Stóra stundin rennur upp Hjörvar Ólafsson skrifar 24. maí 2018 08:00 Sara Björk átti stóran þátt í því að tryggja Wolfsburg í úrslitaleikinn. vísir/getty Sara Björk Gunnarsdóttir, landsliðsfyrirliði í knattspyrnu, og liðsfélagar hennar hjá Wolfsburg munu í dag mæta Lyon í úrslitaleik Meistaradeildar Evrópu, en leikurinn fer fram í Kiev í Úkraínu. Wolfsburg getur fullkomnað þrennuna með sigri í þessum leik, en liðið hefur nú þegar tryggt sér þýska meistaratitilinn og um síðustu helgi varð liðið bikarmeistari eftir sigur gegn Bayern München í bikarúrslitaleik þar sem vítaspyrnukeppni þurfti til þess að útkljá úrslitin. Sara Björk sem verður að öllum líkindum fyrsti íslenski leikmaðurinn til þess að spila í úrslitaleik Meistaradeildar Evrópu í knattspyrnu hefur svo sannarlega lagt sín lóð á vogarskálina til þess að koma liðinu í úrslitaleikinn. Hún hefur skorað sex mörk fyrir Wolfsburg til þessa í keppninni og þykir það býsna gott í ljósi þess að hún spilar alla jafna í hlutverki djúps miðjumanns. „Ég finn vel fyrir því hversu stór leikur þetta og það er mikill fiðringur í mér fyrir þessum leik. Þetta er klárlega stærsti leikurinn á ferli mínum og mig hefur dreymt um að spila þennan leik síðan ég var lítil stúlka. Það er hálf óraunverulegt að það sé að koma að þessu, en þegar út á völlinn er komið er þetta bara fótbolti og ég má ekki gleyma því að njóta þessarar stóru stundar,“ segir Sara Björk í samtali við Fréttablaðið. Wolfsburg fær tækifæri til þess að vinna keppnina í þriðja skipti í sögu félagsins, en liðið bar sigur úr býtum í keppninni árin 2013 og 2014. Wolfsburg á harma að hefna gegn Lyon, en síðustu tvö ár hefur franska liðið haft betur gegn Wolfsburg á mismunandi stigum keppninnar. Lyon hafði betur eftir vítaspyrnukeppni í úrslitaleik fyrir tveimur árum og sló svo þýska liðið út í átta liða úrslitum keppninnar síðasta vor. „Ég tel að við séum með sterkara lið en á síðasta tímabili og séum betur í stakk búnar til þess að hafa betur en Lyon að þessu sinni. Leikir liðanna undanfarin ár hafa verið jafnir og ég held að það verði sama uppi á teningnum að þessu sinni. Það eru fjölmargir góðir leikmenn í báðum liðum og ég held að það verði hátt tempó í leiknum og hann verði mjög skemmtilegur. Vonandi fer hann á þann hátt sem við óskum okkur,“ segir Sara Björk aðspurð að því hvernig hún búist við því að leikurinn þróist. Wolfsburg mun líklega leggja áherslu á að koma þýsku landsliðskonunni Alexöndru Popp og dönsku landsliðskonunni Pernille Harder eins mikið inn í leikinn og mögulegt er. Pernille hefur skorað sjö mörk í jafn mörgum leikjum í keppninni og þar að auki lagt upp sex mörk fyrir samherja sína. Alexandra hefur átt jafn margar stoðsendingar og Pernille og skorað fjögur mörk sjálf. Wolfsburg mun að öllum líkindum leggja ríka áherslu á það á liðsfundi sínum hvernig mögulegt er að Ada Hegerberg og Carmille Abily komist í takt við leikinn. Þá þarf Wolfsburg að finna leiðir til þess að komast framhjá Wendie Renard, hinum sterka varnarmanni Lyon. „Ég finn vel fyrir því hversu mikill áhugi er heima fyrir leiknum og vinir mínir og fjölskylda munu vera límd við skjárinn síðdegis í dag. Það kemur svo nokkuð stór hópur frá Wolfsburg til þess að styðja okkur á leiknum. Spennan mun magnast eftir því sem nær dregur að leiknum og það verður mjög gaman að taka þátt í þessum leik og ég er stolt að því að vera fulltrúi Íslands á þessu stóra sviði. Það er mikilvægt fyrir unga leikmenn að sjá að þetta sé hægt,“ segir Sara Björk um stemminguna í kringum leikinn. Hann hefst klukkan 16.00 og það er vonandi að um sexleytið verði Sara Björk fyrsta íslenska konan til að lyfta Meistaradeildarbikarnum. Birtist í Fréttablaðinu Mest lesið Íslensk hetja sendi Bergen upp í sjöunda himinn: Ein bestu kaup félagsins Fótbolti Stólarnir fastir í München Körfubolti Sjáðu mark Hákonar og vítavörslurnar þrjár Fótbolti „Heimskulegt og asnalegt hjá mér“ Golf Semenya hættir baráttu sinni Sport Breiðablik - Víkingur | Tryggja Blikakonur titilinn í þriðju tilraun? Íslenski boltinn Sláandi xG tölfræði hjá Manchester United Enski boltinn Bjóða upp á Frank Booker-árskort Körfubolti Afar ólík viðbrögð hjá Hlyni Bærings og Benna Gumm eftir byrjun þáttarins Körfubolti Nýbyrjaður en hans eigin stuðningsmenn sungu: „Þú verður rekinn í fyrramálið“ Enski boltinn Fleiri fréttir Diljá lagði upp í níu marka sigri Breiðablik - Víkingur | Tryggja Blikakonur titilinn í þriðju tilraun? Tíu bestu mörkin úr leikjum Chelsea og Liverpool Antony sakar United um virðingarleysi og dónaskap Frítt inn í kvöld þegar Blikakonur geta orðið Íslandsmeistarar Sláandi xG tölfræði hjá Manchester United „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Stjörnuleikmaður Liverpool missir af mörgum stórleikjum Íslensk hetja sendi Bergen upp í sjöunda himinn: Ein bestu kaup félagsins „FIFA getur ekki leyst pólitísk vandamál heimsins“ Lætur ekki einn slæman leik hafa áhrif á verkefnið Elías Rafn stóð vaktina í sigri Midtjylland á Nottingham Forest Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ FIFA: Donald Trump ræður engu um það Sjá meira
Sara Björk Gunnarsdóttir, landsliðsfyrirliði í knattspyrnu, og liðsfélagar hennar hjá Wolfsburg munu í dag mæta Lyon í úrslitaleik Meistaradeildar Evrópu, en leikurinn fer fram í Kiev í Úkraínu. Wolfsburg getur fullkomnað þrennuna með sigri í þessum leik, en liðið hefur nú þegar tryggt sér þýska meistaratitilinn og um síðustu helgi varð liðið bikarmeistari eftir sigur gegn Bayern München í bikarúrslitaleik þar sem vítaspyrnukeppni þurfti til þess að útkljá úrslitin. Sara Björk sem verður að öllum líkindum fyrsti íslenski leikmaðurinn til þess að spila í úrslitaleik Meistaradeildar Evrópu í knattspyrnu hefur svo sannarlega lagt sín lóð á vogarskálina til þess að koma liðinu í úrslitaleikinn. Hún hefur skorað sex mörk fyrir Wolfsburg til þessa í keppninni og þykir það býsna gott í ljósi þess að hún spilar alla jafna í hlutverki djúps miðjumanns. „Ég finn vel fyrir því hversu stór leikur þetta og það er mikill fiðringur í mér fyrir þessum leik. Þetta er klárlega stærsti leikurinn á ferli mínum og mig hefur dreymt um að spila þennan leik síðan ég var lítil stúlka. Það er hálf óraunverulegt að það sé að koma að þessu, en þegar út á völlinn er komið er þetta bara fótbolti og ég má ekki gleyma því að njóta þessarar stóru stundar,“ segir Sara Björk í samtali við Fréttablaðið. Wolfsburg fær tækifæri til þess að vinna keppnina í þriðja skipti í sögu félagsins, en liðið bar sigur úr býtum í keppninni árin 2013 og 2014. Wolfsburg á harma að hefna gegn Lyon, en síðustu tvö ár hefur franska liðið haft betur gegn Wolfsburg á mismunandi stigum keppninnar. Lyon hafði betur eftir vítaspyrnukeppni í úrslitaleik fyrir tveimur árum og sló svo þýska liðið út í átta liða úrslitum keppninnar síðasta vor. „Ég tel að við séum með sterkara lið en á síðasta tímabili og séum betur í stakk búnar til þess að hafa betur en Lyon að þessu sinni. Leikir liðanna undanfarin ár hafa verið jafnir og ég held að það verði sama uppi á teningnum að þessu sinni. Það eru fjölmargir góðir leikmenn í báðum liðum og ég held að það verði hátt tempó í leiknum og hann verði mjög skemmtilegur. Vonandi fer hann á þann hátt sem við óskum okkur,“ segir Sara Björk aðspurð að því hvernig hún búist við því að leikurinn þróist. Wolfsburg mun líklega leggja áherslu á að koma þýsku landsliðskonunni Alexöndru Popp og dönsku landsliðskonunni Pernille Harder eins mikið inn í leikinn og mögulegt er. Pernille hefur skorað sjö mörk í jafn mörgum leikjum í keppninni og þar að auki lagt upp sex mörk fyrir samherja sína. Alexandra hefur átt jafn margar stoðsendingar og Pernille og skorað fjögur mörk sjálf. Wolfsburg mun að öllum líkindum leggja ríka áherslu á það á liðsfundi sínum hvernig mögulegt er að Ada Hegerberg og Carmille Abily komist í takt við leikinn. Þá þarf Wolfsburg að finna leiðir til þess að komast framhjá Wendie Renard, hinum sterka varnarmanni Lyon. „Ég finn vel fyrir því hversu mikill áhugi er heima fyrir leiknum og vinir mínir og fjölskylda munu vera límd við skjárinn síðdegis í dag. Það kemur svo nokkuð stór hópur frá Wolfsburg til þess að styðja okkur á leiknum. Spennan mun magnast eftir því sem nær dregur að leiknum og það verður mjög gaman að taka þátt í þessum leik og ég er stolt að því að vera fulltrúi Íslands á þessu stóra sviði. Það er mikilvægt fyrir unga leikmenn að sjá að þetta sé hægt,“ segir Sara Björk um stemminguna í kringum leikinn. Hann hefst klukkan 16.00 og það er vonandi að um sexleytið verði Sara Björk fyrsta íslenska konan til að lyfta Meistaradeildarbikarnum.
Birtist í Fréttablaðinu Mest lesið Íslensk hetja sendi Bergen upp í sjöunda himinn: Ein bestu kaup félagsins Fótbolti Stólarnir fastir í München Körfubolti Sjáðu mark Hákonar og vítavörslurnar þrjár Fótbolti „Heimskulegt og asnalegt hjá mér“ Golf Semenya hættir baráttu sinni Sport Breiðablik - Víkingur | Tryggja Blikakonur titilinn í þriðju tilraun? Íslenski boltinn Sláandi xG tölfræði hjá Manchester United Enski boltinn Bjóða upp á Frank Booker-árskort Körfubolti Afar ólík viðbrögð hjá Hlyni Bærings og Benna Gumm eftir byrjun þáttarins Körfubolti Nýbyrjaður en hans eigin stuðningsmenn sungu: „Þú verður rekinn í fyrramálið“ Enski boltinn Fleiri fréttir Diljá lagði upp í níu marka sigri Breiðablik - Víkingur | Tryggja Blikakonur titilinn í þriðju tilraun? Tíu bestu mörkin úr leikjum Chelsea og Liverpool Antony sakar United um virðingarleysi og dónaskap Frítt inn í kvöld þegar Blikakonur geta orðið Íslandsmeistarar Sláandi xG tölfræði hjá Manchester United „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Stjörnuleikmaður Liverpool missir af mörgum stórleikjum Íslensk hetja sendi Bergen upp í sjöunda himinn: Ein bestu kaup félagsins „FIFA getur ekki leyst pólitísk vandamál heimsins“ Lætur ekki einn slæman leik hafa áhrif á verkefnið Elías Rafn stóð vaktina í sigri Midtjylland á Nottingham Forest Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ FIFA: Donald Trump ræður engu um það Sjá meira