Rúnar valinn í lið umferðarinnar eftir fyrsta leik

Rúnar Alex Rúnarsson var valinn í lið unferðarinnar hjá franska miðlinum L'Equipe eftir frumraun sína í frönsku úrvalsdeildinni um helgina.

Rúnar Alex kom til Dijon frá Nordsjælland í sumar og var mættur í markið í fyrsta leik liðsins í deildinni. Dijon vann 2-1 útisigur á Montpellier þar sem Rúnar stóð sig mjög vel og átti margar flottar vörslur.

Hann er fyrsti íslenski markvörðurinn til þess að spila í einni af fimm stærstu deildum Evrópu.

Næsti leikur Dijon er um næstu helgi gegn Nantes sem er með Kolbein Sigþórsson innan sinna raða.

Úrvalsliðið má sjá hér að neðan.

Rúnar Alex Rúnarsson (1995) in The Team of the Round by l’Equipe, Impressive. Had some very important saves in the game & secured 3 points#TeamTotalFootballpic.twitter.com/ReG1DS7shy

— Total Football (@totalfl) August 13, 2018