Hundruð milljóna króna tap á rekstri Morgunblaðsins
Eigandi útgáfufélags Morgunblaðsins, Þórsmörk ehf., tapaði um 267 milljónum króna á síðasta ári. Kjarninn greinir frá og vísar í ársreikning Hlyns A ehf. sem er stærsti eigandi útgáfufélagsins.
Þórsmörk ehf. á eina eign sem er Árvakur, útgáfufélag Morgunblaðsins. Árvakur rekur auk Morgunblaðsins vefmiðilinn mbl.is, Eddu-útgáfu og útvarpsstöðina K100. Árvakur tapaði tæplega 50 milljónum króna árið 2016 en hvorki Árvakur né Þórsmörk hafa skilað ársreikningi fyrir árið 2017.
Hlynur A er í eigu Guðbjargar Matthíasdóttur, aðaleiganda Ísfélags Vestmannaeyja.
Tengdar fréttir
Árvakur og 365 kaupa Póstmiðstöðina
Kaupverðið er ekki gefið upp en samningurinn er háður samþykki Samkeppniseftirlits.
„Það er ekkert leyndarmál hvar ég tengist“
Eyþór er ennþá hluthafi í Árvakri.
Kaupfélag Skagfirðinga kaupir í Árvakri
Félagið Íslenskar sjávarafurðir, sem er í eigu Kaupfélags Skagfirðinga, hefur bætt við hlut sinn í Árvakri, útgefanda Morgunblaðsins. Félagið á nú 14,15 prósenta hlut í einkahlutafélaginu Þórsmörk, sem er eigandi Árvakurs, en átti áður rúmlega níu prósenta hlut. Félagið er þriðji stærsti eigandi Þórsmerkur.
