Umfangsmikill brottflutningur eftir mannskæðan jarðskjálfta

Að minnsta kosti 91 manns eru látnir eftir jarðskjálfta á sumarfríseyjunni Lombok í Indonesíu i gær. Brýr féllu og hús voru jöfnuð við jörðu. Um það bil 10.000 manns hafa verið brottfluttir af eyjunni.

Sjá einnig: Tugir látnir eftir skjálfta á Indonesíu

Lombok er vinsæll staður meðal ferðamanna og er eyjan í nágrenni við hina frægu túristaeyju Bali. Jarðskjálftinn náði til Bali en var þó ekki mannskæður.

Fyrirsætan Crissy Teigen er í fríi á Bali og segir á Twitter síðu sinni að hún hafi fundið fyrir um það bil 8 eftirskjálftum eftir stærsta skjálftann. Einnig ítrekar hún það að hún sé örugg og hugsi hlýlega til fólksins í Lombok.

another aftershock just now. probably the 8th one we have felt since the big one last night. we are safe, up high and nothing around us. thinking about everyone around us and in Lombok especially.

— christine teigen (@chrissyteigen) August 6, 2018

Í síðustu viku var jarðskjálfti á eyjunni sem leyddi til þess að 16 manns létu lífið. Jarðskjálftinn í gær var þó töluvert kraftmeiri.

Talið er að um meira mannfall sé að ræða vegna skjálftans og munu fréttir berast af því eftir því sem líður á daginn.