Þolinmæði þrautir vinnur allar Hjörvar Ólafsson skrifar 12. júní 2018 08:15 Glódís Perla Viggósdóttir og Gunnhildur Yrsa Jónsdóttir fagna marki þeirrar fyrrnefndu fyrir Ísland þegar liðið lagði Slóveníu að velli í leik liðanna í undankeppni HM 2019 á Laugardalsvellinum í gærkvöldi. Vísir/Andri Marinó Ísland er komið á topp riðils síns í undankeppni HM 2019 í knattspyrnu kvenna, en liðið tyllti sér á toppinn með 2-0 sigri gegn Slóveníu á Laugardalsvellinum í gærkvöldi. Mörk Íslands komu úr nokkuð óvæntri átt, en það var Glódís Perla Viggósdóttir, miðvörður liðsins, sem skoraði bæði mörkin. Hún hefur nú skorað fimm mörk í 68 landsleikjum, en þetta voru fyrstu mörk hennar í þessari undankeppni. Ísland lék í fyrsta skipti án fyrirliða síns, Söru Bjarkar Gunnarsdóttur, í mótsleik síðan hún gat ekki leikið með liðinu vegna veikinda þegar liðið mætti Frakklandi haustið 2009 í leik í undankeppni HM 2011. Guðbjörg Gunnarsdóttir tók við stöðu Söru Bjarkar sem fyrirliði liðsins og Selma Sól Magnúsdóttir leysti hana af inni á miðsvæðinu. Selma Sól var að byrja sinn fyrsta mótsleik fyrir íslenska liðið, en hún kom inn á sem varamaður í fyrri leik liðanna í Slóveníu og hefur þess utan leikið fjóra vináttulandsleiki. Selma spilaði vel inni á miðsvæðinu og kórónaði svo flottan leik sinn með því að leggja upp annað mark Íslands í leiknum. Hornspyrna hennar rataði beint á kollinn á Glódísi Perlu sem stangaði boltann í netið. Íslenska liðinu gekk illa að skapa sér opin marktækifæri framan af leiknum, en Harpa Þorsteinsdóttir fékk besta færi liðsins í fyrri hálfleik. Skot hennar af stuttu færi eftir góðan undirbúning Ingibjargar Sigurðardóttur hafnaði í fanginu á Zölu Mersnik, hinum 17 ára gamla markverði slóvenska liðsins. Uppspilið gekk ekki nógu smurt hjá leikmönnum íslenska liðsins í fyrri hálfleik og oft og tíðum vantaði vandvirkni í sendingar þegar svæði sköpuðust til þess að spila inn í. Ísland fékk aftur á móti fjölmörg horn og föst leikatriði í fyrri hálfleik sem liðið náði hins vegar ekki að nýta. Ingibjörgu og Öglu Maríu tókst best upp í því að finna svæði bak við þéttan varnarmúr Slóveníu í fyrri hálfleik, en samherjum þeirra tókst ekki að færa sér fyrirgjafir þeirra í nyt. Leikmenn íslenska liðsins mættu hins vegar af meiri krafti inn í seinni hálfleikinn og Glódís Perla kom Íslandi yfir eftir um það bil tíu mínútna leik í seinni hálfleik. Hún fékk þá góða fyrirgjöf frá Hallberu Gísladóttur og skoraði af miklu harðfylgi. Það hlaut svo að koma að því að Íslandi næði að nýta eina af þeim fjölmörgu hornspyrnum sem liðið fékk í leiknum, en annað mark liðsins kom eftir eina slíka rúmum tíu mínútum síðar. Ísland komst upp fyrir Þýskaland með þessum sigri, en íslenska liðið hefur 16 stig í toppsætinu og Þýskaland er í öðru sæti riðilsins með 15 stig. Liðin mætast í toppslag riðilsins á Laugardalsvellinum 1. september næstkomandi. Ísland vann frækinn sigur þegar liðið mætti Þjóðverjum í fyrri leik liðanna í undankeppninni. Liðið sem verður í efsta sæti riðilsins kemst beint í lokakeppni HM, en þau fjögur með bestan árangur í riðlunum sjö í undankeppninni fara svo í umspil um tvö laus sæti. Ísland hefur aldrei komist í lokakeppni HM í knattspyrnu kvenna, en liðið er í fínni stöðu til þess að brjóta blað í sögu íslenskrar kvennaknattspyrnu. HM 2019 í Frakklandi Mest lesið Son verður sá dýrasti í sögunni Enski boltinn Elísa stórbætti metið í hundrað kílómetra hlaupi: „Mér líður furðuvel“ Sport Uppgjör: ÍA - Valur 2-2 | Skaginn náði í stig með ótrúlegu marki Íslenski boltinn „Margir sem voru tilbúnir að koma honum fyrir kattarnef fyrir mig“ Íslenski boltinn Jorge Costa látinn Fótbolti Sjáðu guttann skora geggjað mark fyrir Liverpool: Ný stjarna fædd á Anfield Enski boltinn „Hættiði að henda dildóum inn á völlinn“ Körfubolti Eigandi Newcastle gæti hjálpað Liverpool að kaupa Isak Enski boltinn Sigtryggur Arnar í mjög fámennan hóp í sögu landsliðsins Körfubolti Lars Lagerbäck lenti í slysi og kemur ekki til Íslands Fótbolti Fleiri fréttir Ómar Björn: Misreiknaði boltann Markalaust í baráttunni um brúna Uppgjör: ÍA - Valur 2-2 | Skaginn náði í stig með ótrúlegu marki Brann á toppinn og Lyngby skreið áfram í bikarnum Hansen hamingjusamur í Víkinni næstu árin Tryggvi þurfti að bíða í 257 daga eftir að bæta metið Jorge Costa látinn Partey laus á skilorði Fór að gráta þegar hún skoraði Son verður sá dýrasti í sögunni Man. United bauð 74 milljónir punda í Sesko Gervigreindin fór illa með mótherja Víkinga „Margir sem voru tilbúnir að koma honum fyrir kattarnef fyrir mig“ Frank Mill er látinn Shearer með skilaboð til Newcastle: Losið ykkur við Isak Natasha með slitið krossband Sjáðu guttann skora geggjað mark fyrir Liverpool: Ný stjarna fædd á Anfield Máluðu dvergana sjö í kringum fræga veggmynd af Lamine Yamal Eigandi Newcastle gæti hjálpað Liverpool að kaupa Isak Hinn óendanlegi leikmannahópur Chelsea Stuðningsmönnum danska liðsins ekki hleypt inn í Svíþjóð Lars Lagerbäck lenti í slysi og kemur ekki til Íslands „Þeir standa fyrir eitthvað annað“ Kári reynir að hjálpa HK upp um deild Liverpool vann Athletic tvívegis á Anfield „Báðir endar vallarins mættu vera betri“ „Skemmtilegra þegar vel gengur“ Uppgjörið: Valur - Breiðablik 0-3 | Létt verk fyrir meistarana Mark Kolbeins svo gott sem gulltryggði sigurinn „Við erum Newcastle United“ Sjá meira
Ísland er komið á topp riðils síns í undankeppni HM 2019 í knattspyrnu kvenna, en liðið tyllti sér á toppinn með 2-0 sigri gegn Slóveníu á Laugardalsvellinum í gærkvöldi. Mörk Íslands komu úr nokkuð óvæntri átt, en það var Glódís Perla Viggósdóttir, miðvörður liðsins, sem skoraði bæði mörkin. Hún hefur nú skorað fimm mörk í 68 landsleikjum, en þetta voru fyrstu mörk hennar í þessari undankeppni. Ísland lék í fyrsta skipti án fyrirliða síns, Söru Bjarkar Gunnarsdóttur, í mótsleik síðan hún gat ekki leikið með liðinu vegna veikinda þegar liðið mætti Frakklandi haustið 2009 í leik í undankeppni HM 2011. Guðbjörg Gunnarsdóttir tók við stöðu Söru Bjarkar sem fyrirliði liðsins og Selma Sól Magnúsdóttir leysti hana af inni á miðsvæðinu. Selma Sól var að byrja sinn fyrsta mótsleik fyrir íslenska liðið, en hún kom inn á sem varamaður í fyrri leik liðanna í Slóveníu og hefur þess utan leikið fjóra vináttulandsleiki. Selma spilaði vel inni á miðsvæðinu og kórónaði svo flottan leik sinn með því að leggja upp annað mark Íslands í leiknum. Hornspyrna hennar rataði beint á kollinn á Glódísi Perlu sem stangaði boltann í netið. Íslenska liðinu gekk illa að skapa sér opin marktækifæri framan af leiknum, en Harpa Þorsteinsdóttir fékk besta færi liðsins í fyrri hálfleik. Skot hennar af stuttu færi eftir góðan undirbúning Ingibjargar Sigurðardóttur hafnaði í fanginu á Zölu Mersnik, hinum 17 ára gamla markverði slóvenska liðsins. Uppspilið gekk ekki nógu smurt hjá leikmönnum íslenska liðsins í fyrri hálfleik og oft og tíðum vantaði vandvirkni í sendingar þegar svæði sköpuðust til þess að spila inn í. Ísland fékk aftur á móti fjölmörg horn og föst leikatriði í fyrri hálfleik sem liðið náði hins vegar ekki að nýta. Ingibjörgu og Öglu Maríu tókst best upp í því að finna svæði bak við þéttan varnarmúr Slóveníu í fyrri hálfleik, en samherjum þeirra tókst ekki að færa sér fyrirgjafir þeirra í nyt. Leikmenn íslenska liðsins mættu hins vegar af meiri krafti inn í seinni hálfleikinn og Glódís Perla kom Íslandi yfir eftir um það bil tíu mínútna leik í seinni hálfleik. Hún fékk þá góða fyrirgjöf frá Hallberu Gísladóttur og skoraði af miklu harðfylgi. Það hlaut svo að koma að því að Íslandi næði að nýta eina af þeim fjölmörgu hornspyrnum sem liðið fékk í leiknum, en annað mark liðsins kom eftir eina slíka rúmum tíu mínútum síðar. Ísland komst upp fyrir Þýskaland með þessum sigri, en íslenska liðið hefur 16 stig í toppsætinu og Þýskaland er í öðru sæti riðilsins með 15 stig. Liðin mætast í toppslag riðilsins á Laugardalsvellinum 1. september næstkomandi. Ísland vann frækinn sigur þegar liðið mætti Þjóðverjum í fyrri leik liðanna í undankeppninni. Liðið sem verður í efsta sæti riðilsins kemst beint í lokakeppni HM, en þau fjögur með bestan árangur í riðlunum sjö í undankeppninni fara svo í umspil um tvö laus sæti. Ísland hefur aldrei komist í lokakeppni HM í knattspyrnu kvenna, en liðið er í fínni stöðu til þess að brjóta blað í sögu íslenskrar kvennaknattspyrnu.
HM 2019 í Frakklandi Mest lesið Son verður sá dýrasti í sögunni Enski boltinn Elísa stórbætti metið í hundrað kílómetra hlaupi: „Mér líður furðuvel“ Sport Uppgjör: ÍA - Valur 2-2 | Skaginn náði í stig með ótrúlegu marki Íslenski boltinn „Margir sem voru tilbúnir að koma honum fyrir kattarnef fyrir mig“ Íslenski boltinn Jorge Costa látinn Fótbolti Sjáðu guttann skora geggjað mark fyrir Liverpool: Ný stjarna fædd á Anfield Enski boltinn „Hættiði að henda dildóum inn á völlinn“ Körfubolti Eigandi Newcastle gæti hjálpað Liverpool að kaupa Isak Enski boltinn Sigtryggur Arnar í mjög fámennan hóp í sögu landsliðsins Körfubolti Lars Lagerbäck lenti í slysi og kemur ekki til Íslands Fótbolti Fleiri fréttir Ómar Björn: Misreiknaði boltann Markalaust í baráttunni um brúna Uppgjör: ÍA - Valur 2-2 | Skaginn náði í stig með ótrúlegu marki Brann á toppinn og Lyngby skreið áfram í bikarnum Hansen hamingjusamur í Víkinni næstu árin Tryggvi þurfti að bíða í 257 daga eftir að bæta metið Jorge Costa látinn Partey laus á skilorði Fór að gráta þegar hún skoraði Son verður sá dýrasti í sögunni Man. United bauð 74 milljónir punda í Sesko Gervigreindin fór illa með mótherja Víkinga „Margir sem voru tilbúnir að koma honum fyrir kattarnef fyrir mig“ Frank Mill er látinn Shearer með skilaboð til Newcastle: Losið ykkur við Isak Natasha með slitið krossband Sjáðu guttann skora geggjað mark fyrir Liverpool: Ný stjarna fædd á Anfield Máluðu dvergana sjö í kringum fræga veggmynd af Lamine Yamal Eigandi Newcastle gæti hjálpað Liverpool að kaupa Isak Hinn óendanlegi leikmannahópur Chelsea Stuðningsmönnum danska liðsins ekki hleypt inn í Svíþjóð Lars Lagerbäck lenti í slysi og kemur ekki til Íslands „Þeir standa fyrir eitthvað annað“ Kári reynir að hjálpa HK upp um deild Liverpool vann Athletic tvívegis á Anfield „Báðir endar vallarins mættu vera betri“ „Skemmtilegra þegar vel gengur“ Uppgjörið: Valur - Breiðablik 0-3 | Létt verk fyrir meistarana Mark Kolbeins svo gott sem gulltryggði sigurinn „Við erum Newcastle United“ Sjá meira