Glódís vann Ingibjörgu og Guðbjörgu í Íslendingaslag

Það var Íslendingaslagur í sænsku úrvalsdeildinni í dag er Glódís Perla Viggósdóttur og liðsfélagar hennar í Rosengard unnu Guðbjörgu Gunnarsdóttur og Ingibjörgu Sigurðardóttur og liðsfélaga þeirra í Djurgarden, 2-0.



Íslensku stelpurnar þrjár voru allar í byrjunarliðunu og spiluðu allan leikinn.



Með sigrinum eru Glódís og félagar aðeins einu stigi á eftir toppliði Gautaborg en Pitea fylgir svo fast eftir.



Ingibjörg og Guðbjörg eru í harðri botnbaráttu en Djurgarden er þremur stigum frá fallsæti.