Trump laug og villti á sér heimildir til að komast hærra á Forbes-lista Kjartan Kjartansson skrifar 23. apríl 2018 21:30 Trump vísaði meðal annars til velgengni spilavítis í Atlantic-borg til að ýkja auðæfi sín. Spilavítin fóru síðar lóðbeint á hausinn. Vísir/Getty Fyrrverandi blaðamaður tímaritsins Forbes segir að Donald Trump Bandaríkjaforseti hafi hringt í sig, þóst vera stjórnandi hjá fyrirtæki sínu og síðan logið um auðæfi sín til að komast hærra á lista tímaritsins yfir ríkustu Bandaríkjamennina á 9. áratugnum. Hann hefur birt upptökur af símtölunum. Forsaga málsins er sú að Forbes hafði metið auðæfi Trump sem aðeins um fimmtunginn af því sem hann hafði sjálfur fullyrt í viðtölum við tímaritið á lista sínum yfir 400 auðugustu einstaklinga Bandaríkjanna snemma á 9. áratugnum. Trump hafði verið talinn eiga um tvö hundruð milljónir dollara árið 1983. Ári síðar fékk Jonathan Greenberg, sem þá vann við að taka saman listann, símtal frá manni sem sagðist heita John Barron og vera framkvæmdastjóri hjá Trump-fyrirtækinu. Barron vildi gera Greenberg ljóst hversu ríkur Trump væri í raun. Trump hefði tekið yfir eignir sem voru áður í eigu föður hans Fred. Hann ætti því í raun að kallast milljarðamæringur. Barron var hins vegar enginn annar en Trump sjálfur sem vildi þannig koma sér ofar á lista Forbes. Greenberg segir í grein sem hann skrifaði í Washington Post að þegar hann hlustaði á upptökur af þessu símtali og fleirum hafi hann ekki skilið hvernig hann lét blekkjast á sínum tíma. Hann hafi verið fullur efasemda um fullyrðingar Trump og talið sig góðan að hafa ekki látið Trump komast upp með að ýkja verðmæti sitt. Síðar hafi hann hins vegar komist að því að lygarnar hafi verið enn umfangsmeiri en hann hafði grunað á þeim tíma.Hefði ekki átt að komast á listann til að byrja með Áður hefur verið greint frá því að Trump hafi notað dulnefnið Barron til þess að hafa áhrif á umfjöllun um sjálfan sig á 9. áratugnum. Greenberg hefur hins vegar nú birt hluta af upptökunum við „Barron“. Greenberg segir að nær hver einasti hlutur sem Trump nefndi til að hífa upp matið á auðæfum sínum hafi verið lygi. Þannig hafi faðir hans til dæmis átt eignirnar sem Trump sagði Greenberg að hefðu verið færðir yfir á hann allt til dauðadags. Í raun hafi hann aldrei átt að komast á topp 400 lista Forbes á sínum tíma. Þá hafi auðæfi Trump verið metin á hundrað milljónir dollara. Síðar hafi komið á daginn að þau hafi verið nær fimm milljónum. Trump hafi engu að síður með klækjum og ósannindum komið sér listann þrátt fyrir að engin innistæða væri fyrir því. Randall Lane, ritstjóri hjá Forbes, skrifaði í grein fyrir forsetakosningarnar í Bandaríkjunum að enginn þeirra rúmlega 1.500 auðkýfinga sem tímaritið hefði raðað á lista sinn hafi verið með slíka þráhyggju um mat á eigin verðmæti og Trump. Greenberg orðar það þannig að ritstjórn Forbes, hann sjálfur þar með talinn, hafi fallið í þá gryfju að Trump að láta digurbarkalegar yfirlýsingar Trump gabba sig til að trúa því að hann væri aðeins að ýkja en ekki að ljúga frá rótum. „Þetta var líkanið sem Trump notaði það sem eftir lifði ferilsins, að segja lygi sem var svo umfangsmikil að fólk trúði því að einhver kjarni hennar þyrfti að vera raunverulegur. Sú aðferð aflaði honum sætis sem hann átti ekki skilið á Forbes-listanum og leiddi til metorða í framtíðinni, fjölmiðlaumfjöllunar og samninga. Á endanum greiddi hún götu hans að forsetaembættinu,“ skrifar Greenberg.Neitaði að birta skattskýrsluna Hvorki Hvíta húsið, Trump-fyrirtækið né Forbes vildi tjá sig um grein Greenberg. Þegar Washington Post fjallaði um hvernig Trump hefði notað dulnefnin John Miller og John Barron til að hringja í blaðamenn í maí 2016 neitaði verðandi forsetinn því. Fyrir kosningarnar lýsti Trump því yfir að auðæfi hans næmu tíu milljörðum dollara. Hann neitaði hins vegar að birta skattskýrslur sínar í trássi við áratugalangar hefðir hjá forsetaframbjóðendum í Bandaríkjunum. Þess má geta að tólf ára gamall sonur Trump heitir Barron. Bandaríkin Donald Trump Mest lesið Jón nýr formaður bankaráðs Landsbankans Viðskipti innlent Bankaráðið sakar bankasýsluna um aðdróttanir Viðskipti innlent Hæstiréttur sker úr um hvort taka hafi mátt bjór úr hillum Viðskipti innlent Eitruð vinnustaðamenning algeng og margfaldar líkur á kulnun Atvinnulíf Töpuðu þremur milljörðum á fyrsta ársfjórðungi Viðskipti innlent Sækjast eftir fangelsisdómi yfir rafmyntakóngi Viðskipti erlent Farsímatekjur undir væntingum Viðskipti innlent Verðbólgan minnkar en vextirnir hækka Viðskipti innlent Samþykkja helming umsókna um sölu eigna fyrir lok vikunnar Viðskipti innlent Mikill samdráttur á hagnaði Tesla Viðskipti erlent Fleiri fréttir Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Fyrrverandi blaðamaður tímaritsins Forbes segir að Donald Trump Bandaríkjaforseti hafi hringt í sig, þóst vera stjórnandi hjá fyrirtæki sínu og síðan logið um auðæfi sín til að komast hærra á lista tímaritsins yfir ríkustu Bandaríkjamennina á 9. áratugnum. Hann hefur birt upptökur af símtölunum. Forsaga málsins er sú að Forbes hafði metið auðæfi Trump sem aðeins um fimmtunginn af því sem hann hafði sjálfur fullyrt í viðtölum við tímaritið á lista sínum yfir 400 auðugustu einstaklinga Bandaríkjanna snemma á 9. áratugnum. Trump hafði verið talinn eiga um tvö hundruð milljónir dollara árið 1983. Ári síðar fékk Jonathan Greenberg, sem þá vann við að taka saman listann, símtal frá manni sem sagðist heita John Barron og vera framkvæmdastjóri hjá Trump-fyrirtækinu. Barron vildi gera Greenberg ljóst hversu ríkur Trump væri í raun. Trump hefði tekið yfir eignir sem voru áður í eigu föður hans Fred. Hann ætti því í raun að kallast milljarðamæringur. Barron var hins vegar enginn annar en Trump sjálfur sem vildi þannig koma sér ofar á lista Forbes. Greenberg segir í grein sem hann skrifaði í Washington Post að þegar hann hlustaði á upptökur af þessu símtali og fleirum hafi hann ekki skilið hvernig hann lét blekkjast á sínum tíma. Hann hafi verið fullur efasemda um fullyrðingar Trump og talið sig góðan að hafa ekki látið Trump komast upp með að ýkja verðmæti sitt. Síðar hafi hann hins vegar komist að því að lygarnar hafi verið enn umfangsmeiri en hann hafði grunað á þeim tíma.Hefði ekki átt að komast á listann til að byrja með Áður hefur verið greint frá því að Trump hafi notað dulnefnið Barron til þess að hafa áhrif á umfjöllun um sjálfan sig á 9. áratugnum. Greenberg hefur hins vegar nú birt hluta af upptökunum við „Barron“. Greenberg segir að nær hver einasti hlutur sem Trump nefndi til að hífa upp matið á auðæfum sínum hafi verið lygi. Þannig hafi faðir hans til dæmis átt eignirnar sem Trump sagði Greenberg að hefðu verið færðir yfir á hann allt til dauðadags. Í raun hafi hann aldrei átt að komast á topp 400 lista Forbes á sínum tíma. Þá hafi auðæfi Trump verið metin á hundrað milljónir dollara. Síðar hafi komið á daginn að þau hafi verið nær fimm milljónum. Trump hafi engu að síður með klækjum og ósannindum komið sér listann þrátt fyrir að engin innistæða væri fyrir því. Randall Lane, ritstjóri hjá Forbes, skrifaði í grein fyrir forsetakosningarnar í Bandaríkjunum að enginn þeirra rúmlega 1.500 auðkýfinga sem tímaritið hefði raðað á lista sinn hafi verið með slíka þráhyggju um mat á eigin verðmæti og Trump. Greenberg orðar það þannig að ritstjórn Forbes, hann sjálfur þar með talinn, hafi fallið í þá gryfju að Trump að láta digurbarkalegar yfirlýsingar Trump gabba sig til að trúa því að hann væri aðeins að ýkja en ekki að ljúga frá rótum. „Þetta var líkanið sem Trump notaði það sem eftir lifði ferilsins, að segja lygi sem var svo umfangsmikil að fólk trúði því að einhver kjarni hennar þyrfti að vera raunverulegur. Sú aðferð aflaði honum sætis sem hann átti ekki skilið á Forbes-listanum og leiddi til metorða í framtíðinni, fjölmiðlaumfjöllunar og samninga. Á endanum greiddi hún götu hans að forsetaembættinu,“ skrifar Greenberg.Neitaði að birta skattskýrsluna Hvorki Hvíta húsið, Trump-fyrirtækið né Forbes vildi tjá sig um grein Greenberg. Þegar Washington Post fjallaði um hvernig Trump hefði notað dulnefnin John Miller og John Barron til að hringja í blaðamenn í maí 2016 neitaði verðandi forsetinn því. Fyrir kosningarnar lýsti Trump því yfir að auðæfi hans næmu tíu milljörðum dollara. Hann neitaði hins vegar að birta skattskýrslur sínar í trássi við áratugalangar hefðir hjá forsetaframbjóðendum í Bandaríkjunum. Þess má geta að tólf ára gamall sonur Trump heitir Barron.
Bandaríkin Donald Trump Mest lesið Jón nýr formaður bankaráðs Landsbankans Viðskipti innlent Bankaráðið sakar bankasýsluna um aðdróttanir Viðskipti innlent Hæstiréttur sker úr um hvort taka hafi mátt bjór úr hillum Viðskipti innlent Eitruð vinnustaðamenning algeng og margfaldar líkur á kulnun Atvinnulíf Töpuðu þremur milljörðum á fyrsta ársfjórðungi Viðskipti innlent Sækjast eftir fangelsisdómi yfir rafmyntakóngi Viðskipti erlent Farsímatekjur undir væntingum Viðskipti innlent Verðbólgan minnkar en vextirnir hækka Viðskipti innlent Samþykkja helming umsókna um sölu eigna fyrir lok vikunnar Viðskipti innlent Mikill samdráttur á hagnaði Tesla Viðskipti erlent Fleiri fréttir Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira