Innlent

Ragnheiður fyrsta íslenska konan til að aka til Suðurpólsins

Birgir Olgeirsson skrifar
Ragnheiður Guðjónsdóttir deildi þessar mynd frá Suðurpólnum í gær.
Ragnheiður Guðjónsdóttir deildi þessar mynd frá Suðurpólnum í gær. Facebook
Ragnheiður Guðjónsdóttir gerði sér lítið fyrir og varð fyrsta íslenska konan til að aka til Suðurpólsins. Hún er hluti af níu manna íslenskum hópi á vegum fyrirtækisins Arctic Trucks sem dvelur á Suðurskautinu yfir jólahátíðina.

Áður hafði Vilborg Arna Gissurardóttir skíðað alein á Suðurpólinn en sú ferð tók sextíu daga í framkvæmd en Vilborg náði á pólinn þann 17. janúar árið 2013. Vilborg sendi Ragnheiði hamingjuóskir með að hafa náð þessum áfanga í gær.



Þessi níu manna hópur lagði af stað í kringum mánaðamótin október/nóvember en þeir hafa dreift sér víðsvegar um Suðurskautið. Þrír starfsmenn verða á Suðurpólnum yfir jólin og þá verða starfsmenn inni á miðju landinu sem reka flugbraut.

Íslensku starfsmennirnir munu meðal annars fylgja gönguskíðahóp frá Taiwan, en í för með skíðahópnum eru sjónvarpsmenn sem taka ferðina upp. Veðurskilyrði eru nokkuð slæm þessa stundina en þó hefur ferðin gengið vonum framar.


Tengdar fréttir




Fleiri fréttir

Sjá meira


×