Viðskipti erlent

Forstjóri Danske Bank hættir: Telja að 200 milljarðar evra hafi flætt í gegnum lítið útibú í Eistlandi

Tryggvi Páll Tryggvason skrifar
Thomas Borgen, forstjóri bankans, til hægri.
Thomas Borgen, forstjóri bankans, til hægri. Vísir/Getty

Tomas Borgen, forstjóri Danske Bank, hefur tilkynnt að hann muni segja af sér sem forstjóri bankans. Útlit er fyrir að 200 milljarðar evra, því sem nemur 25 þúsund milljörðum íslenskra króna, hafi flætt í gegnum lítið útibú bankans í Eistlandi.

Bankinn hefur á undanförnum mánuðum orðið miðpunktur risastórs peningaþvættismáls sem er til rannsóknar yfirvalda í Eistlandi og í Danmörku. Bankinn kynnti í dag niðurstöður eigin rannsóknar vegna málsins. Í henni kom fram að bankanum hafi ekki tekist að ná utan um hversu mikið af fjármunumum sem streymdi í gegnum útibúið í Eistlandi hafi verið hluti af ólöglegu peningaþvætti.

Þó sé ljóst að 200 milljarðar evra, um fimmtán hundruð milljarðar danskra króna, hafi streymt í gegnum útibúið í Eistlandi á árunum 2007 til 2015 en lögmaður bankans sagði á blaðamannafundi þar sem skýrslan var kynnt í morgun að stór hluti þeirrar upphæðar sé talinn tengjast peningaþvætti. Í frétt Bloomberg segir að upphæðin sé jafngildi nífaldrar landsframleiðslu Eistlands á síðasta ári.
 

Virði hluta í Danske Bank hefur hríðfallið vegna málsins. Vísir/Getty

Átta starfsmenn tilkynntir til lögreglu

Bankinn segist hafa rannsakað peningafærslur fimmtán þúsund viðskiptavina útibúsins í Eistlandi. Gögn um viðskiptavinina og færslur hafi verið afhentar yfirvöldum.

Í yfirlýsingu segir Borgen að hann hafi sýnt af sér ábyrgðarleysi og vilji axla ábyrgð með því að segja af sér sem forstjóri bankans. Hann muni þó starfa áfram þar til eftirmaður hans verði fundinn. Þá hefur bankinn ákveðið að leggja 1,5 milljarð danskra króna, 25 milljarða íslenskra króna, í sérstakan sjóð sem ætlaður sé að berjast gegn alþjóðlegum efnahagsglæpum, þar með talið peningaþvætti.

Þá hefur bankinn tilkynnt átta starfsmenn bankans til lögreglu vegna málsins auk þess sem að búast má við að bankanum verði gert að greiða háa sekt vegna málsins. Hlutabréf í bankanum hafa fallið talsvert vegna málsins og þá hafa hátt í 30 þúsund viðskiptavinir hætt viðskiptum við hann.

Upphaf málsins má rekja til rússneska lögmannsins Sergei Magnitsky en um miðjan síðasta áratug sýndi hann fram á það að rússneskir embættis- og glæpamenn stunduðu það að stela skattfé og koma því undan með því að brúka evrópska banka.

Talið er að brotin hafi staðið yfir frá 2007 til 2015 og að fé frá löndum á borð við Rússland, Moldóvu og Aserbaídsjan hafi farið skítugt inn í eistneska dótturfélagið en komið þaðan hreint út.

Hér má nálgast beina lýsingu DR frá blaðamannafundi bankans.


Tengdar fréttir

Peningaþvætti Danske Bank til saksóknara

Talið er að eistneskt dótturfyrirtæki Danske Bank hafi verið notað til að þvætta illa fengið fé rússneskra embættismanna. Áætlað er að um 53 milljarðar danskra króna hafi farið í gegnum bankann.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.