Fótbolti

Zlatan skoraði tvö á tuttugu mínútum │ Sjáðu ótrúlegt fyrra mark hans

Anton Ingi Leifsson skrifar
Zlatan við komuna til Bandaríkjanna.
Zlatan við komuna til Bandaríkjanna. vísir/afp
Zlatan Ibrahimovic var ekki lengi að stimpla sig inn í bandarísku MLS-deildina en hann gekk í raðir LA Galaxy á dögunum eftir að hafa fengið sig lausan frá Manchester United.

Zlatan byrjaði á bekknum enda tiltölulega nýlentur í Bandaríkjunum. Það byrjaði ekki vel fyrir LA Galaxy því eftir 26 mínútur var Carlos Vela búinn að skora í tvígang og koma Los Angeles FC í 2-0.

Í upphafi síðari hálfleiks skoraði Daniel Steres sjálfsmark og útlitið ekki gott fyrir Zlatan og félaga. Sebastian Lletget minnkaði þó muninn fyrir LA Galaxy á 61. mínútu og tíu mínútum síðar var Zlatan sendur á vettvang.

Tveimur mínútum eftir að Zlatan var kominn inn á minnkaði Chris Ponitus muninn í 3-2 og fjórum mínútum síðar jafnaði Zlatan metinn með algjörlega stórkostlegu marki sem má sjá neðst í fréttinni.

Svíinn var ekki hættur því í uppbótartíma skoraði hann annað mark sitt og sigurmark LA Galaxy eftir fyrirgjöf frá Ashley Cole, fyrrum leikmanni Arsenal og Chelsea. Lygileg byrjun Zlatan í Bandaríkjunum.

LA Galaxy er í tólfta sæti en eftir fjóra leiki eru þeir með sjö stig. Los Angeles er í sjötta sætinu með sex stig eftir þrjá leiki.

Fótbolti

Mest lesið


Fleiri fréttir

Sjá meira


×

Mest lesið