Fótbolti

Viðar Örn samdi við Rostov

Ástrós Ýr Eggertsdóttir skrifar
Viðar Örn hefur verið iðinn við markaskorun í Ísrael
Viðar Örn hefur verið iðinn við markaskorun í Ísrael vísir/afp
Íslendingarnir í liði Rostov eru orðnir fjórir. Framherjinn Viðar Örn Kjartansson skrifaði undir samning hjá liðinu í dag.

Viðar hittir þar fyrir Björn Bergmann Sigurðarson, Ragnar Sigurðsson og Sverri Inga Ingason.

Selfyssingurinn kemur frá ísraelska félaginu Maccabi Tel Aviv þar sem hann hefur verið síðustu tvö ár. Hann hefur einnig spilað í Kína, Svíþjóð og Noregi á ferli sínum sem og með Fylki á Íslandi.

Hann gerir fjögurra ára samning við rússneska félagið.

Erik Hamrén valdi Viðar í fyrsta landsliðshóp sinn fyrir komandi leiki gegn Belgíu og Sviss í Þjóðadeildinni.





Fótbolti

Mest lesið


Fleiri fréttir

Sjá meira


×

Mest lesið