Körfubolti

Ágreiningur leystur og Sigtryggur Arnar skrifar undir hjá Grindavík

Ástrós Ýr Eggertsdóttir skrifar
Sigtryggur Arnar Björnsson hefur verið viðloðandi íslenska landsliðið síðustu misseri
Sigtryggur Arnar Björnsson hefur verið viðloðandi íslenska landsliðið síðustu misseri Vísir/Eyþór
Sigtryggur Arnar Björnsson mun skrifa undir samning við Grindavík í kvöld. Hann staðfesti þetta við mbl.is í dag.

Vísir greindi frá því í gær að Sigtryggur Arnar, sem var einn besti leikmaður Domino's deildarinnar á síðasta tímabili og var valinn í úrvalslið deildarinnar, væri í samningaviðræðum við Grindvíkinga þrátt fyrir að Tindastóll teldi leikmanninn samningsbundinn sér.

Samkvæmt heimildum íþróttadeildar leystu félögin ágreininginn sín á milli.

Sigtryggur Arnar sagði í samtali við mbl.is að breytingar á liði Tindastóls hafi átt stóran þátt í ákvörðun hans að yfirgefa félagið en hann var einn lykilmanna liðsins sem tryggði sér sinn fyrsta titil á síðasta tímabili þegar liðið varð bikarmeistari.


Tengdar fréttir

Sigtryggur Arnar kvaddi stuðningsmenn Tindastóls

Sigtryggur Arnar Björnsson staðfesti í kvöld að hann væri á förum frá bikarmeisturum Tindastóls. Hann kvaddi stuðningsmenn félagsins með færslu á samfélagsmiðlum.




Fleiri fréttir

Sjá meira


×