Fyrsta tap Íslendinganna í Rostov

Íslendingaliðið Rostov tapaði sínum fyrsta leik í rússnesku úrvalsdeildinni á tímabilinu þegar Krylya Sovetov Samara kom í heimsókn í kvöld.

Ragnar Sigurðsson, Björn Bergmann Sigurðarson og Sverrir Ingi Ingason spiluðu allir allan leikinn fyrir Rostov í kvöld.

Eina mark leiksins kom í uppbótartíma fyrri hálfleiks, Alexander Sobolev skoraði stórglæsilegt mark eftir frábært einstaklingsframtak, óverjandi fyrir markvörð Rostov.

Rostov hafði unnið báða leiki sína í deildinni til þessa en missti af sínum fyrstu stigum í kvöld.