Segja lið Guðlaugs Victors hafa áhuga á því að kaupa Bendtner

Danski framherjinn Nicklas Bendtner gæti verið á leiðinni í svissnesku úrvalsdeildina en hann myndi samt vera áfram með íslenskan liðsfélaga.

Svissneska blaðið Blick segir að svissneska úrvalsdeildarliðið FC Zürich hafi áhuga að kaupa Nicklas Bendtner frá Rosenborg.

Nicklas Bendtner hefur verið liðsfélagi Matthíasar Vilhjálmssonar hjá Rosenborg undanfarin tvö tímabil.

Umboðsmaður Nicklas Bendtner er sagði í frétt svissneska blaðsins vera í sambandi við FC Zürich.

Guðlaugur Victor Pálsson er kominn aftur í íslenska landsliðið en hann hefur verið fyrirliði FC Zürich það sem af er þessu tímabili.

FC Zürich seldi tvo framherja á dögunum, Raphael Dwamena til Levante og Michi Frey til Fenerbahce, og er því að leita sér að öflugum framherja.

Nicklas Bendtner er með 5 mörk í 18 leikjum í norsku deildinni á þessu tímabili en var með 19 mörk í 29 deildarleikjum í fyrra.