Þýsku meistararnir ekki í vandræðum með Stuttgart

Bayern München lenti ekki í miklum vandræðum með VfB Stuttgart í þýsku úrvalsdeildinni í dag en þýsku meistararnir unnu 3-0 sigur.

Leon Goretzka kom Bayern yfir á 37. mínútu og staðan var 1-0 er liðin gengu til búningsherbergja. Bayern með tögl og haldir á leiknum.

Eftir rétt rúma klukkustund tvöfaldaði Robert Lewandowski forystuna fyrir Bayern og Thomas Muller skoraði þriðja og síðasta markið á 76. mínútu.

Bayern hafði einnig betur gegn Hoffenheim í fyrstu umferðinni og er því með sex stig eftir fyrstu tvo leikina en Stuttgart er án stiga.