Telja Magnús hafa eytt gögnum og krefja hann um 1,3 milljarð króna Kolbeinn Tumi Daðason skrifar 26. september 2019 11:07 Magnús Garðarsson er stofnandi og fyrrverandi forstjóri United Silicon. Fréttablaðið/Eyþór Þrotabú Sameinaðs sílíkons hefur stefnt Magnúsi Ólafi Garðarssyni, fyrrverandi framkvæmdastjóra fyrirtækisins, og krafið hann um greiðlu upp á rúmlega 1,2 milljarð króna auk vaxta aftur til ársins 2013. Þá krefst þrotabúið að fasteignir í Kópavogi og Danmörku verði kyrsettar auk Mercedes Benz bfreiðar. Stefnan er birt Magnúsi í Lögbirtingablaðinu í dag. Lögmaður þrotabúsins segir það nauðsynlegt þar sem Magnús sé nú með óþekktan dvalarstað en síðasta þekkta heimilisfang hans var í Lyngby í Danmörku. Sameinað sílikon hf. var stofnað þann 17. febrúar 2014 og var tilgangur félagsins rekstur á kísilmálmverksmiðju á Reykjanesi. Félagið fór í greiðslustöðvun þann 14. ágúst 2017 eftir mikinn rekstrarvanda og var úrskurðað gjaldþrota af Héraðsdómi Reykjaness þann 22. janúar í fyrra. Magnús Ólafur var í forystu við stofnun og byggingu verksmiðjunnar. Hann var framkvæmdastjóri félagsins frá 2014-2015 en svo „Director of Business Development“ þar til í mars 2017. Magnús Ólafur og ýmis félög á vegum hans voru jafnframt meirihlutaeigendur á hlutafé félagsins þar til Arion banki leysti til sín þau hlutabréf sem bankinn var með veðrétt í þann 8. september 2017.Gat ekki nefnt neina starfsmenn Í stefnunni er Magnúsi gefið að sök að hafa millifært yfir milljarð króna af reikningum Sameinaðs sílíkons yfir á hollenskt fyrirtæki, Pyromet Engineering. Fyrrverandi sambýlismaður móður Magnúsar var í upphafi skráður fyrir hollenska félaginu. Hann framseldi svo öll völd sín í félaginu til Magnúsar Ólafs. Síðasta af fjölmörgum himinháum greiðslum inn á reikning hollenska félagsins var framkvæmd í lok ágúst 2015. Félagið var afskráð í lok þess árs.Sjá einnig:Svipmynd af Magnúsi Ólafi Garðarssyni Magnús viðurkenndi við skýrslutöku hjá þrotabúinu í júní síðastliðnum að hafa millifært greiðslurnar til Pyromet Engineering í gegnum netbankaaðgang. Hann hafi þó ekki getað útskýrt neina afurð á samstarfi Sameinaðs sílíkons við hollenska fyrirtækið. Sömuleiðis gat hann ekki nefnt starfsmenn fyrirtækisins eða hverjir tengiliðir hans hefðu verið hjá félaginu. Í skýrslutökum annarra fyrrum fyrirsvarsmanna Sameinaðs sílikons hjá skiptastjóra kannaðist enginn þeirra við félagið Pyromet Engineering, né að það hafi verið í verk- eða þjónustusambandi við Sameinað sílíkon. Þá telur skiptastjóri að Magnús hafi gefið skiptastjóra rangar og villandi skýringar á greiðslunum. Félagið hafi verið stofnað sérstaklega til að hafa milligöngu um ólögmætar greiðslur.Á að mæta í héraðsdóm Til viðbótar er Magnúsi stefnt fyrir ólögmætar greiðslur af reikningum Sameinaðs sílíkonst til fleiri aðila og nema greiðslurnar milljónum, tugmilljónum eða hundrað milljónum króna. Þrotabúið telur engin bókhaldsgögn vera til staðar í félaginu Stakksbraut 9, félagi sem var sameinað Sameinuðu sílíkonu og Magnús notaði til að millifæra peningana yfir í önnur félög. Svo virðist sem gögnunum hafi verið eytt til að leyna brotum Magnúsar, eins og segir í stefnunni. Fyrrum fjármálastjóri Sameinaðs sílíkons hefur engin gögn um félagið Stakksbraut 9. Sömu sögu sagði fyrrum ritari Sameinaðs sílíkons. Samanlögð bótakrafa þrotabúsins nemur einum milljarði og 235 milljónum króna. Er Magnús krafinn um að mæta á morgni dags 27. nóvember í Héraðsdóm Reykjaness þar sem málið verður þingfest. Auk einkamálsins hefur héraðssaksóknari haft Magnús til skoðunar í lengri tíma. Ólafur Þór Hauksson héraðssaksóknari tjáði fréttastofu í apríl að málið væri umfangsmeira en í fyrstu hefði verið talið.Þá hefur Magnús Ólafur komist í kast við lögin fyrir hraðakstur á Teslu-bíl sínum. Dómsmál United Silicon Mest lesið Segja falda launauppbót hjá níu af hverjum tíu stofnunum ríkisins Viðskipti innlent Telur um dulda launahækkun skrifstofufólks að ræða Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent „Það er kennitöluflakk í skilgreiningu sinni“ Viðskipti innlent Eva og Guðrún nýir forstöðumenn hjá Icelandair Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Óvæntur atvinnumissir: Óttinn verstur en mörg góð ráð Atvinnulíf Davíð Ernir til liðs við Athygli Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Fleiri fréttir Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Sjá meira
Þrotabú Sameinaðs sílíkons hefur stefnt Magnúsi Ólafi Garðarssyni, fyrrverandi framkvæmdastjóra fyrirtækisins, og krafið hann um greiðlu upp á rúmlega 1,2 milljarð króna auk vaxta aftur til ársins 2013. Þá krefst þrotabúið að fasteignir í Kópavogi og Danmörku verði kyrsettar auk Mercedes Benz bfreiðar. Stefnan er birt Magnúsi í Lögbirtingablaðinu í dag. Lögmaður þrotabúsins segir það nauðsynlegt þar sem Magnús sé nú með óþekktan dvalarstað en síðasta þekkta heimilisfang hans var í Lyngby í Danmörku. Sameinað sílikon hf. var stofnað þann 17. febrúar 2014 og var tilgangur félagsins rekstur á kísilmálmverksmiðju á Reykjanesi. Félagið fór í greiðslustöðvun þann 14. ágúst 2017 eftir mikinn rekstrarvanda og var úrskurðað gjaldþrota af Héraðsdómi Reykjaness þann 22. janúar í fyrra. Magnús Ólafur var í forystu við stofnun og byggingu verksmiðjunnar. Hann var framkvæmdastjóri félagsins frá 2014-2015 en svo „Director of Business Development“ þar til í mars 2017. Magnús Ólafur og ýmis félög á vegum hans voru jafnframt meirihlutaeigendur á hlutafé félagsins þar til Arion banki leysti til sín þau hlutabréf sem bankinn var með veðrétt í þann 8. september 2017.Gat ekki nefnt neina starfsmenn Í stefnunni er Magnúsi gefið að sök að hafa millifært yfir milljarð króna af reikningum Sameinaðs sílíkons yfir á hollenskt fyrirtæki, Pyromet Engineering. Fyrrverandi sambýlismaður móður Magnúsar var í upphafi skráður fyrir hollenska félaginu. Hann framseldi svo öll völd sín í félaginu til Magnúsar Ólafs. Síðasta af fjölmörgum himinháum greiðslum inn á reikning hollenska félagsins var framkvæmd í lok ágúst 2015. Félagið var afskráð í lok þess árs.Sjá einnig:Svipmynd af Magnúsi Ólafi Garðarssyni Magnús viðurkenndi við skýrslutöku hjá þrotabúinu í júní síðastliðnum að hafa millifært greiðslurnar til Pyromet Engineering í gegnum netbankaaðgang. Hann hafi þó ekki getað útskýrt neina afurð á samstarfi Sameinaðs sílíkons við hollenska fyrirtækið. Sömuleiðis gat hann ekki nefnt starfsmenn fyrirtækisins eða hverjir tengiliðir hans hefðu verið hjá félaginu. Í skýrslutökum annarra fyrrum fyrirsvarsmanna Sameinaðs sílikons hjá skiptastjóra kannaðist enginn þeirra við félagið Pyromet Engineering, né að það hafi verið í verk- eða þjónustusambandi við Sameinað sílíkon. Þá telur skiptastjóri að Magnús hafi gefið skiptastjóra rangar og villandi skýringar á greiðslunum. Félagið hafi verið stofnað sérstaklega til að hafa milligöngu um ólögmætar greiðslur.Á að mæta í héraðsdóm Til viðbótar er Magnúsi stefnt fyrir ólögmætar greiðslur af reikningum Sameinaðs sílíkonst til fleiri aðila og nema greiðslurnar milljónum, tugmilljónum eða hundrað milljónum króna. Þrotabúið telur engin bókhaldsgögn vera til staðar í félaginu Stakksbraut 9, félagi sem var sameinað Sameinuðu sílíkonu og Magnús notaði til að millifæra peningana yfir í önnur félög. Svo virðist sem gögnunum hafi verið eytt til að leyna brotum Magnúsar, eins og segir í stefnunni. Fyrrum fjármálastjóri Sameinaðs sílíkons hefur engin gögn um félagið Stakksbraut 9. Sömu sögu sagði fyrrum ritari Sameinaðs sílíkons. Samanlögð bótakrafa þrotabúsins nemur einum milljarði og 235 milljónum króna. Er Magnús krafinn um að mæta á morgni dags 27. nóvember í Héraðsdóm Reykjaness þar sem málið verður þingfest. Auk einkamálsins hefur héraðssaksóknari haft Magnús til skoðunar í lengri tíma. Ólafur Þór Hauksson héraðssaksóknari tjáði fréttastofu í apríl að málið væri umfangsmeira en í fyrstu hefði verið talið.Þá hefur Magnús Ólafur komist í kast við lögin fyrir hraðakstur á Teslu-bíl sínum.
Dómsmál United Silicon Mest lesið Segja falda launauppbót hjá níu af hverjum tíu stofnunum ríkisins Viðskipti innlent Telur um dulda launahækkun skrifstofufólks að ræða Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent „Það er kennitöluflakk í skilgreiningu sinni“ Viðskipti innlent Eva og Guðrún nýir forstöðumenn hjá Icelandair Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Óvæntur atvinnumissir: Óttinn verstur en mörg góð ráð Atvinnulíf Davíð Ernir til liðs við Athygli Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Fleiri fréttir Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Sjá meira