Rándýr kroppasýning á Íslandsmótinu í fitness og vaxtarrækt

Hið árlega Íslandsmót í fitness og vaxtarrækt fór fram í Háskólabíói á Skírdag en keppt var í 18 flokkum. Alls tóku um áttatíu keppendur þátt á mótinu í heild sinni og segja viðstaddir að það hafi verið hið glæsilegasta.

Margir af betri keppendum Íslands stigu á svið í sínu besta formi en helstu úrslit voru:

Bergrós Kristjánsdóttir varð heildarmeistari í fitness kvenna. Helgi Bjarnason varð heildarmeistari í vaxtarrækt karla og Ognjen Petrovic varð heildarmeistari í Sportfitness.

Kristjana Huld Kristinsdóttir varð heildarsigurvegari í módelfitness.  María Rist Jónsdóttir varð Íslandsmeistari í Wellness flokki og Alda Hauksdóttir varð Íslandsmeistari í Ólympíufitness

Þess má geta að Bergrós Kristjánsdóttir, Inga Hrönn Ásgeirsdóttir, Ása Hulda Oddsdóttir og Gréta Jóna Vignisdóttir halda svo til Noregs til að keppa á Oslo grand prix sem haldið er næstu helgi.

Hér að neðan má sjá myndband og ljósmyndir frá keppninni en það var Mummi Lú sem fangaði þessar flottu myndir.