Opið bréf til Mike Pence Dóra Björt Guðjónsdóttir og Sigurborg Ósk Haraldsdóttir skrifar 4. september 2019 16:24 Kæri Mike Pence, varaforseti Bandaríkjanna Við bjóðum þig velkominn til okkar fallegu höfuðborgar. Reykjavík er allt í senn smábær og heimsborg. Vonandi verður heimsóknin þér að ánægju. Íslendingar eru gestrisin þjóð að eðlisfari og borgin okkar örugg og fjölskylduvæn. Bandaríkin og Ísland eru sögulegar vinaþjóðir. Við viljum alltaf taka vel á móti nánum vinum. Að þessu sinni er heimsóknin mikilvæg í átt að áframhaldandi vináttu. Íslendingar, líkt og aðrar vinaþjóðir Bandaríkjanna, hafa áhyggjur af því að bandarísk yfirvöld horfi nú af braut framfara og lýðræðis í gegnum samtal, viðskipti og opinn hug. Vonandi verður þessi heimsókn og ferðarlög þín til grannþjóða til þess að styrkja vinskap þjóðanna. Samskipti Íslendinga og Bandaríkjanna eiga sér lengri sögu en ríkin sjálf. Þau hefjast með Leifi heppna í kringum 1000. Á 19. öld fluttu um 20% íslensku þjóðarinnar vestur til Bandaríkjanna og Kanada. 17. júní árið 1944 viðurkenndu Bandaríkin Ísland sem fullvalda ríki með heillaóskum Franklin D. Roosvelt, forseta og Cordell Hull, utanríkisáðherra. Hingað komu Apollo-farar og þjálfuðu fyrir tungllendinguna. Eldri kynslóðir ólust upp við „kanasjónvarp“ og bandarískar venjur og menningu. Hér voru lesin Andrésblöð á dönsku, heimsbókmenntirnar þýddar á íslensku en Roy Rogers og Bonanza mátti sjá í kanasjónvarpinu. Bandarísk áhrif eru Íslendingum hugmyndaauðgi eins og áhrifin frá Norrænum frændþjóðum okkar. Líkt og aðrir bandamenn ykkar erum við Íslendingar því áhyggjufull yfir því að Hvíta hús ykkar Trump fjarlægist stöðugt gildi samvinnu, frelsis og ábyrgðar. Hættan er sú ef áfram heldur sem horfir að Bandaríkin missi ekki aðeins leiðandi stöðu sína heldur finni sig utanveltu, áhrifalítil og vinafá. Auðvitað er það svo að ekkert ríki er fullkomin útgáfa af eigin metnaði. Hvorki Ísland né Bandaríkin geta státað sig af því að hafa náð metnaði sínum svo hafið sé yfir alla gagnrýni. Það er hins vegar áhyggjuefni þegar einn nánasti bandamaður þinn er farinn að tala beinlínis gegn þeim gildum sem við deildum áður. Hinseginfælin stjórnmál þín og Trump, stríðið gegn réttindum kvenna, barátta gegn líkn gagnvart börnum innflytjenda sem aðskilin eru frá foreldrum sínum og úrsögn Bandaríkjanna úr Parísarsamkomulaginu eru dæmi um afstöðu sem grafa undan góðum samskiptum Bandaríkjanna við Ísland og umheiminn. Kæri Pence, vertu innilega velkominn til okkar fallegu borgar en upplifun þín af Reykjavík verður ekki heil ef enginn bendir þér á að réttindi hinsegin fólks hinsegin fólks er okkur tilefni til stolts en ekki yfirvofandi samfélagshruns. Njóttu borgarinnar okkar í öllum sínum hinseginleika. Fyrir hönd Reykjavíkur býð ég hinsegin fólk velkomið. Verði ferðin til Reykjavíkur þér innblástur til breytinga og samkenndar með hinsegin borgurum Bandaríkjanna og heimsins. Okkur skilst að þú munir heimsækja okkar sögufræða hús Höfða, sem er stolt okkar Reykvíkinga, á meðan heimsókn þinni stendur. Megir þú njóta þess friðaranda sem umlykur þetta hús, við vonum að sá verði þér jákvæður innblástur. Við óskum engum þeirra örlaga að heimsæka Ísland og láta anda og sögu kvennabaráttunnar fram hjá sér fara. Verði Vigdís Finnbogadóttir, fyrsta lýðræðislega kjörin kvenkyns forseti heims þér að innblæstri ásamt Jóhönnu Sigurðardóttur, fyrsta opinberlega samkynhneigða konan sem gegnir starfi forsætisráðherra á heimsvísu. Íslenskar konur og menn leita svo sannarlega innblásturs frá sterkum bandarískum konum og sögufrægu kvennahreyfingu.Sigurborg Ósk Haraldsdóttir er borgarfulltrúi Pírata.fréttablaðið/eyþórKæri Pence, Reykjavík er fjölskylduvæn borg þar sem börn njóta frelsis til að þroska og dafna. Vertu velkominn að njóta þess anda á meðan þú ert hér. Megi sú íhugun verða þess valdandi að þú og forseti Bandaríkjanna snúið frá þeirri vegferð að réttlæta fangelsun barna, aðskilnað frá foreldrum og vistun í aðstæðum sem ganga gegn hugmyndum okkar um mannúðlega meðferð allra. Þú ert velkominn gestur á Íslandi og sú gestrisni stendur öllum bandarískum vinum okkar til boða. Vinskapur Íslendinga og Bandaríkjanna nær jafnt til kvenna og hinsegin fólks sem og innflytjenda. Sígíld bandarísk gildi frelsis og sanngirni til handa öllum eru okkur innblástur. Það yrð okkur mikil sorg ef bandarískir leiðtogar sjá sér hag í að berjast gegn slíkum gildum í orði og á borði. Vera Íslands í Atlantshafsbandalaginu er ein stoða íslenskrar utanríkisstefnu. Aðild hins herlausa Íslands í hernaðarbandalagi er umdeild á Íslandi en pólitískt trygg. Bandaríkjamenn þurfa ekki að óttast áhrif andstæðinga veru Íslands í NATO. Íslenskur almenningur kærir sig þó lítið um að dragast inn í hernaðarkapphlaup stórveldanna vegna Norðurslóða. Við getum ekki annað en ráðlagt fulltrúum Íslands og Bandaríkjanna að stíga varlega til jarðar í þessum málum. Það er alls ekkert víst að sama pólitíska ró verði gagnvart því að Ísland dragist inn í hernaðarkapphlaup og er að finna gagnvart veru okkar í varnarbandalagi. Aðdáun Íslendinga og umheimsins á Bandaríkjunum byggir á hrifningu en ekki hræðslu. Hernaðarstyrkur Bandaríkjanna er öllum augljós. Merkir leiðtogar þurfa ekki að spenna sífellt vöðvana. Stórveldið Bandaríkin á sínar tignarlegastu stundir þegar sest er niður með smærri vinum á jafningjagrundvelli. Þeir sem því gleyma eiga á hættu að vakna upp við vondan draum; vinalausir, einangraðir og áhrifalausir þrátt fyrir allan heimsins mátt. Af virðingu og vinsemd Dóra Björt Guðjónsdóttir og Sigurborg Ósk Haraldsdóttir, borgarfulltrúar Pírata. Viltu birta grein á Vísi? Sendu okkur póst. Senda grein Dóra Björt Guðjónsdóttir Heimsókn Mike Pence Sigurborg Ósk Haraldsdóttir Mest lesið Daði Már týnir sjálfum sér Heiðrún Lind Marteinsdóttir Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson Skoðun 140 sinnum líklegra að verða fyrir eldingu Sigurður G. Guðjónsson Skoðun Stéttarkerfi Halldóra Lillý Jóhannsdóttir Skoðun Traust í húfi Eyjólfur Ármannsson Skoðun Verðmætasköpun án virðingar Berglind Harpa Svavarsdóttir Skoðun Æfingin skapar meistarann! Sigurjón Már Fox Gunnarsson Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun Samhljómur við náttúruna og sjálfbæra þróun Anna María Ágústsdóttir Skoðun Skoðun Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Skoðun Verðmætasköpun án virðingar Berglind Harpa Svavarsdóttir skrifar Skoðun Daði Már týnir sjálfum sér Heiðrún Lind Marteinsdóttir skrifar Skoðun Samhljómur við náttúruna og sjálfbæra þróun Anna María Ágústsdóttir skrifar Skoðun Aðgerðir gegn mansali í forgangi Þorbjörg S. Gunnlaugsdóttir skrifar Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar Skoðun Framtíðin fær húsnæði Ingunn Gunnarsdóttir skrifar Skoðun Börnin sem deyja á Gaza Elín Pjetursdóttir skrifar Skoðun Brýr, sýkingar og börn Jón Pétur Zimsen skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Hvað er lýðskóli eiginlega? Margrét Gauja Magnúsdóttir skrifar Skoðun Búum til pláss fyrir framtíðina Birna Þórarinsdóttir skrifar Skoðun Hættuleg ofnotkun svefnlyfja á Íslandi Drífa Sigfúsdóttir skrifar Skoðun Kveikjum neistann um allt land Kolbrún Áslaugar Baldursdóttir skrifar Skoðun Ætlar Ísland að fara sömu leið og Evrópa í útlendingamálum? Kári Allansson skrifar Skoðun Samtökin 78 verðlauna sögufölsun Böðvar Björnsson skrifar Skoðun Afstaða – á vaktinni í 20 ár Arndís Vilhjálmsdóttir,Guðbjörg Sveinsdóttir skrifar Skoðun Menntun sem mannréttindi – ekki forréttindi París Anna Bergmann,Sigurður Kári Harðarson skrifar Skoðun Varað við embætti sérstaks saksóknara Gestur Jónsson skrifar Skoðun Út af sporinu en ekki týnd að eilífu María Helena Mazul skrifar Skoðun Meira að segja formaður Viðreisnar Hjörtur J. Guðmundsson skrifar Sjá meira
Kæri Mike Pence, varaforseti Bandaríkjanna Við bjóðum þig velkominn til okkar fallegu höfuðborgar. Reykjavík er allt í senn smábær og heimsborg. Vonandi verður heimsóknin þér að ánægju. Íslendingar eru gestrisin þjóð að eðlisfari og borgin okkar örugg og fjölskylduvæn. Bandaríkin og Ísland eru sögulegar vinaþjóðir. Við viljum alltaf taka vel á móti nánum vinum. Að þessu sinni er heimsóknin mikilvæg í átt að áframhaldandi vináttu. Íslendingar, líkt og aðrar vinaþjóðir Bandaríkjanna, hafa áhyggjur af því að bandarísk yfirvöld horfi nú af braut framfara og lýðræðis í gegnum samtal, viðskipti og opinn hug. Vonandi verður þessi heimsókn og ferðarlög þín til grannþjóða til þess að styrkja vinskap þjóðanna. Samskipti Íslendinga og Bandaríkjanna eiga sér lengri sögu en ríkin sjálf. Þau hefjast með Leifi heppna í kringum 1000. Á 19. öld fluttu um 20% íslensku þjóðarinnar vestur til Bandaríkjanna og Kanada. 17. júní árið 1944 viðurkenndu Bandaríkin Ísland sem fullvalda ríki með heillaóskum Franklin D. Roosvelt, forseta og Cordell Hull, utanríkisáðherra. Hingað komu Apollo-farar og þjálfuðu fyrir tungllendinguna. Eldri kynslóðir ólust upp við „kanasjónvarp“ og bandarískar venjur og menningu. Hér voru lesin Andrésblöð á dönsku, heimsbókmenntirnar þýddar á íslensku en Roy Rogers og Bonanza mátti sjá í kanasjónvarpinu. Bandarísk áhrif eru Íslendingum hugmyndaauðgi eins og áhrifin frá Norrænum frændþjóðum okkar. Líkt og aðrir bandamenn ykkar erum við Íslendingar því áhyggjufull yfir því að Hvíta hús ykkar Trump fjarlægist stöðugt gildi samvinnu, frelsis og ábyrgðar. Hættan er sú ef áfram heldur sem horfir að Bandaríkin missi ekki aðeins leiðandi stöðu sína heldur finni sig utanveltu, áhrifalítil og vinafá. Auðvitað er það svo að ekkert ríki er fullkomin útgáfa af eigin metnaði. Hvorki Ísland né Bandaríkin geta státað sig af því að hafa náð metnaði sínum svo hafið sé yfir alla gagnrýni. Það er hins vegar áhyggjuefni þegar einn nánasti bandamaður þinn er farinn að tala beinlínis gegn þeim gildum sem við deildum áður. Hinseginfælin stjórnmál þín og Trump, stríðið gegn réttindum kvenna, barátta gegn líkn gagnvart börnum innflytjenda sem aðskilin eru frá foreldrum sínum og úrsögn Bandaríkjanna úr Parísarsamkomulaginu eru dæmi um afstöðu sem grafa undan góðum samskiptum Bandaríkjanna við Ísland og umheiminn. Kæri Pence, vertu innilega velkominn til okkar fallegu borgar en upplifun þín af Reykjavík verður ekki heil ef enginn bendir þér á að réttindi hinsegin fólks hinsegin fólks er okkur tilefni til stolts en ekki yfirvofandi samfélagshruns. Njóttu borgarinnar okkar í öllum sínum hinseginleika. Fyrir hönd Reykjavíkur býð ég hinsegin fólk velkomið. Verði ferðin til Reykjavíkur þér innblástur til breytinga og samkenndar með hinsegin borgurum Bandaríkjanna og heimsins. Okkur skilst að þú munir heimsækja okkar sögufræða hús Höfða, sem er stolt okkar Reykvíkinga, á meðan heimsókn þinni stendur. Megir þú njóta þess friðaranda sem umlykur þetta hús, við vonum að sá verði þér jákvæður innblástur. Við óskum engum þeirra örlaga að heimsæka Ísland og láta anda og sögu kvennabaráttunnar fram hjá sér fara. Verði Vigdís Finnbogadóttir, fyrsta lýðræðislega kjörin kvenkyns forseti heims þér að innblæstri ásamt Jóhönnu Sigurðardóttur, fyrsta opinberlega samkynhneigða konan sem gegnir starfi forsætisráðherra á heimsvísu. Íslenskar konur og menn leita svo sannarlega innblásturs frá sterkum bandarískum konum og sögufrægu kvennahreyfingu.Sigurborg Ósk Haraldsdóttir er borgarfulltrúi Pírata.fréttablaðið/eyþórKæri Pence, Reykjavík er fjölskylduvæn borg þar sem börn njóta frelsis til að þroska og dafna. Vertu velkominn að njóta þess anda á meðan þú ert hér. Megi sú íhugun verða þess valdandi að þú og forseti Bandaríkjanna snúið frá þeirri vegferð að réttlæta fangelsun barna, aðskilnað frá foreldrum og vistun í aðstæðum sem ganga gegn hugmyndum okkar um mannúðlega meðferð allra. Þú ert velkominn gestur á Íslandi og sú gestrisni stendur öllum bandarískum vinum okkar til boða. Vinskapur Íslendinga og Bandaríkjanna nær jafnt til kvenna og hinsegin fólks sem og innflytjenda. Sígíld bandarísk gildi frelsis og sanngirni til handa öllum eru okkur innblástur. Það yrð okkur mikil sorg ef bandarískir leiðtogar sjá sér hag í að berjast gegn slíkum gildum í orði og á borði. Vera Íslands í Atlantshafsbandalaginu er ein stoða íslenskrar utanríkisstefnu. Aðild hins herlausa Íslands í hernaðarbandalagi er umdeild á Íslandi en pólitískt trygg. Bandaríkjamenn þurfa ekki að óttast áhrif andstæðinga veru Íslands í NATO. Íslenskur almenningur kærir sig þó lítið um að dragast inn í hernaðarkapphlaup stórveldanna vegna Norðurslóða. Við getum ekki annað en ráðlagt fulltrúum Íslands og Bandaríkjanna að stíga varlega til jarðar í þessum málum. Það er alls ekkert víst að sama pólitíska ró verði gagnvart því að Ísland dragist inn í hernaðarkapphlaup og er að finna gagnvart veru okkar í varnarbandalagi. Aðdáun Íslendinga og umheimsins á Bandaríkjunum byggir á hrifningu en ekki hræðslu. Hernaðarstyrkur Bandaríkjanna er öllum augljós. Merkir leiðtogar þurfa ekki að spenna sífellt vöðvana. Stórveldið Bandaríkin á sínar tignarlegastu stundir þegar sest er niður með smærri vinum á jafningjagrundvelli. Þeir sem því gleyma eiga á hættu að vakna upp við vondan draum; vinalausir, einangraðir og áhrifalausir þrátt fyrir allan heimsins mátt. Af virðingu og vinsemd Dóra Björt Guðjónsdóttir og Sigurborg Ósk Haraldsdóttir, borgarfulltrúar Pírata.
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Menntun sem mannréttindi – ekki forréttindi París Anna Bergmann,Sigurður Kári Harðarson skrifar
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun