DV ehf. gjaldþrota Kolbeinn Tumi Daðason skrifar 21. mars 2018 13:15 Miklar deilur sköpuðust meðal hluthafa í DV árið 2014. Sigurður G. Guðjónsson lögmaður var fulltrúi annars hópsins en þeir Reynir Traustason, stór hluthafi og þáverandi ritstjóri DV, voru ekki á eitt sáttir. Vísir/Anton Brink DV ehf., sem hélt utan um rekstur samnefnds dagblaðs og vefs lengi vel, hefur verið úrskurðað gjaldþrota. Þrotabú félagsins var tekið til gjaldþrotaskipta með úrskurði Héraðsdóms Reykjavíkur þann 7. mars síðastliðinn. Fram kemur í Lögbirtingablaðinu að Kristján B. Thorlacius lögmaður hafi verið skipaður skiptastjóri í bú DV ehf. Er skorað á alla sem telja sig eiga skuldir eða önnur réttindi hjá búinu að lýsa þeim kröfum sínum fyrir skiptastjóra innan tveggja mánaða. Engar skráðar fasteignir eru á hlutafélaginu DV ehf. og útgáfurétturinn var seldur Frjálsri fjölmiðlun í september 2017. Fátt bendir því til þess að kröfuhafar hafi í miklar eignir að sækja eins og sakir standa.Stofnað 2010 Hlutafélagið DV ehf. var stofnað í mars 2010 og var að stærstum hluta í eigu Lilju Skaftadóttur listaverkasala og Reynis Traustasonar. Félagið DV ehf. keypti DV og DV.is af Hreini Loftssyni og Birtíngi hf. Kom fram í tilkynningu að starfsmönnum yrði gefinn kostur á að eignast hlut í blaðinu. Í tilkynningu kom fram að lögð yrði áhersla á „að takmarka áhrif eigendavalds á DV“ og enginn einn hluthafi gæti haft meira en 26 prósent atkvæða, óháð hlutafjáreign sinni.Björn Leifsson, framkvæmdastjóri World Class, keypti óvænt hlut í DV en hann var orðinn langþreyttur á fréttaflutningi af sér og sínum.Vísir/GVARekstur DV gekk brösulega en árið 2012 kom fram að DV hefði verið rekið með 136 milljóna króna tapi árin tvö frá stofnun. Var DV í mikilli skuld við Tollstjóra vegna vangoldinna skatta. Var hlutafé í félaginu aukið í ársbyrjun 2013 um 40 milljónir króna sem átti að fara í að greiða opinber gjöld. „Það er orðið alveg ljóst núna að DV mun ganga alveg frá skuld við Tollstjóra á næstu þremur til fjórum vikum,“ sagði Ólafur Magnússon, stjórnarformaður félagsins, í samtali við Vísi. Árið 2014 fóru að heyrast áhyggjuraddir frá starfsfólki DV vegna yfirvofandi yfirtöku á félaginu. Fór svo að Björn Leifsson, oft kenndur við Laugar, keypti 4,42 prósenta hlut í DV ehf. „Ef ég get haft einhver áhrif á það að koma Reyni Traustasyni frá þá er það hið besta mál. Hann er stórhættulegur mannorðsmorðingi,“ sagði Björn við það tilefni.Jón Trausti Reyniss, Heiða B. Heiðarsdóttir og Reynir Traustason létu af störfum hjá DV eftir harðar deilur hluthafa árið 2014.visir/gvaÍ framhaldinu fóru í hönd miklar breytingar hjá DV þar sem Hallgrímur Thorsteinsson tók við sem ritstjóri af Reyni Traustasyni. Jón Trausti Reynisson framkvæmdastjóri lét af störfum og sömuleiðis Ingibjörg Dögg Kjartansdóttir sem gegnt hafði stöðu aðstoðarritstjóra. Þorsteinn Guðnason, þáverandi stjórnarformaður, keypti hlut Björns Leifssonar og í framhaldinu var Steinn Kári Ragnarsson ráðinn framkvæmdastjóri DV í október 2014. Fljótlega fóru í hönd viðræður Vefpressunnar við DV sem lauk með kaupum Björns Inga Hrafnssonar og Vefpressunnar á DV í desember 2014. Varð Björn Ingi nýr stjórnarformaður DV.Eggert Skúlason tók við ristjórn DV og gegndi stöðunni í eitt og hálft ár.vísir/gvaÍ framhaldinu voru Eggert Skúlason og Kolbrún Bergþórsdóttir ráðnir nýir ritstjórar DV. Lét Eggert framkvæma athugun á stöðu mála hjá DV og var gefin út skýrsla sem starfsfólk DV var afar ósátt við. Í ársbyrjun 2016 kom í ljós að tap DV árið 2014 hefði numið 124 milljónum króna. Ekki er að sjá að DV ehf. hafi skilað ársreikningi síðan.Hálfu ári síðar hætti Eggert í starfi ritstjóra. Í mars 2017 krafðist VR þess að DV færi í þrot vegna vangoldinna launa. Í apríl 2017 komu nýir hluthafar inn í Vefpressuna og Björn Ingi hætti sem stjórnarformaður. Gunnlaugur Árnason átti að taka við stöðu stjórnarformanns en hætti við þegar hann hafði kynnt sér fjárhagsstöðu félagsins. Átti að auka hlutafé um 300 milljónir en meðal þeirra sem áttu að leggja til fé voru fjárfestarnir Árni Harðarson og Róbert Wessman gegnum félag sitt Dalinn. Síðan hafa staðið miklar deilur Dalsmanna svonefndra og Björns Inga þar sem hver höndin hefur verið uppi á móti annarri. Sigurður G. Guðjónsson lögmaður keypti DV, Pressuna og fleiri miðla haustið 2017 og eru miðlarnir reknir undir merkjum Frjálsrar fjölmiðlunar. Frjáls fjölmiðlun fékk um leið útgáfurétt DV ehf sem og Pressunnar sem var úrskurðuð gjaldþrota í desember.Uppfært Fréttin uppfærð eftir að Gunnlaugur Árnason skýrði Vísi frá því að hann hefði aldrei tekið við stjórnarformennsku hjá DV ehf. „Við nánari athugun á fjármálum samstæðunnar kom í ljós að staðan var töluvert verri en á horfðist í fyrstu og þess vegna samþykkti ég ekki að taka að mér stjórnarformennskuna,“ segir Gunnlaugur í samtali við Vísi. Fjölmiðlar Gjaldþrot Mest lesið Matvöruverslun og íbúðir steinsnar frá Keflavíkurflugvelli Viðskipti innlent Mun bjóða upp á sömu flugáætlun og Bláfugl áður Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Dýrmætustu og sjaldgæfustu Mustang bílar landsins á afmælissýningu Mustang Samstarf Krónísk óstundvísi: Skýringar og góð ráð Atvinnulíf Stofnandi Binance dæmdur fyrir peningaþvætti Viðskipti erlent Tekjur Apple drógust saman enn eina ferðina Viðskipti erlent Viljinn tekinn til gjaldþrotaskipta Viðskipti innlent Röntgen Domus og Orkuhúsið fá ekki að sameinast Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
DV ehf., sem hélt utan um rekstur samnefnds dagblaðs og vefs lengi vel, hefur verið úrskurðað gjaldþrota. Þrotabú félagsins var tekið til gjaldþrotaskipta með úrskurði Héraðsdóms Reykjavíkur þann 7. mars síðastliðinn. Fram kemur í Lögbirtingablaðinu að Kristján B. Thorlacius lögmaður hafi verið skipaður skiptastjóri í bú DV ehf. Er skorað á alla sem telja sig eiga skuldir eða önnur réttindi hjá búinu að lýsa þeim kröfum sínum fyrir skiptastjóra innan tveggja mánaða. Engar skráðar fasteignir eru á hlutafélaginu DV ehf. og útgáfurétturinn var seldur Frjálsri fjölmiðlun í september 2017. Fátt bendir því til þess að kröfuhafar hafi í miklar eignir að sækja eins og sakir standa.Stofnað 2010 Hlutafélagið DV ehf. var stofnað í mars 2010 og var að stærstum hluta í eigu Lilju Skaftadóttur listaverkasala og Reynis Traustasonar. Félagið DV ehf. keypti DV og DV.is af Hreini Loftssyni og Birtíngi hf. Kom fram í tilkynningu að starfsmönnum yrði gefinn kostur á að eignast hlut í blaðinu. Í tilkynningu kom fram að lögð yrði áhersla á „að takmarka áhrif eigendavalds á DV“ og enginn einn hluthafi gæti haft meira en 26 prósent atkvæða, óháð hlutafjáreign sinni.Björn Leifsson, framkvæmdastjóri World Class, keypti óvænt hlut í DV en hann var orðinn langþreyttur á fréttaflutningi af sér og sínum.Vísir/GVARekstur DV gekk brösulega en árið 2012 kom fram að DV hefði verið rekið með 136 milljóna króna tapi árin tvö frá stofnun. Var DV í mikilli skuld við Tollstjóra vegna vangoldinna skatta. Var hlutafé í félaginu aukið í ársbyrjun 2013 um 40 milljónir króna sem átti að fara í að greiða opinber gjöld. „Það er orðið alveg ljóst núna að DV mun ganga alveg frá skuld við Tollstjóra á næstu þremur til fjórum vikum,“ sagði Ólafur Magnússon, stjórnarformaður félagsins, í samtali við Vísi. Árið 2014 fóru að heyrast áhyggjuraddir frá starfsfólki DV vegna yfirvofandi yfirtöku á félaginu. Fór svo að Björn Leifsson, oft kenndur við Laugar, keypti 4,42 prósenta hlut í DV ehf. „Ef ég get haft einhver áhrif á það að koma Reyni Traustasyni frá þá er það hið besta mál. Hann er stórhættulegur mannorðsmorðingi,“ sagði Björn við það tilefni.Jón Trausti Reyniss, Heiða B. Heiðarsdóttir og Reynir Traustason létu af störfum hjá DV eftir harðar deilur hluthafa árið 2014.visir/gvaÍ framhaldinu fóru í hönd miklar breytingar hjá DV þar sem Hallgrímur Thorsteinsson tók við sem ritstjóri af Reyni Traustasyni. Jón Trausti Reynisson framkvæmdastjóri lét af störfum og sömuleiðis Ingibjörg Dögg Kjartansdóttir sem gegnt hafði stöðu aðstoðarritstjóra. Þorsteinn Guðnason, þáverandi stjórnarformaður, keypti hlut Björns Leifssonar og í framhaldinu var Steinn Kári Ragnarsson ráðinn framkvæmdastjóri DV í október 2014. Fljótlega fóru í hönd viðræður Vefpressunnar við DV sem lauk með kaupum Björns Inga Hrafnssonar og Vefpressunnar á DV í desember 2014. Varð Björn Ingi nýr stjórnarformaður DV.Eggert Skúlason tók við ristjórn DV og gegndi stöðunni í eitt og hálft ár.vísir/gvaÍ framhaldinu voru Eggert Skúlason og Kolbrún Bergþórsdóttir ráðnir nýir ritstjórar DV. Lét Eggert framkvæma athugun á stöðu mála hjá DV og var gefin út skýrsla sem starfsfólk DV var afar ósátt við. Í ársbyrjun 2016 kom í ljós að tap DV árið 2014 hefði numið 124 milljónum króna. Ekki er að sjá að DV ehf. hafi skilað ársreikningi síðan.Hálfu ári síðar hætti Eggert í starfi ritstjóra. Í mars 2017 krafðist VR þess að DV færi í þrot vegna vangoldinna launa. Í apríl 2017 komu nýir hluthafar inn í Vefpressuna og Björn Ingi hætti sem stjórnarformaður. Gunnlaugur Árnason átti að taka við stöðu stjórnarformanns en hætti við þegar hann hafði kynnt sér fjárhagsstöðu félagsins. Átti að auka hlutafé um 300 milljónir en meðal þeirra sem áttu að leggja til fé voru fjárfestarnir Árni Harðarson og Róbert Wessman gegnum félag sitt Dalinn. Síðan hafa staðið miklar deilur Dalsmanna svonefndra og Björns Inga þar sem hver höndin hefur verið uppi á móti annarri. Sigurður G. Guðjónsson lögmaður keypti DV, Pressuna og fleiri miðla haustið 2017 og eru miðlarnir reknir undir merkjum Frjálsrar fjölmiðlunar. Frjáls fjölmiðlun fékk um leið útgáfurétt DV ehf sem og Pressunnar sem var úrskurðuð gjaldþrota í desember.Uppfært Fréttin uppfærð eftir að Gunnlaugur Árnason skýrði Vísi frá því að hann hefði aldrei tekið við stjórnarformennsku hjá DV ehf. „Við nánari athugun á fjármálum samstæðunnar kom í ljós að staðan var töluvert verri en á horfðist í fyrstu og þess vegna samþykkti ég ekki að taka að mér stjórnarformennskuna,“ segir Gunnlaugur í samtali við Vísi.
Fjölmiðlar Gjaldþrot Mest lesið Matvöruverslun og íbúðir steinsnar frá Keflavíkurflugvelli Viðskipti innlent Mun bjóða upp á sömu flugáætlun og Bláfugl áður Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Dýrmætustu og sjaldgæfustu Mustang bílar landsins á afmælissýningu Mustang Samstarf Krónísk óstundvísi: Skýringar og góð ráð Atvinnulíf Stofnandi Binance dæmdur fyrir peningaþvætti Viðskipti erlent Tekjur Apple drógust saman enn eina ferðina Viðskipti erlent Viljinn tekinn til gjaldþrotaskipta Viðskipti innlent Röntgen Domus og Orkuhúsið fá ekki að sameinast Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira