Foreldrar hafa áhyggjur af vímuefnanotkun á Secret Solstice Elísabet Inga Sigurðardóttir skrifar 22. júní 2018 19:00 Foreldrar barna á tónlistarhátíðinni Secret Solstice eru óánægðir með öryggisgæslu á svæðinu. Að sögn foreldris er um að ræða töluverða vímuefnaneyslu sem á sér stað inni á lokuðu svæði. Foreldrar barna á hátíðinni hafa tekið upp á því að hittast og ganga um á hátíðinni í sýnilegum vestum til að tryggja öryggi. Sigrún er ein af þeim en hún segir foreldra hafa hafi krafist þess að skipuleggjendur hátíðarinnar stæðu betur að henni en gert var í fyrra. „Í fyrra fór allt úr böndunum varðandi umgengni. Við rákumst á sprautunálar og kanabis á leiksvæðum hér í kring,“ segir Sigrún Theodórsdóttir, foreldri á svæðinu. Hún segir skipuleggjendur hafa lofað bót og betrun. Taka skyldi á áfengis og vímuefnaneyslu ungmenna undir tvítugu með því að tefla fram tveim armböndum. Annars vegar armbandi fyrir eldri en tvítuga gesti og hins vegar armböndum fyrir gesti yngri en tvítugt. „Það hefur komið í ljós að þetta hefur ekki verið að virka sem skyldi. Armbönd sem eru ætluð eldri en tvítugum einstaklingum eru afhent börnum yngri en tvítugum. Þau eru að auki ekki beðin um skilríki. Þau armbönd sem eru fyrir þá sem eru undir tvítugu hafa gilt á barnum inni á hátíðinni. Því hafa börnin aðgengi að áfengi inni á hátíðinni. Hér er um lögbrot að ræða,“ segir Sigrún. Þá segist hún hafi orðið vitni af töluverðri kannabisneyslu inni á svæðinu sem að hennar sögn fái fólk að stunda óáreitt. Einnig staðfesti lögregla við hana í gærkvöldi að töluverð unglingadrykkja væri á svæðinu, en lögregla hafi ekki getað gripið inn í af ráði vegna manneklu. „Mér sýnist vera hér drauma útihátíð í miðri Reykjavík sem er kjörin fyrir unglingadrykkju og eiturlyfjanotkun, segir hún.“ Þá segi Sigrún gæsluna vera ábótavant, en hún hafi komist inn á svæðið í gær án þess að vera með armband. „Við foreldrar erum búnir að fá mikil viðbrögð frá hinum ýmsu aðilum sem vinna innan Reykjavíkurborgar. Þeir segja að þetta verði skoðað eftir hátíðina. Eins voru svörin í fyrra – allt átti að skoða eftir hátíðina. Menn lofuðu bót og betrun. Við vorum vongóð um að þetta yrði betra, en þetta byrjar ekki vel,“ segir Sigrún að lokum.Frá Secret Solstice-hátíðinni í Laugardalnum í fyrra.Secret Solstice/SolovovVilja koma til móts við foreldrafélagið Björn Teitsson, fjölmiðlafulltrúi Secret Solstice, segir að miðakerfið sem hátíðin notast við bjóði ekki upp á að einstaklingar sem eru yngri en 18 ára komist inn á svæðið. „Þú kaupir miða á þessa hátíð með rafrænum hætti og þú í rauninnni skráir inn kennitölu og vísar fram persónuskilríkjum þegar þú sækir armbandið þitt og þú gætir í rauninni ekki keypt þér armband ef þú ert yngri en átján ára nema í fylgd með forráðamanni,“ segir Björn. Þá séu öll armbönd sérmerkt og þau sem gefin eru út fyrir 20 ára og eldri séu aðskilin til þess að tryggja að þeir sem séu yngri geti ekki keypt áfengi. Þrátt fyrir þetta vilja aðstandendur hátíðarinnar reyna að koma til móts við sjónarmið foreldrafélagsins og ætla að biðja hátíðargesti um að framvísa persónuskilríkjum á morgun. Aðspurður segist Björn ekki hafa orðið var við eiturlyfjanotkun á hátíðinni. „Það er engin eiturlyfjanotkun sem ég hef orðið var við og alls ekki möguleiki að hún eigi sér stað inni á svæðinu. Við leggjum mikla áherslu á að gæslan okkar sé framúrskarandi á þessu sviði og fíkniefnanotkun er ekki liðin að neinu leyti.“ Hann segir að unga kynslóðin sé til fyrirmyndar og öðrum til eftirbreytni. „Ég sé fólk sem er að skemmta sér vel og fallega.“Fréttin hefur verið uppfærð með viðtali við Björn Teitsson. Secret Solstice Mest lesið Pilturinn muni líklega afplána þriðjung átta ára dóms fyrir manndráp Innlent Mun sjá eftir árásinni alla ævi Innlent Skrifa nú undir samninginn sem féll af borðinu eftir hitafundinn Erlent Brot á trausti gagnvart félögum Lúðvíks sem vilji hjálpa Innlent Gefur lítið fyrir tal um fyrningu Innlent Hornafjörður gæti bjargað flugi Icelandair á Ísafjörð Innlent Hætta framleiðslu innanhúss og segja upp fólki Innlent Ofsakláði grípur Spaugstofumenn Innlent Gætti trúnaðar eftir að erindi tengdamömmunnar barst Innlent Ellefu slasaðir og þrír alvarlega í Kaupmannahöfn Erlent Fleiri fréttir Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Mál Ásthildar Lóu krufið fyrir opnum tjöldum Vill að þingflokkar vinni saman að því að stytta frí þingmanna Mikilvægt að vita hvar og hvernig réttar upplýsingar fást í krísuástandi Málið áfall fyrir embættið Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Sjá meira
Foreldrar barna á tónlistarhátíðinni Secret Solstice eru óánægðir með öryggisgæslu á svæðinu. Að sögn foreldris er um að ræða töluverða vímuefnaneyslu sem á sér stað inni á lokuðu svæði. Foreldrar barna á hátíðinni hafa tekið upp á því að hittast og ganga um á hátíðinni í sýnilegum vestum til að tryggja öryggi. Sigrún er ein af þeim en hún segir foreldra hafa hafi krafist þess að skipuleggjendur hátíðarinnar stæðu betur að henni en gert var í fyrra. „Í fyrra fór allt úr böndunum varðandi umgengni. Við rákumst á sprautunálar og kanabis á leiksvæðum hér í kring,“ segir Sigrún Theodórsdóttir, foreldri á svæðinu. Hún segir skipuleggjendur hafa lofað bót og betrun. Taka skyldi á áfengis og vímuefnaneyslu ungmenna undir tvítugu með því að tefla fram tveim armböndum. Annars vegar armbandi fyrir eldri en tvítuga gesti og hins vegar armböndum fyrir gesti yngri en tvítugt. „Það hefur komið í ljós að þetta hefur ekki verið að virka sem skyldi. Armbönd sem eru ætluð eldri en tvítugum einstaklingum eru afhent börnum yngri en tvítugum. Þau eru að auki ekki beðin um skilríki. Þau armbönd sem eru fyrir þá sem eru undir tvítugu hafa gilt á barnum inni á hátíðinni. Því hafa börnin aðgengi að áfengi inni á hátíðinni. Hér er um lögbrot að ræða,“ segir Sigrún. Þá segist hún hafi orðið vitni af töluverðri kannabisneyslu inni á svæðinu sem að hennar sögn fái fólk að stunda óáreitt. Einnig staðfesti lögregla við hana í gærkvöldi að töluverð unglingadrykkja væri á svæðinu, en lögregla hafi ekki getað gripið inn í af ráði vegna manneklu. „Mér sýnist vera hér drauma útihátíð í miðri Reykjavík sem er kjörin fyrir unglingadrykkju og eiturlyfjanotkun, segir hún.“ Þá segi Sigrún gæsluna vera ábótavant, en hún hafi komist inn á svæðið í gær án þess að vera með armband. „Við foreldrar erum búnir að fá mikil viðbrögð frá hinum ýmsu aðilum sem vinna innan Reykjavíkurborgar. Þeir segja að þetta verði skoðað eftir hátíðina. Eins voru svörin í fyrra – allt átti að skoða eftir hátíðina. Menn lofuðu bót og betrun. Við vorum vongóð um að þetta yrði betra, en þetta byrjar ekki vel,“ segir Sigrún að lokum.Frá Secret Solstice-hátíðinni í Laugardalnum í fyrra.Secret Solstice/SolovovVilja koma til móts við foreldrafélagið Björn Teitsson, fjölmiðlafulltrúi Secret Solstice, segir að miðakerfið sem hátíðin notast við bjóði ekki upp á að einstaklingar sem eru yngri en 18 ára komist inn á svæðið. „Þú kaupir miða á þessa hátíð með rafrænum hætti og þú í rauninnni skráir inn kennitölu og vísar fram persónuskilríkjum þegar þú sækir armbandið þitt og þú gætir í rauninni ekki keypt þér armband ef þú ert yngri en átján ára nema í fylgd með forráðamanni,“ segir Björn. Þá séu öll armbönd sérmerkt og þau sem gefin eru út fyrir 20 ára og eldri séu aðskilin til þess að tryggja að þeir sem séu yngri geti ekki keypt áfengi. Þrátt fyrir þetta vilja aðstandendur hátíðarinnar reyna að koma til móts við sjónarmið foreldrafélagsins og ætla að biðja hátíðargesti um að framvísa persónuskilríkjum á morgun. Aðspurður segist Björn ekki hafa orðið var við eiturlyfjanotkun á hátíðinni. „Það er engin eiturlyfjanotkun sem ég hef orðið var við og alls ekki möguleiki að hún eigi sér stað inni á svæðinu. Við leggjum mikla áherslu á að gæslan okkar sé framúrskarandi á þessu sviði og fíkniefnanotkun er ekki liðin að neinu leyti.“ Hann segir að unga kynslóðin sé til fyrirmyndar og öðrum til eftirbreytni. „Ég sé fólk sem er að skemmta sér vel og fallega.“Fréttin hefur verið uppfærð með viðtali við Björn Teitsson.
Secret Solstice Mest lesið Pilturinn muni líklega afplána þriðjung átta ára dóms fyrir manndráp Innlent Mun sjá eftir árásinni alla ævi Innlent Skrifa nú undir samninginn sem féll af borðinu eftir hitafundinn Erlent Brot á trausti gagnvart félögum Lúðvíks sem vilji hjálpa Innlent Gefur lítið fyrir tal um fyrningu Innlent Hornafjörður gæti bjargað flugi Icelandair á Ísafjörð Innlent Hætta framleiðslu innanhúss og segja upp fólki Innlent Ofsakláði grípur Spaugstofumenn Innlent Gætti trúnaðar eftir að erindi tengdamömmunnar barst Innlent Ellefu slasaðir og þrír alvarlega í Kaupmannahöfn Erlent Fleiri fréttir Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Mál Ásthildar Lóu krufið fyrir opnum tjöldum Vill að þingflokkar vinni saman að því að stytta frí þingmanna Mikilvægt að vita hvar og hvernig réttar upplýsingar fást í krísuástandi Málið áfall fyrir embættið Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Sjá meira