnir í tölfræðinni á móti Brasilíu: Í mínus þrettán í mörkum úr uppsettum sóknum Íslenska liðið gerði vel í hröðum upphlaupum og seinni bylgju á móti Brasilíu en fær falleinkunn fyrir uppsettan sóknarleik. 23. janúar 2019 16:24 Mest lesið Fann gamlan vin í leit sinni að nýju og breyttu lífi Körfubolti Bellingham talaði um sig í þriðju persónu eftir leik: Sjáðu sigurmarkið Fótbolti Eru að reyna að kaupa kærustuparið Enski boltinn Njarðvík yfirgefur Ljónagryfjuna og fær nýjan heimavöll afhentan í sumar Körfubolti Mcllroy missti sigur úr greipum sér og DeChambeau vann opna bandaríska Sport Ten Hag: Ekkert leyndarmál að aðrir komu til greina en sá besti var nú þegar í starfinu Enski boltinn UEFA gerir allt til þess að rússneski fáninn sjáist ekki í dag Fótbolti Neffati um Íslandsævintýrið: Grófur fótbolti í íslensku deildinni Íslenski boltinn Dagskráin í dag: Celtics geta orðið meistarar í kvöld Sport Ísold stórbætti persónulegt met og varð Norðurlandameistari Sport Fleiri fréttir Guðmundur framlengir: „Hefur lyft öllu á hærra plan“ Eyjamenn safna liði: Róbert snýr aftur til Eyja Grótta sækir liðsstyrk frá föllnum Selfyssingum Kári Kristján verður áfram með ÍBV: „Tek annað hókípókí með krökkunum“ Sakaður um tilraun til nauðgunar en sektaður fyrir að bera sig Aron og Thea Imani mikilvægust í vetur „Ætlum að byggja upp til framtíðar“ Telur sig eiga heima í íslenska landsliðinu Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“ Barcelona Evrópumeistari eftir naglbít Skaðinn skeður í hálfleik hjá Magdeburg Reynir við fyrsta Evrópumeistaratitilinn í áttunda sinn í sínum síðasta leik Aðalsteinn tekur við Víkingum Börsungar elta Álaborg í úrslit Ómar Ingi með stórleik en Álaborg fór í úrslit Thea áfram í herbúðum þreföldu meistaranna Einar Baldvin til Aftureldingar Heldur út í atvinnumennsku og ætlar sér fast sæti í landsliðinu Hin þaulreynda Rut gengin í raðir silfurliðs Hauka Viktor ekki á förum frá Nantes: „Kitlaði alveg egóið að heyra þetta“ Segja að Viktor Gísli fari til Póllands og svo til Barcelona Guðmundur Helgi stígur til hliðar í Mosfellsbæ Oddur og Teitur í liði umferðarinnar eftir kveðjuleiki sína Gunnar Steinn snýr heim og stýrir Fjölni í Olís deildinni Landin hættir í landsliðinu eftir Ólympíuleikana Orri og félagar þrefaldir meistarar í Portúgal Meistaradeildartitillinn til Ungverjalands Teitur og Oddur voru báðir níu af níu í lokaumferðinni Óðinn tvöfaldur meistari i Sviss: Markahæstur í oddaleiknum Urðu að sætta sig silfrið þrátt fyrir magnaða endurkomu Sjá meira
Strákarnir okkar kvöddu HM 2019 í handbolta og Þýskaland á versta máta með því að tapa fyrir Brasilíu, 32-29, í versta leik íslenska liðsins á mótinu. Tapið er sögulegt því aldrei áður hefur Ísland tapað fyrir Suður-Ameríkuþjóð á heimsmeistaramóti. Vissulega óþarfi að byrja núna. Fyrstu sjö mínútur leiksins voru eins og déja vu frá sunnudeginum því líkt og á móti Frakklandi voru strákarnir okkar vankaðir í byrjun leiks og lentu 5-0 undir. Ísland skoraði fyrsta markið úr hraðaupphlaupi eftir átta mínútur og liðið fékk ekki varið skot fyrr en eftir tæpt korter. Eftir að rétta ærlega úr kútnum og fara með jafna stöðu inn í hálfleikinn var sama slenið yfir liðinu í seinni hálfeik þar sem vörnin var oft sundurtætt, markvarslan engin og barnalegir tæknifeilar urðu til þess að Brassarnir skoruðu auðveld mörk. Það var vissulega miklu meira undir hjá Brasilíu því ef Frakkland vinnur Króatíu í kvöld spila Brassarnir um sjöunda sæti sem gefur þátttökurétt í Ólympíuumspilinu. En, okkar strákar geta betur og þeir vita það. Þeir voru bara algjörlega bensínlausir þegar á hólminn var komið og töpuðu gegn betra liði.Íslenska vörnin gat illa stöðvað brasilísku sóknina.vísir/gettyBrassarnir betri Guðmundi Guðmundssyni, landsliðsþjálfara, var lítið skemmt þegar að blaðamaður spurði hann hvort landinn mætti ekki vera svekktur með tap gegn Brasilíu á heimsmeistaramóti í handbolta. Hann sagðist ekki taka þátt í að stilla hlutunum svoleiðis upp. Brasilía er einfaldlega með gott lið að hans mati, lið sem er betra en það íslenska enda vann það líka Króatíu á HM, stóð í Frakklandi og lagði Þýskaland á síðustu Ólympíuleikum. Brasilía betra en Ísland í handbolta. Þetta eru orð sem fæstir hefðu trúað að einhver myndi láta út úr sér en líklega er þetta bara staðan. Allavega var sú raunin í dag og sérstaklega þegar að Ísland er að spila án Arons Pálmarssonar og Arnórs Þór Gunnarssonar. Þetta er ákveðið áfall og áminning um hvert Ísland, þessi merka handboltaþjóð, hefur hrunið niður tröppurnar á síðustu árum. Verkefni Guðmundar að koma þessu liði í fremstu röð verður jafnvel enn erfiðara en búist var við þó auðvitað hafi sést margir ansi flottir kaflar á þessu móti.Elvar Örn Jónsson spilaði frábærlega á mótinu.vísir/gettyNútíð - framtíð Ef við lifum í núinu er auðvelt að vera svekktur. Svekktur yfir þessari frammistöðu. Svekktur yfir andleysinu í byrjun leiks og holunni sem liðið gróf sér. Svekktur yfir varnarleiknum sem er annars búinn að vera góður. Bara svekktur. Punktur. Og þessir strákar mega alveg heyra það og vita. Hvernig þeir komu inn í síðustu tvo leiki er með öllu óboðlegt á heimsmeistaramóti og í raun á hvaða móti sem er frá sjötta flokki til meistaraflokks. Ungu leikmennirnir hafa fengið mikið lof og framtíðin er björt. Það er gaman að horfa til framtíðar með þetta lið en leikurinn í dag tapaðist. Leikur sem hefði getað skilað liðinu í topp tíu á mótinu og sett fínt kirsuber ofan á fínustu stórmótsköku sem þetta mót var. Ungir leikmenn eru reynslulausir en þeir eiga ekki að vera andlausir, ekkert frekar en reyndari menn. Þú kennir ekkert að vera gíraður í leiki. Þú átt bara að vera gíraður í leiki þegar að þú spilar fyrir landið þitt. Núið er erfitt en framtíðin er björt.Ólafur Guðmundsson skorar hér úr hraðaupphlaupi.vísir/gettyHvað lærðum við? Eftir svartnætti síðustu janúarmánaða sjáum við ljós við enda ganganna eftir þetta mót. Þetta íslenska lið er klárlega á réttri leið þrátt fyrir tapið í dag og í raun er varnarleikurinn til dæmis kominn lengra en maður hefði þorað að vona. Við lærðum að ungu strákarnir áttu það skilið að ýta sér eldri mönnum út en við lærðum líka að þeir eiga ýmislegt eftir ólært sem er eðlilegt. Frammistaða Elvars Arnar á mótinu með 3,3 mörk að meðatali í leik, tæpar tvær stoðsendingar og 5,3 löglegar stöðvanir en mögnuð frumraun. Gleymum því ekki að helmingur leikjanna var á móti fjórum af bestu liðum heims. Gísli Þorgeir spilaði án þess að geta skotið almennilega en var þeim mun áræðnari og sótti vítaköst í bunkum, Arnar Freyr á bara eftir að verða betri á línunni og hann er kominn langt í vörninni. Það er svo mikið af jákvæðum hlutum í gangi hjá þessu liði að það er erfitt að vera ekki spenntur fyrir næstu verkefnum. Aron Pálmarsson tók sitt hlutverk sem leiðtogi í liðinu af mikilli festu og var besta útgáfan af Aroni Pálmarssyni sem sést hefur í mörg ár. Hann er sjálfur spenntur fyrir því að gera leikmennina í kringum sig betri og hífa Ísland aftur upp metorðastiga handboltans. Það kemur dagur eftir þennan dag og mót eftir þetta mót. Þar verður Ísland nær örugglega og vonandi geta menn þá aðeins farið að taka út úr reynslubankanum en ekki bara leggja inn á hann.
HM 2019 í Þýskalandi og Danmörku Tengdar fréttir Sérfræðingurinn: Til að byrja með fær þessi ofboðslega framliggjandi vörn falleinkunn Sebastian Alexandersson var ekki hrifinn af framliggjandi vörn íslenska liðsins á mótinu en segir að liðið gæti orðið frábært eftir þrjú til fimm ár sleppi þeir við meiðsli. 23. janúar 2019 16:30 Elvar Örn: Veit ekki hvað gerðist er leikurinn hófst Selfyssingurinn Elvar Örn Jónsson var besti maður íslenska liðsins gegn Brasilíu í dag og hefur slegið í gegn á sínu fyrsta stórmóti. Það gladdi hann þó ekkert eftir tapið gegn Brössum. 23. janúar 2019 16:29 Topparnir í tölfræðinni á móti Brasilíu: Í mínus þrettán í mörkum úr uppsettum sóknum Íslenska liðið gerði vel í hröðum upphlaupum og seinni bylgju á móti Brasilíu en fær falleinkunn fyrir uppsettan sóknarleik. 23. janúar 2019 16:24 Mest lesið Fann gamlan vin í leit sinni að nýju og breyttu lífi Körfubolti Bellingham talaði um sig í þriðju persónu eftir leik: Sjáðu sigurmarkið Fótbolti Eru að reyna að kaupa kærustuparið Enski boltinn Njarðvík yfirgefur Ljónagryfjuna og fær nýjan heimavöll afhentan í sumar Körfubolti Mcllroy missti sigur úr greipum sér og DeChambeau vann opna bandaríska Sport Ten Hag: Ekkert leyndarmál að aðrir komu til greina en sá besti var nú þegar í starfinu Enski boltinn UEFA gerir allt til þess að rússneski fáninn sjáist ekki í dag Fótbolti Neffati um Íslandsævintýrið: Grófur fótbolti í íslensku deildinni Íslenski boltinn Dagskráin í dag: Celtics geta orðið meistarar í kvöld Sport Ísold stórbætti persónulegt met og varð Norðurlandameistari Sport Fleiri fréttir Guðmundur framlengir: „Hefur lyft öllu á hærra plan“ Eyjamenn safna liði: Róbert snýr aftur til Eyja Grótta sækir liðsstyrk frá föllnum Selfyssingum Kári Kristján verður áfram með ÍBV: „Tek annað hókípókí með krökkunum“ Sakaður um tilraun til nauðgunar en sektaður fyrir að bera sig Aron og Thea Imani mikilvægust í vetur „Ætlum að byggja upp til framtíðar“ Telur sig eiga heima í íslenska landsliðinu Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“ Barcelona Evrópumeistari eftir naglbít Skaðinn skeður í hálfleik hjá Magdeburg Reynir við fyrsta Evrópumeistaratitilinn í áttunda sinn í sínum síðasta leik Aðalsteinn tekur við Víkingum Börsungar elta Álaborg í úrslit Ómar Ingi með stórleik en Álaborg fór í úrslit Thea áfram í herbúðum þreföldu meistaranna Einar Baldvin til Aftureldingar Heldur út í atvinnumennsku og ætlar sér fast sæti í landsliðinu Hin þaulreynda Rut gengin í raðir silfurliðs Hauka Viktor ekki á förum frá Nantes: „Kitlaði alveg egóið að heyra þetta“ Segja að Viktor Gísli fari til Póllands og svo til Barcelona Guðmundur Helgi stígur til hliðar í Mosfellsbæ Oddur og Teitur í liði umferðarinnar eftir kveðjuleiki sína Gunnar Steinn snýr heim og stýrir Fjölni í Olís deildinni Landin hættir í landsliðinu eftir Ólympíuleikana Orri og félagar þrefaldir meistarar í Portúgal Meistaradeildartitillinn til Ungverjalands Teitur og Oddur voru báðir níu af níu í lokaumferðinni Óðinn tvöfaldur meistari i Sviss: Markahæstur í oddaleiknum Urðu að sætta sig silfrið þrátt fyrir magnaða endurkomu Sjá meira
Sérfræðingurinn: Til að byrja með fær þessi ofboðslega framliggjandi vörn falleinkunn Sebastian Alexandersson var ekki hrifinn af framliggjandi vörn íslenska liðsins á mótinu en segir að liðið gæti orðið frábært eftir þrjú til fimm ár sleppi þeir við meiðsli. 23. janúar 2019 16:30
Elvar Örn: Veit ekki hvað gerðist er leikurinn hófst Selfyssingurinn Elvar Örn Jónsson var besti maður íslenska liðsins gegn Brasilíu í dag og hefur slegið í gegn á sínu fyrsta stórmóti. Það gladdi hann þó ekkert eftir tapið gegn Brössum. 23. janúar 2019 16:29
Topparnir í tölfræðinni á móti Brasilíu: Í mínus þrettán í mörkum úr uppsettum sóknum Íslenska liðið gerði vel í hröðum upphlaupum og seinni bylgju á móti Brasilíu en fær falleinkunn fyrir uppsettan sóknarleik. 23. janúar 2019 16:24
Ten Hag: Ekkert leyndarmál að aðrir komu til greina en sá besti var nú þegar í starfinu Enski boltinn
Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“
Ten Hag: Ekkert leyndarmál að aðrir komu til greina en sá besti var nú þegar í starfinu Enski boltinn