Tólf ára Valdimar gefur Bryan Adams ekkert eftir: „Það krúttlegasta sem ég hef gert“

„Þegar ég var 12 ára þá söng ég uppáhalds lagið hennar langömmu minnar og tók það upp og gaf henni. Mögulega það krúttlegasta sem ég hef gert.“

Þetta segir söngvarinn ástsæli Valdimar Guðmundsson á Twitter. Valdimar hljóðritaði lagið Have You Ever Really Loved A Woman með Bryan Adams aðeins tólf ára og gaf langömmu sinni í jólagjöf.

Nútíminn greindi fyrst frá málinu. Í samtali við miðilinn segir Valdimar að hann hafi oft á tíðum hlustað á útvarpið með langömmu sinni og alltaf sungið með.

Hér að neðan má hlusta á tólf ára Valdimar gjörsamlega negla lagið með Bryan Adams.

Þegar ég var 12 ára þá söng ég uppáhalds lagið hennar langömmu minnar og tók það upp og gaf henni. Mögulega það krúttlegasta sem ég hef gert.https://t.co/fZG1OuFZ6h

— Valdimar Guðmundsson (@ValdiMumma) March 27, 2018