Hafliði nýr upplýsingafulltrúi dómsmálaráðuneytisins

Hafliði Helgason hefur verið ráðinn upplýsingafulltrúi dómsmálaráðuneytisins. Starfið var auglýst í mars og svo á nýjan leik í apríl en greint er frá ráðningunni á vef ráðuneytisins. 

Hafliði hefur að undanförnu starfað sem framkvæmdastjóri Hringbrautar, en á að baki langan feril við fréttamennsku og almannatengsl, m.a. hjá Fréttablaðinu og Framtakssjóði Íslands. Hann hefur MBA gráðu frá Háskólanum í Reykjavík, auk menntunar í blaðamennsku og hugvísindum. Hann kemur til starfa í ráðuneytinu í byrjun ágúst næstkomandi.