Leikmannaskiptin sem allir eru að tala um Ingvi Þór Sæmundsson skrifar 22. janúar 2018 07:00 Henrikh Mkhitaryan og Alexis Sánchez eru á leið í sitt hvora áttina. vísir/getty Eftir mánaða langa óvissu er loksins ljóst hvað verður um Alexis Sánchez. Chile-maðurinn er á leið til Manchester United í skiptum fyrir Henrikh Mkhitaryan. Enginn peningur fer á milli félaganna heldur er um að ræða leikmannaskipti sem bæði lið virðast koma ágætlega út úr. United fær leikmann sem hefur verið í fremstu röð í mörg ár, spilað með stórum félögum og þekkir ensku úrvalsdeildina. Búist er við að Sánchez fái treyju númer sjö hjá United sem Bryan Robson, Eric Cantona, David Beckham og Cristiano Ronaldo klæddust á sínum tíma.Vonast eftir alvöru United-sjöu Stuðningsmenn Manchester-liðsins vonast til þess að Sánchez verði alvöru United-sjöa sem hleypi nýju lífi í sóknarleik liðsins. Lærisveinar José Mourinho hafa verið beittari fyrir framan markið en á síðasta tímabili en betur má ef duga skal. United hefur skorað 49 mörk í ensku úrvalsdeildinni í vetur, 21 marki minna en topplið Manchester City. Mourinho vill líka fá meiri samkeppni um stöður fremst á vellinum. „Í augnablikinu er engin samkeppni um stöðurnar frammi,“ sagði Portúgalinn eftir 0-1 sigur United á Burnley á laugardaginn. „Í augnablikinu erum við bara með fjóra sóknarmenn fyrir þrjár stöður. Þrír byrja á meðan einn er á bekknum.“ Sánchez er 29 ára, jafngamall og Robin van Persie var þegar United keypti hann frá Arsenal 2012. Stuðningsmenn United vonast til að Chile-maðurinn hafi sömu áhrif og Hollendingurinn hafði á sínum tíma. Van Persie skoraði grimmt þegar United varð síðast Englandsmeistari, vorið 2013.Spurning um peninga? Umræðan um félagaskipti Sánchez hefur að miklu leyti snúist um að Chile-maðurinn sé einhvers konar málaliði, drifinn áfram af græðgi og hafi þess vegna valið United í staðinn fyrir fótboltahimnaríki nágrannanna í Manchester City. Lið Peps Guardiola spilar vissulega mun skemmtilegri fótbolta en United og leikstíllinn er ákjósanlegri fyrir sóknarmenn. Og Sánchez fær vel borgað hjá United. En það er ekki eins og leikmenn spili frítt fyrir City og stærsta ástæðan fyrir uppgangi félagsins undanfarinn áratug eru peningarnir sem hefur verið dælt í það.Var búinn að stimpla sig út Arsenal missir vissulega sinn besta leikmann en samningur hans var að renna út og Sánchez var klárlega búinn að stimpla sig út hjá Skyttunum. Í staðinn fær Arsenal gríðarlega hæfileikaríkan leikmann sem var, fyrir ekki meira en tveimur árum, valinn sá besti í þýsku úrvalsdeildinni. Þrátt fyrir óumdeilda hæfileika Mkhitaryans náði Armeninn aldrei almennilegu flugi hjá United. Hann var lengi að vinna sér sæti í byrjunarliðinu á síðasta tímabili en sýndi góða takta seinni hluta þess og átti stóran þátt í að United vann Evrópudeildina. Mkhitaryan skoraði fimm mörk í útsláttarkeppni Evrópudeildarinnar, þ. á m. í úrslitaleiknum gegn Ajax.Dalaði eftir góða byrjun Armeninn byrjaði þetta tímabil af krafti. Hann skoraði eitt mark og lagði upp fimm í fyrstu fimm deildarleikjum United. En Mkhitaryan náði ekki að fylgja því eftir, missti sæti sitt í byrjunarliði United og átti undir lokin í vandræðum með að komast í hóp á leikdegi. Það má því færa rök fyrir því að hann hafi gott af nýrri áskorun. Mkhitaryan leysir ekki brýnustu þarfir Arsenal. Hann bætir ekki öftustu línu eða varnarleikinn á miðsvæðinu. En hann fyllir að vissu leyti upp í skarðið sem Sánchez skilur eftir sig, þótt þeir séu ólíkir leikmenn. Mkhitaryan getur leyst allar stöðurnar fyrir aftan framherjann, er skapandi og nokkuð markheppinn. Fyrrverandi samherji Mkhitaryans hjá Borussia Dortmund, Pierre-Emerick Aubameyang, hefur einnig verið orðaður við Arsenal. Talið er að Skytturnar þurfi að borga um 50 milljónir punda fyrir Gabonann sem er í agabanni hjá Dortmund. Sóknarlína með Mkhitaryan, Aubameyang, Mesut Özil og Alexandre Lacazette lítur allavega afskaplega vel út á pappírnum fræga. Enski boltinn Mest lesið Fjölmiðlar keppast við að lítillækka landsliðið eftir tapið gegn Íslandi Fótbolti Ótrúlegt atvik á EM: Fagnaði of snemma og missti af medalíu Sport Pitstop-torfæran í beinni útsendingu Sport Sjáðu markið sem tryggði Íslandi sigur gegn Englandi Fótbolti Gefur Englendingum ekki háa einkunn: „Flatt, leiðinlegt og ömurlegt“ Fótbolti Andri Lucas kveður Lyngby: „Hjálpuðu mér að stíga næsta skref á ferlinum“ Fótbolti Uppgjör: England - Ísland 0-1 | Strákarnir okkar með frækinn sigur á Wembley Fótbolti „Allir tala eins og við séum að fara að valta yfir mótið og vinna það“ Fótbolti Stjórnarformaður Liverpool staðráðinn í að spila leiki utan Englands Enski boltinn „Frábært að koma hingað á mitt annað heimili og skemma partýið“ Fótbolti Fleiri fréttir Stjórnarformaður Liverpool staðráðinn í að spila leiki utan Englands Chelsea vann kapphlaupið um Adarabioyo Maðurinn sem skallaði Roy Keane sakfelldur fyrir líkamsárás Öll liðin nema eitt vildu halda VAR í ensku úrvalsdeildinni Leikmannasamtök ensku úrvalsdeildarinnar beita sér gegn eyðsluþaki Arteta vill fá leikmann sem skoraði gegn Íslandi Ætla að banna starfsfólki United að borða með leikmönnunum Sádagullið heillar De Bruyne: „Þú ert að tala um ótrúlegar upphæðir“ City fer í mál við ensku úrvalsdeildina: „Ógnarstjórn meirihlutans“ Helsti styrktaraðili Liverpool sakaður um tengsl við hryðjuverkasamtök Segir enska knattspyrnusambandið vilja dæma Paquetá í lífstíðarbann Steve Bruce orðinn þreyttur á atvinnuleysinu: „Leicester, þið vitið hvar þið finnið mig“ United og Liverpool berjast um miðvörð Sporting Hareide yngri orðinn yfirmaður íþróttamála hjá ensku C-deildarliði Styttist í að Ten Hag fái að vita hvað framtíðin ber í skauti sér Maresca tekinn við hjá Chelsea Ferguson hafi átt leynilegan fund í Lundúnum Fyrrverandi leikmaður Arsenal og Everton alvarlega veikur á spítala Tvítugur norskur strákur vann Fantasy leik ensku úrvalsdeildarinnar Markavélin spennt fyrir skiptum til Arsenal Ekkert verður af kaupunum á Everton Bellamy tekur tímabundið við en Lampard er líklega langtímalausnin Red Bull ryður sér til rúms í enska boltanum Breyta deildabikarnum til að létta á leikjaálagi bestu liðanna Samkeppnin eykst hjá Hákoni um markmannstöðu Brentford Einn af hverjum fimm atvinnumönnum notar nikótínpúða Ten Hag gæti þurft að bíða lengi eftir ákvörðun um framtíð sína Klopp til í skrúðgöngu missi Man. City tvo titla til Liverpool UEFA gæti fært United í Sambandsdeildina Njósnarar Liverpool áttu að fylgjast með Koopmeiners en hrifust að öðrum Sjá meira
Eftir mánaða langa óvissu er loksins ljóst hvað verður um Alexis Sánchez. Chile-maðurinn er á leið til Manchester United í skiptum fyrir Henrikh Mkhitaryan. Enginn peningur fer á milli félaganna heldur er um að ræða leikmannaskipti sem bæði lið virðast koma ágætlega út úr. United fær leikmann sem hefur verið í fremstu röð í mörg ár, spilað með stórum félögum og þekkir ensku úrvalsdeildina. Búist er við að Sánchez fái treyju númer sjö hjá United sem Bryan Robson, Eric Cantona, David Beckham og Cristiano Ronaldo klæddust á sínum tíma.Vonast eftir alvöru United-sjöu Stuðningsmenn Manchester-liðsins vonast til þess að Sánchez verði alvöru United-sjöa sem hleypi nýju lífi í sóknarleik liðsins. Lærisveinar José Mourinho hafa verið beittari fyrir framan markið en á síðasta tímabili en betur má ef duga skal. United hefur skorað 49 mörk í ensku úrvalsdeildinni í vetur, 21 marki minna en topplið Manchester City. Mourinho vill líka fá meiri samkeppni um stöður fremst á vellinum. „Í augnablikinu er engin samkeppni um stöðurnar frammi,“ sagði Portúgalinn eftir 0-1 sigur United á Burnley á laugardaginn. „Í augnablikinu erum við bara með fjóra sóknarmenn fyrir þrjár stöður. Þrír byrja á meðan einn er á bekknum.“ Sánchez er 29 ára, jafngamall og Robin van Persie var þegar United keypti hann frá Arsenal 2012. Stuðningsmenn United vonast til að Chile-maðurinn hafi sömu áhrif og Hollendingurinn hafði á sínum tíma. Van Persie skoraði grimmt þegar United varð síðast Englandsmeistari, vorið 2013.Spurning um peninga? Umræðan um félagaskipti Sánchez hefur að miklu leyti snúist um að Chile-maðurinn sé einhvers konar málaliði, drifinn áfram af græðgi og hafi þess vegna valið United í staðinn fyrir fótboltahimnaríki nágrannanna í Manchester City. Lið Peps Guardiola spilar vissulega mun skemmtilegri fótbolta en United og leikstíllinn er ákjósanlegri fyrir sóknarmenn. Og Sánchez fær vel borgað hjá United. En það er ekki eins og leikmenn spili frítt fyrir City og stærsta ástæðan fyrir uppgangi félagsins undanfarinn áratug eru peningarnir sem hefur verið dælt í það.Var búinn að stimpla sig út Arsenal missir vissulega sinn besta leikmann en samningur hans var að renna út og Sánchez var klárlega búinn að stimpla sig út hjá Skyttunum. Í staðinn fær Arsenal gríðarlega hæfileikaríkan leikmann sem var, fyrir ekki meira en tveimur árum, valinn sá besti í þýsku úrvalsdeildinni. Þrátt fyrir óumdeilda hæfileika Mkhitaryans náði Armeninn aldrei almennilegu flugi hjá United. Hann var lengi að vinna sér sæti í byrjunarliðinu á síðasta tímabili en sýndi góða takta seinni hluta þess og átti stóran þátt í að United vann Evrópudeildina. Mkhitaryan skoraði fimm mörk í útsláttarkeppni Evrópudeildarinnar, þ. á m. í úrslitaleiknum gegn Ajax.Dalaði eftir góða byrjun Armeninn byrjaði þetta tímabil af krafti. Hann skoraði eitt mark og lagði upp fimm í fyrstu fimm deildarleikjum United. En Mkhitaryan náði ekki að fylgja því eftir, missti sæti sitt í byrjunarliði United og átti undir lokin í vandræðum með að komast í hóp á leikdegi. Það má því færa rök fyrir því að hann hafi gott af nýrri áskorun. Mkhitaryan leysir ekki brýnustu þarfir Arsenal. Hann bætir ekki öftustu línu eða varnarleikinn á miðsvæðinu. En hann fyllir að vissu leyti upp í skarðið sem Sánchez skilur eftir sig, þótt þeir séu ólíkir leikmenn. Mkhitaryan getur leyst allar stöðurnar fyrir aftan framherjann, er skapandi og nokkuð markheppinn. Fyrrverandi samherji Mkhitaryans hjá Borussia Dortmund, Pierre-Emerick Aubameyang, hefur einnig verið orðaður við Arsenal. Talið er að Skytturnar þurfi að borga um 50 milljónir punda fyrir Gabonann sem er í agabanni hjá Dortmund. Sóknarlína með Mkhitaryan, Aubameyang, Mesut Özil og Alexandre Lacazette lítur allavega afskaplega vel út á pappírnum fræga.
Enski boltinn Mest lesið Fjölmiðlar keppast við að lítillækka landsliðið eftir tapið gegn Íslandi Fótbolti Ótrúlegt atvik á EM: Fagnaði of snemma og missti af medalíu Sport Pitstop-torfæran í beinni útsendingu Sport Sjáðu markið sem tryggði Íslandi sigur gegn Englandi Fótbolti Gefur Englendingum ekki háa einkunn: „Flatt, leiðinlegt og ömurlegt“ Fótbolti Andri Lucas kveður Lyngby: „Hjálpuðu mér að stíga næsta skref á ferlinum“ Fótbolti Uppgjör: England - Ísland 0-1 | Strákarnir okkar með frækinn sigur á Wembley Fótbolti „Allir tala eins og við séum að fara að valta yfir mótið og vinna það“ Fótbolti Stjórnarformaður Liverpool staðráðinn í að spila leiki utan Englands Enski boltinn „Frábært að koma hingað á mitt annað heimili og skemma partýið“ Fótbolti Fleiri fréttir Stjórnarformaður Liverpool staðráðinn í að spila leiki utan Englands Chelsea vann kapphlaupið um Adarabioyo Maðurinn sem skallaði Roy Keane sakfelldur fyrir líkamsárás Öll liðin nema eitt vildu halda VAR í ensku úrvalsdeildinni Leikmannasamtök ensku úrvalsdeildarinnar beita sér gegn eyðsluþaki Arteta vill fá leikmann sem skoraði gegn Íslandi Ætla að banna starfsfólki United að borða með leikmönnunum Sádagullið heillar De Bruyne: „Þú ert að tala um ótrúlegar upphæðir“ City fer í mál við ensku úrvalsdeildina: „Ógnarstjórn meirihlutans“ Helsti styrktaraðili Liverpool sakaður um tengsl við hryðjuverkasamtök Segir enska knattspyrnusambandið vilja dæma Paquetá í lífstíðarbann Steve Bruce orðinn þreyttur á atvinnuleysinu: „Leicester, þið vitið hvar þið finnið mig“ United og Liverpool berjast um miðvörð Sporting Hareide yngri orðinn yfirmaður íþróttamála hjá ensku C-deildarliði Styttist í að Ten Hag fái að vita hvað framtíðin ber í skauti sér Maresca tekinn við hjá Chelsea Ferguson hafi átt leynilegan fund í Lundúnum Fyrrverandi leikmaður Arsenal og Everton alvarlega veikur á spítala Tvítugur norskur strákur vann Fantasy leik ensku úrvalsdeildarinnar Markavélin spennt fyrir skiptum til Arsenal Ekkert verður af kaupunum á Everton Bellamy tekur tímabundið við en Lampard er líklega langtímalausnin Red Bull ryður sér til rúms í enska boltanum Breyta deildabikarnum til að létta á leikjaálagi bestu liðanna Samkeppnin eykst hjá Hákoni um markmannstöðu Brentford Einn af hverjum fimm atvinnumönnum notar nikótínpúða Ten Hag gæti þurft að bíða lengi eftir ákvörðun um framtíð sína Klopp til í skrúðgöngu missi Man. City tvo titla til Liverpool UEFA gæti fært United í Sambandsdeildina Njósnarar Liverpool áttu að fylgjast með Koopmeiners en hrifust að öðrum Sjá meira