„Ég var að sýna þeim hvernig þú getur grætt miklu meira“ Tryggvi Páll Tryggvason skrifar 15. október 2018 10:45 Jóhannes Þór Skúlason og Þórarinn Ævarsson. Fréttabllaðið/Ernir „Ég er vinur ferðaþjónustunnar. Það sem ég var að gera á þessum fundi var að reyna leiðbeina þeim því þeir eru farnir villu vegar. Ég var að sýna þeim hvernig þú getur grætt miklu meira með því að lækka verðin og selja aðeins meira,“ segir Þórarinn Ævarsson, framkvæmdastjóri Ikea um ræðu sem hann hélt á landbúnaðarsýningu sem haldin var í Laugardalshöll um helgina Ummæli Þórarins hafa vakið mikla athygli og svo virðist sem að Samtök ferðaþjónustunnar séu ekki sátt við orð Þórarins.Þórarinn var gestur í Bítinu á Bylgjunni á morgun ásamt Jóhannesi Þór Skúlasyni, framkvæmdastjóra Samtaka ferðaþjónustunnar. Óhætt er að segja að þeir séu ekki á sama máli og kom Jóhannes Þór ferðaþjónustuaðilum til varnar vegna ræðu Þórarins.Ummælin í ræðu Þórarins sem vöktu mesta athygli sneru að þeirri skoðun hans að ferðaþjónustuaðilar væru að okra á ferðamönnum sem gerði það að verkum að þeir eyði minna hér á landi. Til þess að snúa þessari þróun við ættu ferðaþjónustuaðilar að fylgja fordæmi Ikea og reyna eftir fremsta megni að halda verðinu niðri og veitingamenn ættu að leggja áherslu á þjóðlegan mat.„Þeir stoppa og þeim er boðið upp á innflutta frosna köku með gervirjóma og uppáhelling og það kostar kannski tvö þúsund. Þetta er það sem fer algjörlega ofan í fólk,“ sagði Þórarinn. „Það er hægt að gera þetta miklu betur.“Gagnrýnendur Þórarins segja hann horfa framhjá þeirri gríðarlegu stærðarhagkvæmni sem verslun Ikea nýtur.Vísir/HANNAIkea ekki væntanlegt til Bolungarvíkur Gagnrýni Samtaka ferðaþjónustunnar á orð Þórarins snúa fyrst og fremst að því að það sé ósanngjarnt að að setja alla veitingastaði á Íslandi undir sama hatt. Það sé ekki sambærilegt að reka veitingahús í einni aðsóknarmestu verslun Íslands á höfuðborgarsvæðinu og að reka veitingastað á Stöðvarfirði.„Þú ert með lítinn veitingastað sem þú þarft að reka allt árið. Nota hann til þess að geta búið á staðnum, til þess að geta haldið uppi fjölskyldunni en ert ekki með ferðamannastraum nema fjóra mánuði á ári. Þá þarf að ná inn veltunni fyrir allt árið á þessum fjórum mánuðum. Þá er það spurning hvernig það er gert. Ef það er hægt að lækka verð og fá inn fleiri þá er það náttúrulega frábært. Það er ekkert hægt á öllum stöðum,“ sagði Jóhannes Þór.Væri verðið það sama í Ikea í Garðabæ og í Bolungarvík var Þórarinn þá spurður af þáttastjórnendum.„Það náttúrulega yrði aldrei Ikea á Bolungarvík,“ svaraði Þórarinn. Greip þá Jóhannes Þór orðið.„Þetta er nákvæmlega málið. Það er það sem ég er að segja, það eru aðrar rekstraraðstæður,“ svaraði Jóhannes Þór.Fjöldi ferðamanna hér á landi hefur aukist gríðarlega undanfarin árVísir/VilhelmVar fyrst og fremst að tala um vinsælustu ferðamannastaðina Í þættinum tók Þórarinn hins vegar fram að þrátt fyrir að hann hafi verið að predika yfir bændum á landbúnaðarsýningu, sem margir hverjir reka litlar bændagistingar, hafi orð hans ekki beinst að þeim sem eru að reka litla veitingastaði út á landi. Hann hafi helst verið að beina sjónum sínum að vinsælum ferðamannastöðum á landsbyggðinni sem heimsóttir eru af gríðarlega mörgum ferðamönnum á ársgrundvelli, sambærilegum fjölda og heimsæki Ikea á ári hverju, um milljón manns. „Farið á Mývatn, farið á Gullfoss og Geysi. Af hverju eru þessir staðir ekki mikið mikið ódýrari því að þeir sannarlega gætu gert það?“ spurði Þórarinn. Síðar í þættinum kom hann aftur inn á þennan punkt. „Það er enginn munur á ferðamannastöðunum þar sem hundruð þúsunda koma á hverju ári og litlu stöðunum. Það er enginn verðmunur á Gullfoss og Geysi, á Mývatni eða í Djúpavogi.“ Því ættu þeir sem reki veitingastaði og aðra þjónustu á vinsælustu ferðamannastöðunum hæglega að geta fylgt fordæmi Ikea og lækkað verð á vörum sínum til þess að fá bæði ánægðari og fleiri viðskiptavini.Innslagið í Bítinu þar sem rætt var við Þórarinn og Jóhannes Þór má heyra hér fyrir neðan. Ferðamennska á Íslandi Neytendur Tengdar fréttir Ferðaþjónustan upp á kant við IKEA Bjarnheiður Hallsdóttir, formaður Samtaka ferðaþjónustunnar, er ekki sátt við Þórarinn Ævarsson, framkvæmdastjóra IKEA og ummæli hans um ferðaþjónustuaðila. 14. október 2018 17:56 Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Fóru í fyrsta flugið milli Calgary og Keflavíkurflugvallar Viðskipti innlent Hnífjöfn atkvæðagreiðsla sem gæti endað fyrir dómi Viðskipti innlent Segir að Play sé og verði áfram með höfuðstöðvar á Íslandi Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrsta flugi Icelandair til Pittsburgh fagnað Viðskipti Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira
„Ég er vinur ferðaþjónustunnar. Það sem ég var að gera á þessum fundi var að reyna leiðbeina þeim því þeir eru farnir villu vegar. Ég var að sýna þeim hvernig þú getur grætt miklu meira með því að lækka verðin og selja aðeins meira,“ segir Þórarinn Ævarsson, framkvæmdastjóri Ikea um ræðu sem hann hélt á landbúnaðarsýningu sem haldin var í Laugardalshöll um helgina Ummæli Þórarins hafa vakið mikla athygli og svo virðist sem að Samtök ferðaþjónustunnar séu ekki sátt við orð Þórarins.Þórarinn var gestur í Bítinu á Bylgjunni á morgun ásamt Jóhannesi Þór Skúlasyni, framkvæmdastjóra Samtaka ferðaþjónustunnar. Óhætt er að segja að þeir séu ekki á sama máli og kom Jóhannes Þór ferðaþjónustuaðilum til varnar vegna ræðu Þórarins.Ummælin í ræðu Þórarins sem vöktu mesta athygli sneru að þeirri skoðun hans að ferðaþjónustuaðilar væru að okra á ferðamönnum sem gerði það að verkum að þeir eyði minna hér á landi. Til þess að snúa þessari þróun við ættu ferðaþjónustuaðilar að fylgja fordæmi Ikea og reyna eftir fremsta megni að halda verðinu niðri og veitingamenn ættu að leggja áherslu á þjóðlegan mat.„Þeir stoppa og þeim er boðið upp á innflutta frosna köku með gervirjóma og uppáhelling og það kostar kannski tvö þúsund. Þetta er það sem fer algjörlega ofan í fólk,“ sagði Þórarinn. „Það er hægt að gera þetta miklu betur.“Gagnrýnendur Þórarins segja hann horfa framhjá þeirri gríðarlegu stærðarhagkvæmni sem verslun Ikea nýtur.Vísir/HANNAIkea ekki væntanlegt til Bolungarvíkur Gagnrýni Samtaka ferðaþjónustunnar á orð Þórarins snúa fyrst og fremst að því að það sé ósanngjarnt að að setja alla veitingastaði á Íslandi undir sama hatt. Það sé ekki sambærilegt að reka veitingahús í einni aðsóknarmestu verslun Íslands á höfuðborgarsvæðinu og að reka veitingastað á Stöðvarfirði.„Þú ert með lítinn veitingastað sem þú þarft að reka allt árið. Nota hann til þess að geta búið á staðnum, til þess að geta haldið uppi fjölskyldunni en ert ekki með ferðamannastraum nema fjóra mánuði á ári. Þá þarf að ná inn veltunni fyrir allt árið á þessum fjórum mánuðum. Þá er það spurning hvernig það er gert. Ef það er hægt að lækka verð og fá inn fleiri þá er það náttúrulega frábært. Það er ekkert hægt á öllum stöðum,“ sagði Jóhannes Þór.Væri verðið það sama í Ikea í Garðabæ og í Bolungarvík var Þórarinn þá spurður af þáttastjórnendum.„Það náttúrulega yrði aldrei Ikea á Bolungarvík,“ svaraði Þórarinn. Greip þá Jóhannes Þór orðið.„Þetta er nákvæmlega málið. Það er það sem ég er að segja, það eru aðrar rekstraraðstæður,“ svaraði Jóhannes Þór.Fjöldi ferðamanna hér á landi hefur aukist gríðarlega undanfarin árVísir/VilhelmVar fyrst og fremst að tala um vinsælustu ferðamannastaðina Í þættinum tók Þórarinn hins vegar fram að þrátt fyrir að hann hafi verið að predika yfir bændum á landbúnaðarsýningu, sem margir hverjir reka litlar bændagistingar, hafi orð hans ekki beinst að þeim sem eru að reka litla veitingastaði út á landi. Hann hafi helst verið að beina sjónum sínum að vinsælum ferðamannastöðum á landsbyggðinni sem heimsóttir eru af gríðarlega mörgum ferðamönnum á ársgrundvelli, sambærilegum fjölda og heimsæki Ikea á ári hverju, um milljón manns. „Farið á Mývatn, farið á Gullfoss og Geysi. Af hverju eru þessir staðir ekki mikið mikið ódýrari því að þeir sannarlega gætu gert það?“ spurði Þórarinn. Síðar í þættinum kom hann aftur inn á þennan punkt. „Það er enginn munur á ferðamannastöðunum þar sem hundruð þúsunda koma á hverju ári og litlu stöðunum. Það er enginn verðmunur á Gullfoss og Geysi, á Mývatni eða í Djúpavogi.“ Því ættu þeir sem reki veitingastaði og aðra þjónustu á vinsælustu ferðamannastöðunum hæglega að geta fylgt fordæmi Ikea og lækkað verð á vörum sínum til þess að fá bæði ánægðari og fleiri viðskiptavini.Innslagið í Bítinu þar sem rætt var við Þórarinn og Jóhannes Þór má heyra hér fyrir neðan.
Ferðamennska á Íslandi Neytendur Tengdar fréttir Ferðaþjónustan upp á kant við IKEA Bjarnheiður Hallsdóttir, formaður Samtaka ferðaþjónustunnar, er ekki sátt við Þórarinn Ævarsson, framkvæmdastjóra IKEA og ummæli hans um ferðaþjónustuaðila. 14. október 2018 17:56 Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Fóru í fyrsta flugið milli Calgary og Keflavíkurflugvallar Viðskipti innlent Hnífjöfn atkvæðagreiðsla sem gæti endað fyrir dómi Viðskipti innlent Segir að Play sé og verði áfram með höfuðstöðvar á Íslandi Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrsta flugi Icelandair til Pittsburgh fagnað Viðskipti Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira
Ferðaþjónustan upp á kant við IKEA Bjarnheiður Hallsdóttir, formaður Samtaka ferðaþjónustunnar, er ekki sátt við Þórarinn Ævarsson, framkvæmdastjóra IKEA og ummæli hans um ferðaþjónustuaðila. 14. október 2018 17:56