Búast má við því að ákvörðun um ákæru í umfangsmiklu kjötþjófnaðarmáli, sem upp kom á Keflavíkurflugvelli í haust, verði tekin fyrir eða um mánaðamótin.
Samkvæmt upplýsingum frá lögreglunni á Suðurnesjum telst málið upplýst og rannsókn að ljúka. Fram hefur komið að um hálfu tonni af kjöti hafi verið stolið.
Ekki mun vera hægt að greina frá endanlegum tölum um umfang málsins á þessu stigi. Tveir starfsmenn flugþjónustufyrirtækis á Keflavíkurflugvelli játuðu við yfirheyrslur í október stórfelldan þjófnað á kjöti úr frystigeymslu á vellinum. Í frystikistum vitorðsmanns þeirra fundust 168 kíló af nautakjöti. Mennirnir höfðu einnig stolið sígarettum af fyrirtækinu í fjögur til fimm ár.
Niðurstaða í kjötþjófnaðarmáli um mánaðamótin
Tengdar fréttir
Þrír handteknir fyrir umfangsmikinn þjófnað á Keflavíkurflugvelli
Lögreglan á Suðurnesjum handtók fyrr í mánuðinum þrjá karlmenn vegna stórfellds þjófnaðar á tollfrjálsum varningi frá flugþjónustufyrirtæki á Keflavíkurflugvelli.
Tollgæslan á að vera með eftirlit þar sem þjófnaðurinn átti sér stað
Aðilar sem fréttastofa ræddi við í dag segja það hreint ótrúlegt að þjófnaður sem þessi hafi staðið eins lengi og raun ber vitni en eftirlit með tollfrjálsum varningi á þessum svæði er í hönum Tollgæslunnar.
