Ríkisstjórn Filippseyja segist ætla að slíta tengslin við Alþjóðaglæpadómstólinn. Rodrigo Duterte, forseti landsins, hefur sakað dóminn um að fara ekki eftir settum reglum og embættismenn Sameinuðu þjóðanna um „svívirðilegar árásir“.
Dómstóllinn er með kvörtun gegn Duterte til skoðunar. Filippseyskur lögfræðingur sakaði hann og aðra hátt setta embættismenn um glæpi gegn mannkyninu í fíkniefnastríðinu sem Duterte hefur háð. Þúsundir manna hafa fallið í því, oft og tíðum fyrir hendi lögreglumanna utan dóms og laga.
Talsmaður Duterte segir að skoðunin sé hluti af samsæri óvina forsetans, að því er segir í frétt Reuters-fréttastofunnar. Því hefur ríkisstjórn hans ákveðið að segja sig tafarlaust frá Rómarsáttmálanum, grundvallarsáttmálanum um stofnun dómstólsins.
Í yfirlýsingu forsetans sagði hann ástæðuna „tilhæfulausar, fordæmalausar og svívirðilegar árásir“ embættismanna Sameinuðu þjóðanna og tilraunir saksóknara Alþjóðaglæpadómstólsins um að hafa lögsögu yfir honum „þvert á viðteknar reglur og grundvallarreglu um að menn séu álitnir saklausir“.
Filippseyjar ætla að segja skilið við Alþjóðaglæpadómstólinn
Tengdar fréttir
Forseti Filippseyja segist orðinn gamall og lúinn
Gagnrýnendur Duterte telja að hann ætli sér að halda í völdin og taka sér alræðisvald. Sjálfur segist hann ætla að víkja úr embætti innan tveggja ára.
Duterte segir hermönnum að skjóta konur í píkuna
Forseti Filippseyja segir að séu konur ekki lengur með píku séu þær gagnslausar.
