Haukar, Fram og KA/Þór eru komin í undanúrslit í Coca-Cola bikar kvenna, en þrír af fjórum leikjum átta liða úrslitana fóru fram í kvöld.
Fram átti í litum vandræðum með ÍR á útivelli, en Fram leiddi með fjórum mörkum í hálfleik, 16-12. Lokatölur urðu svo 32-26.
Ragnheiður Júlíusdóttir, Elísabet Gunnardóttir og Guðrún Þóra Hálfandsdóttir skoruðu allar fimm mörk fyrir Fram. Karen Demian gerði alls tólf mörk ÍR.
B-deildarlið HK tapaði fyrir toppbaráttuliði Hauka í Digranesi, 25-18, eftir að Haukar höfðu leitt 14-9 í hálfleik.
Birta Lind Jóhannsdóttir gerði fimm mörk fyrir Hauka, en Þórunn Friðriksdóttir, Kolbrún Anna Garðarsdóttir og Berglind Þorsteinsdóttir gerðu þrjú mörk hver fyrir HK.
KA/Þór var í raun sterkari aðilinn nær allan leikinn. Liðið leiddi með fimm mörkum i hálfleik, 20-15, og vann að lokum ellefu marka sigur, 35-24.
Martha Hermannsdóttir var mögnuð fyrir heimstúlkur. Hún skoraði fimmtán mörk og var lang markahæst, en Berglind Benediktsdóttir gerði átta fyrir Fjölni.
Á morgun mætast svo Stjarnan og ÍBV í stórleik 8-liða úrslitana.
KA/Þór skellti Fjölni | Fram og Haukar örugglega áfram
