Viðskipti innlent

Monki opnar á Íslandi

Stefán Ó. Jónsson skrifar
Komu Monki hefur verið beðið með nokkurri eftirvæntingu.
Komu Monki hefur verið beðið með nokkurri eftirvæntingu. Getty/Dave M. Benet

Sænska fataverslunarkeðjan Monki mun opna 450 fermetra verslun í Smáralind næsta vor.

Þetta kemur í tilkynningu frá fyrirtækinu sem send var á fjölmiðla í morgun. Þar er haft eftir svæðisstjóra Monki að Ísland sé spennandi markaður og að þau hlakki til að kynna vörur sínar fyrir Íslendingum. 

Föt Monki eru sögð innblásin af skandinavískum og asískum straumum og er þeim ætlað að „styðja við konur um allan heim til þess að líða vel í eigin skinni.“ Orð eins og „glimmer“ og „glitrandi“ koma einnig við sögu, auk þess sem að Monkifólk tekur sérstaklega fram, einhverra hluta vegna, að í nýju versluninni verði haugur af diskókúlum. 

Monki er í eigu H&M Group en auk samnefndra verslana rekur stórfyrirtækið jafnframt verslunarkeðjuna Weekday, sem jafnframt mun opna útibú í Smáralind í náinni framtíð. Því má ætla að viðtökur Íslendinga við H&M, sem nú þegar rekur þrjár verslanir á Íslandi, hafi sannfært forsvarsmenn fyrirtækisins um að hér væri markaður fyrir ódýran skandinavískan fatnað. 

Með þessu áframhaldi ætti landsmenn því ekki að reka í rogastans ef einnig verður tilkynnt um komu verslana á borð við Cos eða & Other Stories, sem jafnframt eru undir hatti H&M Group.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIM
2,27
1
338
SKEL
0
1
11.100
ICEAIR
0
3
433

Mesta lækkun dagsins


Félag
Br.%
Fjöldi
Velta*
SJOVA
-3,85
3
15.831
SYN
-3,11
1
8.120
BRIM
-2,85
1
11
ORIGO
-2,8
2
8.023
TM
-2,76
1
14.100
Velkomin á Vísi. Þessi vefur notar vafrakökur. Sjá nánar.