Chelsea hafnaði þriðja tilboði Barcelona í Willian

Chelsea hefur hafnað þriðja tilboði Barcelona í brasilíska vængmann Chelsea, Willian, en þetta hefur Sky Sports eftir heimildum.

Tilboðið frá Barcelona barst á föstudaginn en þeir vilja ólmir fá hann til liðs við sig en þeir hafa reynt við hann í þrjá mánuði.

Þeir hafi svo gert tilboð í hann snemma í júlí upp á 53 milljónir punda en því var hafnað. Tilboðið sem var hafnað nú var upp á 55 milljónir punda.

William er einn af þeim leikmönnum Chelsea sem enn er í fríi eftir heimsmeistaramótið en Chelsea er í Ástralíu að undirbúa sig fyrir átökin.

Jose Mourinho, fyrrum stjóri Willian, er einnig áhugasamur um kappann en Barcelona er þó talinn líklegri áfangastaður en Manchester United.