Rebel Wilson á íslenskum jökli

Ástralska leikkonan og Hollywood-stjarnan Rebel Wilson er stödd á Íslandi. Rebel Wilson er einna þekktust fyrir að fara með hlutverk Fat Amy í Pitch Perfect bíómyndunum. Hún birti mynd af sér á jökli í dag þar sem hún segist vera „of svöl fyrir þennan jökul.“

Hin 38 ára Wilson gerði garðinn frægan með frammistöðu sinni í myndunum Bridesmaids og How To Be Single.

Rebel er fædd og uppalin í Ástralíu og hóf leiklistarferil sinn þar en flutti síðan til Bandaríkjanna til þess að elta Hollywood drauminn.

Óvíst er hversu lengi hún hefur verið á Íslandi eða hvert erindi hennar hér á landi sé.

Það sást til hennar á veitingastaðnum Friðheimum í Reykholti í gær þar sem hún sat að snæðingi með nokkrum vinum sínum.

Hér má sjá Instagram færslu hennar ofan á jöklinum.

 

Too cool for ...this glacier!

A post shared by Rebel Wilson (@rebelwilson) on Aug 4, 2018 at 1:20pm PDT