Huawei siglir fram úr Apple
Kínverski raftækjarisinn Huawei er orðinn næststærsti snjallsímaframleiðandi heims og hefur þar með tekið fram úr Apple.
Þetta kemur fram í gögnum greiningarfyrirtækja sem ýmsir erlendir miðlar greina frá.
Vöxt Huawei má að mestu rekja til vinnu fyrirtækisins á evrópskum snjallsímamarkaði og aukins forskots heima í Kína.
Samkvæmt bæði IHS og Strategy Analytics hefur Huawei nú rúmlega 15 prósenta markaðshlutdeild, Apple rúmlega tólf prósent og Samsung nærri tuttugu prósent.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
