Eltihrellir lagði sig í rúmi Taylor Swift

Einn af nokkrum eltihrellum bandarísku tónlistarkonunnar Taylor Swift fannst sofandi í rúmi á heimili hennar í New York á föstudag.

Eltihrellirinn er þekktur undir nafninu Roger Alvarado en hann var handtekinn í febrúar síðastliðnum fyrir að reyna að brjóta niður hurð á heimili Swift með skóflu.

Alvarado var kærður fyrir að hrella Swift, innbrot, glæpsamlegt tjón og fyrir að fara inn á eign í leyfisleysi.

Alvarado lagði sig ekki bara í rúmi Swift heldur fór hann einnig í sturtu. Samkvæmt fjölmiðlum vestanhafs notaðist eltihrellirinn við stiga og braut rúðu til að komast inn á heimili tónlistarkonunnar.