Zlatan ekki viss um framtíð sína hjá Galaxy

Zlatan Ibrahimovic er ekki búinn að ákveða hvort hann taki annað tímabil með LA Galaxy í bandarísku MLS deildinni.

Ibrahimovic hefur átt frábært fyrsta tímabil í Los Angeles, skorað 17 mörk í 22 leikjum.

Hann er samningsbundinn félaginu út næsta ár en hinn 36 ára gamli Zlatan er tilbúinn til þess að ákveða hvort hann ætli að klára samninginn.

„Ég veit það ekki, ég þarf að ræða þetta,“ sagði Svíinn við Los Angeles Times.

„Þetta er ekki augnablikið til þess að ræða þetta. Ég ræði þetta við félagið, hvað þeir vilja og hvað ég vil. Við sjáum til.“

LA Galaxy hefur ekki unnið síðustu sjö leiki sína í deildinni og er í harðri baráttu um sæti í úrslitakeppni Austurdeildarinnar.