Hrútskýringar Framsóknarmanna um HSS í Reykjanesbæ Guðný Birna Guðmundsdóttir og Guðrún Ösp Theodórsdóttir skrifar 25. maí 2018 10:00 Í ljósi aðsendrar greinar í Víkurfréttum í Reykjanesbæ fundum við frambjóðendur Samfylkingarinnar okkur knúnar að svara fullyrðingum sem þar voru settar fram af oddvita Framsóknarflokksins. Ljóst er að greininni er ætlað að upphefja fyrirætlanir umrædds flokks í heilbrigðismálum nú rétt fyrir sveitastjórnakosningarnar auk þess að kasta rýrð á Guðnýju Birnu hjúkrunarfræðing við HSS og bæjarfulltrúa Samfylkingarinnar í Reykjanesbæ.Hver er vandinn? Aðalvandamál HSS er skortur á læknum og hjúkrunarfræðingum, eins og á flestum heilbrigðisstofnunum landsins. Að sjálfsögðu erum við ekki að halda því fram að núverandi ástand heilsugæslunnar sé gott og höfum aldrei gert. Þjónustan á heilsugæslunni okkar þarf að vera betri. Íbúar bíða lengi eftir tímum hjá læknum, fara oftar á síðdegisvaktina og fylla slysa- og bráðamóttökuna til að komast til læknis eða hjúkrunarfræðings samdægurs. Hvað varðar ætlaðar rangfærslur Guðnýjar Birnu um greinarmun á sjúkrahúsþjónustu og heilsugæslu skal það tekið sérstaklega fram að slysa- og bráðamóttaka HSS tilheyrir heilsugæslunni, ekki sjúkrahússviðinu. Hvað varðar að koma ekki inn á skýrslu Landlæknis skal það tekið fram að Guðný Birna skrifaði greinina „Engin spurning að öryggi sjúklinga er ógnað“ þar sem hún skrifar sérstaklega um úttekt landlæknis á HSS.Við höfum reynt að fá samfélagið með okkur í lið til að knýja fram breytingar og fá aukinn skilning á stöðu stofnunarinnar til lengri tíma. Meirihluti bæjarstjórnar Reykjanesbæjar fékk Aton ráðgjöf til að bera saman fjárframlög til stofnunarinnar miðað við aðrar stofnanir á landinu. Meistararannsókn Guðnýjar Birnu, sem kemur út síðar í sumar, bar saman fjármagn ríkisins annars vegar til Reykjanesbæjar og hins vegar til Akureyrar þar sem HSS er sérstaklega tekin fyrir. Báðar skýrslurnar leiða berlega í ljós mismunun í fjárframlögum ríkisins.Óskýr stefna Framsóknar Við veltum fyrir okkur hvað Framsóknarmenn eiga við með breytingum á stjórnunarfyrirkomulagi á HSS með aðkomu bæjarstjórnar Reykjanesbæjar án fjárútláta. Heilbrigðisstofnun Suðurnesja er stofnun sem rekur heilsugæslu og sjúkrahús saman. Ýmsar stoðdeildir eru samnýttar svo sem rannsóknarstofa og myndgreining. Fjöldi fagfólks starfar á HSS og sinnir skjólstæðingum stofnunarinnar í heild. Starfsfólkið þar hefur staðið sig frábærlega á erfiðum tímum, verið í fararbroddi með nýjungar í þjónustu og býður upp á framúrskarandi sykursýkismóttöku og hjúkrunarmóttöku. Ætla Framsóknarmenn að rifta samstarfinu sem ríkir á stofnuninni? Við heyrum bara talað um of langa bið og of fáa lækna, ætla Framsóknarmenn að vera bara með lækna á nýju heilsugæslunni? Mun engin hjúkrun eiga sér stað? Gera þeir sér grein fyrir að í raun sýna hjúkrunarfræðingar og fagfólk í stoðþjónustu mesta tryggð við stofnunina? Ætla þeir að reka rannsóknarstofu? Verða þeir með röntgendeild? Sólarhringsþjónustu? Hvar ná þeir í lækna og hjúkrunarfræðinga inn í reksturinn þar sem landlæg mannekla er í þessum stéttum á Íslandi? HSS þjónustar stærra svæði en Reykjanesbæ, ætla Framsóknarmenn að gera samning við að sinna íbúum Sandgerðis, Garðs, Grindavíkur og Voga eða ætla þeir einungis að sinna Reykjanesbæ?Hagnaður í heilsubresti?Íslenska ríkið greiðir 25.000 krónur með hverjum sjúklingi sem leitar sér heilbrigðisþjónustu. Ekki er ljóst né skilgreint hver borgi kostnað umfram það. Að öllum líkindum lendir sá kostnaður á ríkisstofnunum, ekki á einkareknu stofunum. Að leggja megináherslu á að einkavæðing heilsugæslu skili hagnaði vekur mann til umhugsunar. Af hverju ættum við að hagnast á veikindum annarra? Ætlum við að breyta heilsugæslum Íslands eingöngu til þess að græða á þeim? Ætlum við í kjölfarið að gera heilbrigðiskerfið okkar hagnaðardrifið líkt og í Bandaríkjunum þvert á fyrirætlanir heilbrigðisráðherra? Óljóst er hvernig Framsóknarmenn ætla að yfirtaka heilsugæslu HSS. Skýr samskipti og vandlegur undirbúningur er lykilatriði þegar unnið er með líf einstaklinga. Það er hættulegt að mæta óundirbúinn í útkall og sýna fljótfærni, við hjúkrunarfræðingarnir vitum það. Við búum báðar yfir áratuga reynslu sem hjúkrunarfræðingar á HSS. Við erum búnar að vera að berjast fyrir bættri þjónustu HSS lengur en í mánuð eins og sjá má af ítrekuðum greinaskrifum okkar í gegnum árin og erum hvergi nærri hættar. Það er annað en Framsóknarmenn sem byrja fyrst að tala um HSS korter í kosningar og níða skóinn af okkur sem höfum barist fyrir tilvist og eflingu HSS í meira en áratug. Íbúar Reykjanesbæjar eiga annað og betra skilið. Guðný Birna Guðmundsdóttir, MSc í heilbrigðisvísindum og MPA í opinberri stjórnsýslu. Guðrún Ösp Theodórsdóttir, MSc í bráðahjúkrun. Höfundar skipa 2. og 5. sæti á framboðslista Samfylkingarinnar í Reykjavík. Eflum heilsugæsluna og HSS frá 2014 eftir Guðnýju Birnu - https://www.vf.is/adsent/eflum-heilsugaesluna-og-hss/62125Besta heilbrigðiskerfi í heimi? Frá 2016 eftir Guðnýju Birnu - https://www.vf.is/vikurfrettir-i-30-ar/besta-heilbrigdiskerfi-i-heimi/71677Eiga Suðurnesjamenn ekki rétt á sömu heilbrigðisþjónustu og aðrir? Frá 2017 eftir Guðnýju Birnu - http://www.vf.is/frettir/eiga-sudurnesjamenn-ekki-rett-a-somu-heilbrigdisthjonustu-og-adrir/76931 Staða heilbrigðis á Suðurnesjum frá 2017 eftir Guðnýju Birnu - https://www.vf.is/adsent/stada-/81148Suðurnesjamenning frá 2010 eftir Guðrúnu Ösp - https://www.vf.is/adsent/-sudurnesjamenning/45302Heilsu og öryggi Suðurnesjamanna ógnað frá 2010 eftir Guðrúnu Ösp - https://www.vf.is/adsent/heilsu-og-oryggi-sudurnesjamanna-ognad/43130Ályktun frá hjúkrunarráði HSS frá 2012 eftir Guðrúnu Ösp - https://www.vf.is/adsent/alyktun-fra-hjukrunarradi-hss/54392Opið bréf til Guðbjarts Hannessonar, velferðarráðherra frá 2012 eftir Guðrúnu Ösp - http://www.vf.is/frettir/opid-bref-til-gudbjarts-hannessonar-velferdarradherra/54316 Viltu birta grein á Vísi? Sendu okkur póst. Senda grein Kosningar 2018 Mest lesið Halldór 24.05.2025 Halldór Hamas og átökin við Ísrael – hvað er ekki sagt upphátt? Einar G Harðarson Skoðun Daði Már týnir sjálfum sér Heiðrún Lind Marteinsdóttir Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson Skoðun Hvers virði er lambakjöt? Hafliði Halldórsson Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun Opið bréf til stjórnvalda Elín Ýr Arnar Hafdísardóttir Skoðun Næstu sólarhringar á Gaza skipta sköpum Hlynur Már Vilhjálmsson Skoðun #blessmeta - önnur grein Guðrún Hrefna Guðmundsdóttir Skoðun Skoðun Skoðun Heiðmörk: Gaddavír og girðingar Auður Kjartansdóttir skrifar Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar Skoðun #blessmeta - önnur grein Guðrún Hrefna Guðmundsdóttir skrifar Skoðun Hvers virði er lambakjöt? Hafliði Halldórsson skrifar Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar Skoðun Þjóðareign, trú og skattar Svanur Guðmundsson skrifar Skoðun Hamas og átökin við Ísrael – hvað er ekki sagt upphátt? Einar G Harðarson skrifar Skoðun Gjaldfrjálsar máltíðir fyrir leikskólabörn Hólmfríður Jennýjar Árnadóttir skrifar Skoðun Næstu sólarhringar á Gaza skipta sköpum Hlynur Már Vilhjálmsson skrifar Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar Skoðun Huglæg réttlætiskennd og skattar á verðmætasköpun Kristinn Karl Brynjarsson skrifar Skoðun Loksins fær þyrlan heimili fyrir norðan Njáll Trausti Friðbertsson skrifar Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Skoðun Verðmætasköpun án virðingar Berglind Harpa Svavarsdóttir skrifar Skoðun Daði Már týnir sjálfum sér Heiðrún Lind Marteinsdóttir skrifar Skoðun Samhljómur við náttúruna og sjálfbæra þróun Anna María Ágústsdóttir skrifar Skoðun Aðgerðir gegn mansali í forgangi Þorbjörg S. Gunnlaugsdóttir skrifar Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar Sjá meira
Í ljósi aðsendrar greinar í Víkurfréttum í Reykjanesbæ fundum við frambjóðendur Samfylkingarinnar okkur knúnar að svara fullyrðingum sem þar voru settar fram af oddvita Framsóknarflokksins. Ljóst er að greininni er ætlað að upphefja fyrirætlanir umrædds flokks í heilbrigðismálum nú rétt fyrir sveitastjórnakosningarnar auk þess að kasta rýrð á Guðnýju Birnu hjúkrunarfræðing við HSS og bæjarfulltrúa Samfylkingarinnar í Reykjanesbæ.Hver er vandinn? Aðalvandamál HSS er skortur á læknum og hjúkrunarfræðingum, eins og á flestum heilbrigðisstofnunum landsins. Að sjálfsögðu erum við ekki að halda því fram að núverandi ástand heilsugæslunnar sé gott og höfum aldrei gert. Þjónustan á heilsugæslunni okkar þarf að vera betri. Íbúar bíða lengi eftir tímum hjá læknum, fara oftar á síðdegisvaktina og fylla slysa- og bráðamóttökuna til að komast til læknis eða hjúkrunarfræðings samdægurs. Hvað varðar ætlaðar rangfærslur Guðnýjar Birnu um greinarmun á sjúkrahúsþjónustu og heilsugæslu skal það tekið sérstaklega fram að slysa- og bráðamóttaka HSS tilheyrir heilsugæslunni, ekki sjúkrahússviðinu. Hvað varðar að koma ekki inn á skýrslu Landlæknis skal það tekið fram að Guðný Birna skrifaði greinina „Engin spurning að öryggi sjúklinga er ógnað“ þar sem hún skrifar sérstaklega um úttekt landlæknis á HSS.Við höfum reynt að fá samfélagið með okkur í lið til að knýja fram breytingar og fá aukinn skilning á stöðu stofnunarinnar til lengri tíma. Meirihluti bæjarstjórnar Reykjanesbæjar fékk Aton ráðgjöf til að bera saman fjárframlög til stofnunarinnar miðað við aðrar stofnanir á landinu. Meistararannsókn Guðnýjar Birnu, sem kemur út síðar í sumar, bar saman fjármagn ríkisins annars vegar til Reykjanesbæjar og hins vegar til Akureyrar þar sem HSS er sérstaklega tekin fyrir. Báðar skýrslurnar leiða berlega í ljós mismunun í fjárframlögum ríkisins.Óskýr stefna Framsóknar Við veltum fyrir okkur hvað Framsóknarmenn eiga við með breytingum á stjórnunarfyrirkomulagi á HSS með aðkomu bæjarstjórnar Reykjanesbæjar án fjárútláta. Heilbrigðisstofnun Suðurnesja er stofnun sem rekur heilsugæslu og sjúkrahús saman. Ýmsar stoðdeildir eru samnýttar svo sem rannsóknarstofa og myndgreining. Fjöldi fagfólks starfar á HSS og sinnir skjólstæðingum stofnunarinnar í heild. Starfsfólkið þar hefur staðið sig frábærlega á erfiðum tímum, verið í fararbroddi með nýjungar í þjónustu og býður upp á framúrskarandi sykursýkismóttöku og hjúkrunarmóttöku. Ætla Framsóknarmenn að rifta samstarfinu sem ríkir á stofnuninni? Við heyrum bara talað um of langa bið og of fáa lækna, ætla Framsóknarmenn að vera bara með lækna á nýju heilsugæslunni? Mun engin hjúkrun eiga sér stað? Gera þeir sér grein fyrir að í raun sýna hjúkrunarfræðingar og fagfólk í stoðþjónustu mesta tryggð við stofnunina? Ætla þeir að reka rannsóknarstofu? Verða þeir með röntgendeild? Sólarhringsþjónustu? Hvar ná þeir í lækna og hjúkrunarfræðinga inn í reksturinn þar sem landlæg mannekla er í þessum stéttum á Íslandi? HSS þjónustar stærra svæði en Reykjanesbæ, ætla Framsóknarmenn að gera samning við að sinna íbúum Sandgerðis, Garðs, Grindavíkur og Voga eða ætla þeir einungis að sinna Reykjanesbæ?Hagnaður í heilsubresti?Íslenska ríkið greiðir 25.000 krónur með hverjum sjúklingi sem leitar sér heilbrigðisþjónustu. Ekki er ljóst né skilgreint hver borgi kostnað umfram það. Að öllum líkindum lendir sá kostnaður á ríkisstofnunum, ekki á einkareknu stofunum. Að leggja megináherslu á að einkavæðing heilsugæslu skili hagnaði vekur mann til umhugsunar. Af hverju ættum við að hagnast á veikindum annarra? Ætlum við að breyta heilsugæslum Íslands eingöngu til þess að græða á þeim? Ætlum við í kjölfarið að gera heilbrigðiskerfið okkar hagnaðardrifið líkt og í Bandaríkjunum þvert á fyrirætlanir heilbrigðisráðherra? Óljóst er hvernig Framsóknarmenn ætla að yfirtaka heilsugæslu HSS. Skýr samskipti og vandlegur undirbúningur er lykilatriði þegar unnið er með líf einstaklinga. Það er hættulegt að mæta óundirbúinn í útkall og sýna fljótfærni, við hjúkrunarfræðingarnir vitum það. Við búum báðar yfir áratuga reynslu sem hjúkrunarfræðingar á HSS. Við erum búnar að vera að berjast fyrir bættri þjónustu HSS lengur en í mánuð eins og sjá má af ítrekuðum greinaskrifum okkar í gegnum árin og erum hvergi nærri hættar. Það er annað en Framsóknarmenn sem byrja fyrst að tala um HSS korter í kosningar og níða skóinn af okkur sem höfum barist fyrir tilvist og eflingu HSS í meira en áratug. Íbúar Reykjanesbæjar eiga annað og betra skilið. Guðný Birna Guðmundsdóttir, MSc í heilbrigðisvísindum og MPA í opinberri stjórnsýslu. Guðrún Ösp Theodórsdóttir, MSc í bráðahjúkrun. Höfundar skipa 2. og 5. sæti á framboðslista Samfylkingarinnar í Reykjavík. Eflum heilsugæsluna og HSS frá 2014 eftir Guðnýju Birnu - https://www.vf.is/adsent/eflum-heilsugaesluna-og-hss/62125Besta heilbrigðiskerfi í heimi? Frá 2016 eftir Guðnýju Birnu - https://www.vf.is/vikurfrettir-i-30-ar/besta-heilbrigdiskerfi-i-heimi/71677Eiga Suðurnesjamenn ekki rétt á sömu heilbrigðisþjónustu og aðrir? Frá 2017 eftir Guðnýju Birnu - http://www.vf.is/frettir/eiga-sudurnesjamenn-ekki-rett-a-somu-heilbrigdisthjonustu-og-adrir/76931 Staða heilbrigðis á Suðurnesjum frá 2017 eftir Guðnýju Birnu - https://www.vf.is/adsent/stada-/81148Suðurnesjamenning frá 2010 eftir Guðrúnu Ösp - https://www.vf.is/adsent/-sudurnesjamenning/45302Heilsu og öryggi Suðurnesjamanna ógnað frá 2010 eftir Guðrúnu Ösp - https://www.vf.is/adsent/heilsu-og-oryggi-sudurnesjamanna-ognad/43130Ályktun frá hjúkrunarráði HSS frá 2012 eftir Guðrúnu Ösp - https://www.vf.is/adsent/alyktun-fra-hjukrunarradi-hss/54392Opið bréf til Guðbjarts Hannessonar, velferðarráðherra frá 2012 eftir Guðrúnu Ösp - http://www.vf.is/frettir/opid-bref-til-gudbjarts-hannessonar-velferdarradherra/54316
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar
Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar
Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun