Guðmundur búinn að velja þá sem fara með til Litháen: Aron ekki með

Guðmundur Guðmundsson tilkynnti í dag sextán manna leikmannahóp sinn fyrir umspilsleiki á móti Litháen en í boði er sæti á HM í Danmörku og Þýskalandi sem fer fram í byrjun næsta árs.

Aron Rafn Eðvarðsson, markvörður Íslandsmeistara ÍBV, er ekki með í hópnum en hann er meiddur. Aron Rafn var heldur ekki með í apríl vegna meiðsla.

Landsliðsfyrirliðinn Guðjón Valur Sigurðsson kemur aftur inn í landsliðið eftir að hafa fengið frí í apríl og tekur hann sætið af Bjarka Má Elíssyni.

Fyrri leikurinn er út í Litháen og fer fram á föstudagskvöldið en seinni leikurinn er í Laugardalshöllinni í næstu viku. Það lið sem hefur betur í þessum tveimur leikjum spilar á HM 2019.

Þetta eru fyrstu keppnisleikir íslenska landsliðsins eftir að Guðmundur tók við liðinu á nýjan leik en liðið tók þátt í æfingamóti í Noregi í apríl og spilaði þá þrjá leiki.

Guðmundur valdi 30 mann æfingahóp um miðjan maí en hefur nú skorið hann niður um fjórtán leikmenn.

Sjáðu blaðamannafundinn:

Fjórir leikmenn í hópnum voru ekki með í æfingamótinu í Noregi en það eru þeir Guðjón Valur Sigurðsson, Ágúst Elí Björgvinsson, Ólafur Guðmundsson og Ólafur Gústafsson. Ólafarnir duttu báðir út vegna meiðsla en voru valdir.

Guðmundur valdi marga unga leikmenn í apríl en aðeins einn þeirra náði að vinna sér sæti í liðinu með frammistöðu sinni þar og það var Selfyssingurinn Elvar Örn Jónsson. Elvar Örn var einmitt kosinn leikmaður ársins á dögunum.

Viktor Gísli Hallgrímsson, Gísli Þorgeir Kristjánsson, Haukur Þrastarson, Teitur Örn Einarsson og Alexander Örn Júlíusson detta sem dæmi allir út.

Sex leikmenn í hópnum voru ekki á EM í Króatíu en það eru Stefán Rafn Sigurmannsson, Daníel Þór Ingason, Ólafur Gústafsson, Elvar Örn Jónsson, Ragnar Jóhannsson og Vignir Svavarsson. Það hefur því orðið talsvert breyting á liðinu.

Þeir sem voru á EM eru ekki með nú eru þeir Kári Kristjánsson, Ásgeir Örn Hallgrímsson, Arnór Atlason, Bjarki Már Elísson, Ýmir Örn Gíslason og Bjarki Már Gunnarsson.

Leikmannahópinn má sjá hér fyrir neðan:

Markverðir

Ágúst Elí Björgvinsson, FH

Björgvin Páll Gústavsson, Haukar

Vinstra hornmenn

Guðjón Valur Sigurðsson, Rhein-Neckar Löwen

Stefán Rafn Sigurmannsson, Pick Szeged

Vinstri skyttur

Aron Pálmarsson, Barcelona

Daníel Þór Ingason, Haukar

Ólafur Guðmundsson, IFK Kristianstad

Ólafur Gústafsson, KIF Kolding København

Miðjumenn

Elvar Örn Jónsson, Selfoss

Janus Daði Smárason, Aalborg Håndbold

Hægri skyttur

Ómar Ingi Magnússon, Aarhus Håndbol

Ragnar Jóhannsson, TV 05/07 Huttenberg

Rúnar Kárason, TSV Hannover-Burgdorf

Hægri hornamenn

Arnór Þór Gunnarsson, Bergischer HC

Línumenn

Arnar Freyr Arnarsson, IFK Kristianstad

Vignir Svavarsson, HC Midtjylland

Leikmennirnir fjórtán sem duttu út úr hópnum voru:

Alexander Örn Júlíusson, Valur

Arnar Birkir Hálfdánsson, Fram

Aron Rafn Eðvarðsson, ÍBV

Bjarki Már Elísson, Fuchse Berlin

Einar Sverrisson, Selfoss

Gísli Þorgeir Kristjánsson, FH

Haukur Þrastarson, Selfoss

Óðinn Þór Ríkharðsson, FH

Ólafur Bjarki Ragnarsson, West Wien

Teitur Einarsson, Selfoss

Theodór Sigurbjörnsson, ÍBV

Vignir Stefánsson, Valur

Viktor Gísli Hallgrímsson, Fram

Ýmir Örn Gíslason, Valur