Viðskipti innlent

Kvika tekur ekki starfsmannaleiguna og verktakastarfsemina

Þorbjörn Þórðarson skrifar
Ármann Þorvaldsson forstjóri Kviku banka.
Ármann Þorvaldsson forstjóri Kviku banka.

Meðal þeirra eigna sem eru undanskildar í yfirtöku Kviku banka á Gamma eru Elja þjónustumiðstöð atvinnulífsins ehf. og Domus eignir slhf. og eignir sem tengjast verktakastarfsemi.

Elja er starfsmannaleiga og í Domus eignum eru ýmsar fasteignir sem tengjast rekstri starfsmannaleigunnar.

Eins og greint var frá fyrr í dag hefur verið undirrituð viljayfirlýsing um kaup Kviku banka á öllu hlutafé Gamma fyrir 3.750 milljónir króna. Greiðsla kaupverðsins skiptist þannig að Kvika banki greiðir hluthöfum Gamma 1.057 milljónir króna með reiðufé, 1.443 milljónir króna í formi árangurstengdrar greiðslu og afgangurinn greiðist með hlutabréfum í Kviku banka.

Í sameiginlegri yfirlýsingu Kviku og Gamma vegna viðskiptanna segir að núverandi hluthafar Gamma muni kaupa „tilteknar eignir af félaginu“ sem verði undanskildar í viðskiptunum. Samkvæmt upplýsingum fréttastofunnar eru þessar eignir starfsmannaleigan Elja þjónustumiðstöð atvinnulífsins ehf. og Domus eignir slhf. og eignir sem tengjast verktakastarfsemi.

Arnar Hauksson, bróðir Gísla Haukssonar annars stofnenda Gamma, hefur stýrt starfsmannaleigunni Elju. Gísli hætti sem forstjóri Gamma í mars á þessu ári en hann á rúmlega 33 prósenta hlut í félaginu.

Gísli lét að störfum að eigin ósk en áður en hann hætti hjá Gamma kom upp ágreiningur meðal hluthafa Gamma vegna misheppnaðrar útrásar fyrirtækisins og mikils rekstrarkostnaðar sem var kominn algjörlega úr böndunum. Rekstrarkostnaður annar en laun nam 842 milljónum króna hjá Gamma í fyrra og jókst um 300 milljónir króna milli ára.

Fréttastofan ræddi við Ármann Þorvaldsson forstjóra Kviku banka fyrr í dag um yfirtökuna á Gamma.

Þegar Gamma hóf rekstur starfsmannaleigu vakti það nokkra athygli þar sem um er að ræða starfsemi er algjörlega óskyld kjarnastarfsemi Gamma á fjármálamarkaði en félagið er í grunninn rekstarfélag sjóða.

Sjóðir Gamma eru meðal stærstu fyrirtækjaskuldabréfasjóða á Íslandi og stærstu fjárfestar á íslenskum fasteignamarkaði. Sjóðirnir fjárfesta einnig í hlutabréfum, ríkisskuldabréfum, innlánum og fleiru, auk þess sem félagið hóf nýlega rekstur sjóða um erlendar fjárfestingar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIM
2,64
22
261.354
ICEAIR
1,56
9
81.326
REGINN
1,4
16
446.712
EIK
1
14
287.832
LEQ
1
2
1.000

Mesta lækkun dagsins


Félag
Br.%
Fjöldi
Velta*
VIS
-3,16
10
134.290
SJOVA
-2,45
5
162.100
MAREL
-1,97
18
936.827
SIMINN
-1,66
6
156.170
FESTI
-1,5
6
255.290
Velkomin á Vísi. Þessi vefur notar vafrakökur. Sjá nánar.