Viðskipti innlent

Telja Ágúst og Lýð eigendur Dekhill Advisors

Tryggvi Páll Tryggvason skrifar
Bræðurnir Ágúst og Lýður Guðmundssynir fara með tögl og hagldir í Bakkavör.
Bræðurnir Ágúst og Lýður Guðmundssynir fara með tögl og hagldir í Bakkavör. Fréttablaðið/GVA

Fullyrt er í nýrri bók að starfsmenn skattrannsóknarstjóra telji  að Ágúst og Lýður Guðmundssynir, sem kenndir eru við Bakkavör, séu eigendur Dekhill Advisors, annað aflandsfélaganna sem talið er að hafi hagnast um milljarða þegar Búnaðarbankinn var einkavæddur.

Þetta kemur fram í nýrri bók Þórðar Snæs Júlíussonar, Kaupthinking, bankinn sem átti sig sjálfur, en greint er frá þessari skoðun starfsmanna skattrannsóknarstjóra í Morgunblaðinu í dag.

Nafn félagsins Dekhill Advisors komst í hámæli í mars á síðasta ári eftir að rannsóknarnefnd Alþingis vegna sölunnar á Búnaðarbankanum skilaði skýrslu sinni. Þar kom fram að þýski bankinn Hauck & Aufhäuser var aldrei í reynd fjárfestir í Búnaðarbankanum þegar 45,8 prósent hlutur ríkisins í honum var seldur í janúar 2003, ólíkt því sem haldið var fram allt frá upphafi.

Þar kom einnig fram að raunverulegur eigandi hlutarins sem þýski bankinn var sagður eiga hafi verið aflandsfélagið Welling & Partners, skráð á Tortóla á Bresku Jómfrúaeyjum. Hlutabréfin sem þýski bankinn keypti að nafninu til voru síðar seld með milljarða króna hagnaði. Á árinu 2006 var þessi hagnaður greiddur út, eða um 100 milljónir dollara. Fléttan fékk nafnið „Puffin“ og hefur verið kölluð „Lundafléttan“.

Sjá einnig: Gögn sýna virkni leynifélagsins í „Lundafléttunni“

57,5 milljónir dollara voru greiddar af bankareikningi Welling & Partners til aflandsfélagsins Marine Choice Limited, félags í eigu Ólafs Ólafssonar. Um svipað leyti voru 46,5 milljónir Bandaríkjadala greiddar af bankareikningi Welling & Partners til aflandsfélagsins Dekhill Advisors Limited sem einnig var skráð á Tortóla.


Kjartan Bjarni Björgvinsson á blaðamannafundi þegar skýrslan var kynnt. vísir/vilhelm

Risastóra spurningin sem á eftir að svara

Ekki liggja fyrir óyggjandi upplýsingar um raunverulega eigendur Dekhill Advisors en í viðtali við fréttastofu eftir að skýrsla rannsóknarnefndar kom út sagði Kjartan Bjarni Björgvinsson, formaður rannsóknarnefndarinnar að ein „risastór spurning“ stæði eftir nú þegar búið væri að skila skýrslunni.

„Hún er sú hverjir áttu aflandsfélagið Dekhill Advisors Ltd sem fær til sín rúmlega 46 milljón bandaríkjadala af þessum fjárhagslega ávinningi af viðskiptunum?“ sagði Kjartan.

Nefndinni tókst því ekki að upplýsa það til fulls með óyggjandi hætti hverjir væru eigendur félagsins. Leiddar voru þó líkur að því að Kaupþing eða aðilar tengdir Kaupþingi væru eigendur þess. Fréttablaðið reyndi ítrekað að bera það undir Lýð og Ágúst  hvort þeir væru raunverulegir eigendur Dekhill Advisors en án árangurs.

Sem fyrr segir er greint frá því bók Þórðar Snæs að starfsmenn skattrannsóknarstjóra telji að Lýður og Ágúst séu endanlegir eigendur félagsins. Voru þeir spurðir um félagið af rannsóknarnefndinni en svöruðu þeir til að þeim reki ekki minni til atriða sem því tengist.

Ágúst og Lýður voru aðaleigendur Exista sem var stærsti eiganda Kaupþings fyrir hrun.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIM
2,64
22
261.354
ICEAIR
1,56
9
81.326
REGINN
1,4
16
446.712
EIK
1
14
287.832
LEQ
1
2
1.000

Mesta lækkun dagsins


Félag
Br.%
Fjöldi
Velta*
VIS
-3,16
10
134.290
SJOVA
-2,45
5
162.100
MAREL
-1,97
18
936.827
SIMINN
-1,66
6
156.170
FESTI
-1,5
6
255.290
Velkomin á Vísi. Þessi vefur notar vafrakökur. Sjá nánar.