Hörður Björgvin meiddist í öruggum sigri CSKA

Landsliðsmaðurinn, Hörður Björgvin Magnússon meiddist í sigri CSKA Moskvu á Ural í rússnesku úrvalsdeildinni í dag.



Hörður var í byrjunarliði CSKA er liðið mætti Ural á heimavelli.



Hörður þurfti að yfirgefa völlinn á 22. mínútu leiksins eftir að hafa orðið fyrir meiðslum.



CSKA sigraði leikinn örugglega, 4-0.



Óljóst er eins og er hversu alvarleg meiðsli Harðar er, og hversu lengi hann verður frá vegna þeirra.



Hörður er í leikmannahópi Íslands sem mætir Sviss og Belgíu í Þjóðardeildinni sem fara fram nú í september en gæti þurft að draga sig út úr hópnum.